3rd Review for Oneaudio Medi 2.1
在上次的Review末段，小弟提及有機會會嘗試用Lumin U1 Mini去接駁Onebox Micro。下圖是Onebox Micro的後門寫真：自農歷假期後，因為“大疫“當道，小弟多了不少Work at Home的日子，而且省下了一筆應派但又過哂期，吾使派的利是錢，正好利用這幾天時間實現夢想。
於時我坐言起行，立即刻聯絡Volent Audio 的 Ben Sir，留了一部黑色 U1 Mini，跟住蒙面飛的去金巴利道 Ben Sir show room 提貨。
火速回家後，立即把U1 mini接上 Lan 綫及用USB Micro B 綫接駁Onebox Micro，很不幸，竟然無聲出，大失所望，吾通省下來的利是錢又倒入了咸水海？我唯有嘗試用光纤綫（Optical）接駁去 Onebox Micro，今次成功了，順利出聲，而且，第一聽感，音質絕對不在 Raspberry Pi4 （草妹）之下。順便一提，Ipad 版的Lumin Apps 的确很流暢易用。
但跟據過住經驗，光纤綫（Optical）接駁去 Onebox Micro係輸比 USB Input，為了解决點解 U1 Mini 的 USB digital Output吾Support Onebox Micro，我即刻上网扒文，好可借，找不到相關的資料，吾通Onebox Micro個USB Input的兼容性有限制？正在頭痕之時，收到Oneaudio老板Kenneth 的 WhatsApp，我跟住同佢吹水，順便提及我遇到的難題，佢好肯定話 Onebox Micro 個USB Input絕對100% 無問題，我打蛇隨棍上，話不如抬部U1 Mini去你度試試，Kenneth好爽快話無問題，順便叫我帶埋 Onebox Micro去，有Beta版的Firmware可以Upgrade一試，音質仲有吾錯的改善，我一聽倒呢個消息，即刻雀躍萬分，有機會做第一隻白老鼠是何等榮幸，我立刻又蒙面飛的去旺角添置八樓。
入到去，Kenneth個靚女助手，Peggy（Actually 佢都系出色的工程師）拎咗 Onebox Micro 入去做Upgrade，我就拎部U1 Mini出黎試，經多次嘗試及檢驗，可以肯定原因係U1 Mini個USB digital Output只Support DSD Direct, 吾出DSD Over PCM (DoP) 。我唯有决定放棄U1 Mini駁Onebox Micro呢個玩法。
就响等Peggy完成Upgrade的時候，Kenneth 同我閑談了一吓“大疫“當前對生意的影響及有關Oneaudio產品响Market上的定位，我也提及了我個人對Oneaudio產品的一些睇法，例如，Oneaudio的强行：除了Subswoofer要用AC 電，其餘Onebox Micro及喇叭係全無綫設計，以DECT制式同步轉輸數碼，喇叭內置解碼及只行電池，致使數碼轉换成模擬信號直出喇叭的距離大大縮短及完全不受來自AC電源，信號綫及喇叭綫的干擾及損耗，從而把Distortion減致最低。但同時，Oneaudio的設計概念：响數碼層面就把聲音斬件處理，中高頻由左右喇叭出，低頻由Subswoofer出，同傳統把器材斬件來處理模擬信號，分成 DAC，前後级分體的做法有很大的分別，响產品推銷過程，要顧及傳術统HIFI友的諗法及思惟。
Kenneth 亦談及吾少HIFI友上黎試聽，都話套理好掂，但又講吾出點正法？致於所謂低THD並不是他主要的追求目標，反而數碼在Onebox Micro，喇叭及Subswoofer之間的傳輸，要做到左右聲道相位精準接收，才是重中之重，左右相位越準，立體感越強，聲音越有質感，而相位的精準調教响數碼層面係容易過响模擬信號的層面，試想吓當DAC把數碼轉换成高質的模擬信號，跟住過五關斬六將，經歷前後級一大堆原子粒零件或真空管的處理及两對信號綫、一對喇叭綫的干擾及損耗，去到喇叭的分音器，此時此刻模擬信號的聲音相位跟仲停留响DAC時的相位，肯定有明顯的差異。Kenneth 還提到Oneaudio 的喇叭設計有很多巧妙的地方，但因為技術層面太高，已超出本人有限的認知水平，以後真係要响呢方面多下功夫鑽研。
