用B&W PX7 消噪功能唔錯，即時欣賞Gin Lee剛出的MV 《幸福...
今日用了 B&W PX7 在手機用 YouTube 聽 Gin Lee 剛放出的 MV 《幸福門》，一開始畫面就好有王家衛《花樣年華》(In the mood for Love, 2000) 嘅懷舊 Mood!先說音樂起前的音效，高踭鞋腳步聲、推門聲、暖水壺的揭蓋聲、倒水入杯的由空至滿聲及阿媽嗰代暖水壺蓋的金屬碰撞聲音都非常細膩，完全突顯咗呢部頭戴式耳筒的強項。不過你千萬別以為喺呢個時候聽到嘅輕微噪音係由呢部耳筒發出嚟，咪誤會冤枉呀大老爺!其實佢嘅消噪功能唔錯，照計無乜理由。原來MV導演想玩埋王家衛喜歡現場收音嘅效果，噪音係刻意加入㗎，所以當音樂一起嘅時候就冇晒噪音嘞。(我用咗 Noise Cancelling High Mode)。 成首歌人聲與音樂好平衡，好清楚聽到歌者變音的順滑，甚至那句「很想請教你們有幾多個比我記得清楚」那個「清楚」两字，聽到口水在牙縫邊的渗出聲。
MV 最後有两個缺點，就是歌曲完結時鋼琴低音部份嘅餘音提早咗被截了而顯得突兀! 這耳筒隔噪實在令人聽到平時聽不出的問題，這音樂其實有與冇之間原來仲有些距離，可以再遲 1 秒才截停會更佳；正如畫質一樣黑與深黑之間原來仲有多幾個層次，唔信你自己試試。😊另一個問題就係音樂完結後又到音效出場，臨尾點煙時火柴聲唔錯，可惜火焰聲卻大得頗驚人，唔成比例，險些以為阿波羅 11 號火箭升空。🤪 有咁嘅耳筒，終於令我有意欲去用平板式電腦嚟看電影。最近攰攰地，又怕嘈住返夜更的兒子瞓覺煲唔到機，攤係床上睇 Netflix 又係另一種享受。
科技真令人幸福，謝謝您🙏🏽!
幸福門
https://youtu.be/j_F3D_SOSkE
WOW, 好正喎!!!!{:6_128:} 小瑟 發表於 2020-7-28 09:25
WOW, 好正喎!!!!
部機真係唔錯{:1_340:}
頁:
[1]