《刀劍神域 彼岸遊境》玩後感 - Fans必敗的夢幻之作
近呢10年 <刀劍神域> 係日本動漫界冇人不識，原著嘅輕小說全世界發行量已突破2000萬本，改編嘅動畫一輯接一輯，到今時今日依然係熱門話題之作。今次嘅PS4遊戲 <刀劍神域 彼岸遊境> 改編自電視動畫第三季「Alicization 」的上半季故事，再補充大量新加元素而成。經歷咁多次遊戲改編之後，今次遊戲的戰鬥系統上更趨成熟，除咗一慣爽爆連續技殺敵之外，進化後的戰鬥系統讓玩家隨時處於無接縫狀態迎擊敵人，配以最多可以讓4位玩家共同冒險的線上多人遊玩模式，而每位玩家亦可各自可帶1名npc搭檔共同參戰，即係玩家4人＋搭檔4人，以總數8人的隊伍來進行遊戲，今次仲唔貫徹到<刀劍神域>多人Online game嘅主題? 補充一點，今次試玩之時已經係改善咗好多嘅 Ver 1.03， 配合PS4 Pro 嚟玩唔覺得有太大問題，亦唔覺得唔有太嚴重窒機嘅情況。
新元素新故事吸引，Fans 無免疫乖乖俾錢
除此之外，仲有兩點特別值得一提，首先今次加入全新原創少女角色「梅蒂娜」，尤其是於故事初期原本只是兩個男主角闖蕩江湖式嘅成長旅程，始終淨係兩支公大家睇得多都可能有啲悶啦，但如果加埋個新女角一齊同行，大家玩落又會唔會更有趣味呢？(主角桐人後宮團又添一名猛將~)
而且由於日本電視動畫也是剛剛播到第三季的下半季根本未有結局，所以今次遊戲一直到打完最高司祭之後就係原創故事，到底主角與一眾整合騎士之後有什麼經歷？甚至乎第二男主角尤吉歐如果並未於boss戰中死去，而是繼續以夥伴身分與桐人一同繼續冒險會發生什麼故事呢? 今次 <刀劍神域 彼岸遊境> 實現了非原著方向嘅全新分歧路線，所謂 “If” 劇情嘅超展開， Fans們又點唔乖乖俾錢呢？
講咗咁耐，如果大家對開始<刀劍神域 >感興趣，其實 Netflix 係有佢有齊第三季「Alicization 」的上半季全部24集，唔需要擔心未睇過頭兩季會唔明故事，因為第三季就好似一個全新獨立嘅旅程，當做一個全新嘅故事去睇也未嘗不可，非常推介俾大家。
頁:
[1]