而今次的Firmware Upgrade，Kenneth話响相位精準方面下了一番功夫，佢跟住開了Show room 內的 Medi 2.1，用32GB 手指播入已升級了Onebox Micro，播了兩首SukieShek的歌，一開聲已經Feel到背境更靜，Sukie把聲的震動及呼吸聲歷歷在耳，人聲的質感，立體感都有明顯的改善，Kenneth跟住解釋，人聲有如此大的改善，主要係响利用低頻Subwoofer幫手出部份中音方面作出改善，所以人聲的厚潤係好明顯，Kenneth叫我回家試聽吓D Saxophone 的碟，就知真章。
試到呢度，我亦吾想打搞Kenneth 太耐，匆匆辭別，飛的回家，立即把Upgrade了的Onebox Micro重新同喇叭及Subwoofer配對，雖然明知用32GB 手指插入Onebox Micro播歌係最好聲，但我仍然駁返用慣用熟的Raspberry Pi4去Onebox Micro的Micro b，我選了心愛的Moode （現時版本Moode 6.4.2）做Player，一切就緒，聽Kenneth建議，選了隻Saxophone 碟：Sam Taylor 的Saxophone Colorossus，點知一按Player 播第一首 “Sound of Silence “，Sam Taylor 把色士風渾厚的特色盡情發輝，釋放出靈魂最深處的吶喊，口水四濺，大嘆過引。
試過女聲，又試過色士風，點都要試吓男聲，於是選了隻“馮喬 - 回憶 (超重人聲低音炮) “，一開聲，馮喬的深沉嗓音比趙鵬更利害，跟住都費事换碟，直情成隻“馮喬 “由頭播到尾，首首精彩，而且有一種聽感以前吾多覺，就係即使無人開聲唱的時候，剩係配樂，不論係吉他、小提琴，剛琴，二胡等，竟然都好有味度及個性，成首歌由主唱到配樂都真情演繹，絕不欺場。
聽到呢度，我又回想起Kenneth今日提到的問題，就係 D HIFI友上去 Oneaudio Show Room試聽時，都講吾出套野點正法？我思前想後，正所謂條條大路通羅馬，傳统 HIFI玩法都係落重本响模擬訊號處理上做工夫，利用大堆頭高質零件，IC Chip，導體，寶品，嚴謹的綫路底板及上佳屏閉，再加上優質電源供應及原美接地來處理調教模擬訊號，冒求把重新演繹的聲音更接近原本真聲。而Oneaudio 只係利用數碼科技把數碼原原本本地保留到最後一刻，你想聽時才轉换成模擬訊號出喇叭，邊一個玩法响理論上更能接近原音演繹？我個人睇法，傳统玩法最多只能做到把模擬訊號受到的干擾及耗損，減低少少而已。
所以Oneaudio的產品點正法？我覺得答案只有兩個字，就係“新鲜“，佢係“有機“ 的聲音，係Organic的聲音，以食物做比喻，就係冰鮮雞同新鮮活雞的分别，用靚女做比喻，就係化行妝同素顏都可以驚豔全場，佢吾需要好靚好純的電，吾需耍經過7N銅，7N銀的導體，但可以輕而易舉出到銅味的暖厚，銀味的甜滑及通透，佢體積細小，但每邊兩隻8cm的低音喇叭加一隻6寸Subwoofer 竟然同座地喇叭一樣，可以石破天驚，地動山搖。有玩開DAC preamp 用平衡訊號綫直入有源喇叭的師兄真係值得推介一試，因為Oneaudio去得更盡，簡直不食人間煙火，佢連平衡訊號綫都吾使，喇叭由電池推，聲音更精緻，更清純。
今次Review到此為止，本人先利申，本人只係Oneaudio其中一個客仔，而且只係買了套One Medi 2.1咁大把，肯定不是幫襯 One Classic 2 的大客。閣下如看了本文而去添置八樓，本人不會有任何得益。而本人都係由傳统 HIFI 玩起，因為覺得Oneaudio 的設計理念同傳统 HIFI的思惟的確有很大分别，所以出文，希望做到抛“猪“引“肉“，引起各位師兄對本地研發的創意產品的支持。
上文純屬個人睇法，各位師兄，如睇完Oneaudio 网址，或試聽，或同Oneaudio 老板Kenneth 交流之後，有吾同理解，絕對正常。
Thanks for your sharing! David1382 發表於 2020-3-19 13:43
Thanks for your sharing!
Tks so much for your reply.
頁:
[1]