遲來的KEF LS50W 夜曲特別版 “Nocturne”開箱 + 中獎感受(上)
LS50W已出左幾年，已經有唔少開箱，不過GOOGLE下，唔見到香港有特別版的開箱(其實外國都好少)，所以PO少少感受自HI下，多多包含。加上咁大個仔首次進入兩聲道之門，以下長文慎入。購買歷程:
市面唔見特別版的開箱，我諗原因好簡單，正常應該無人會俾多幾千蚊，買只係圖案唔同既LS50W，其實我都一樣，知道市面其他店都係賣緊乜價，諗住去”甜片生命”問下價，係貴少少但額外送原廠LAN線，加上前排商場有得CLAIM現金券，信用卡又回贈，計落條數都係差唔多，咁對於我呢D入門人士，都係幫襯大舖有信心D，咁就FULL PAID左，前後買賣過程不足10分鐘(當然之前已聽LS50W聲音同其他有源喇叭比較)。
點知神奇一刻就咁樣發生左，SALES原本CHECK白色係有STOCK先俾錢，仲約埋收貨時間，但趕去湊仔期間收到SALES電話，以下真實內容對答:
SALES: 唔好意思，頭先再CHECK倉無白色，只得鈦色有現貨，代理話船期問題，白色要等一個月以上
我: 但我唔想要鈦色喎，更加唔想等一個月(心諗咁不如REFUND去第二度買)
SALES: 咁啦，我見特別版有現貨，我同公司講下啦
我:我都知LS50W有特別版，但貴幾千喎
SALES: 我會幫你問，唔使加錢得唔得(下………………..我心諗啫，當時無”下”出聲既)
我:哦，咁唔使加錢當然最好啦
如是者，過左兩日，SALES又真係好有交帶覆返，公司話OK，我即時係個心叫左聲”YES”，咁就兩日後送貨。收貨個刻都嚇一跳，原來特別版個箱都唔同(但掉左喇，實在太大件，細件個D我通都KEEP返第日可能放出去)，睇下個箱，組裝期係2019年7月，又唔係死貨喎，呢一刻先開始相信，從來無抽獎命既我，居然有中獎感覺。其實阿SALES哥哥都可能預左我會上網分享，話今次係特別例子，見我無壓價又爽快，所以特別處理。
之前睇過外國網站介紹，夜曲另一特點係有夜光，但我可以用家身份講，夜晚熄燈係只有超微弱光線，基本上係睇唔到，除非你專登搵野照佢，我估部份密集恐懼症既人甚至覺得抗拒，好彩我又無，不過遙控無特別版圖案，而且真係好膠，呢個價錢黎講真係太玩具FEEL，但喇叭其他FINISHING係唔錯。
由於唔想太長氣，下篇講聽感，買左成個月，已幾肯定自己入左坑，賴野了………
靚，恭喜師兄 好靚仔！ 恭喜 恭喜， 我都係kef 用家， 但我又覺得普通版白色靚d 邊度做？ 恭喜師兄,好靚仔! 恭喜晒， 應該好少好少用家買特別版， 幾k.差價買多隻dacs/ speaker cable 好過 師兄 等你個下集 好有時代感 {:6_193:}
頁:
[1]
2