明天開始都決定全部同事在家工作,想同大家分享呢刻心情!!
平時小瑟都好小係網上同大家講到有關我地網站既內部野既, 因為我估大家都應該冇咩興趣知呢~~{:12_788:} 但其實我地Post76全職既同事, 計埋我已經有6個兄弟,另外仲有幾位一直FREELANCE幫手的兄弟計埋大既有3-5位不等. OFFICE位置位於觀塘, 平時大家如果玩耳機返歸玩, 交收時都會係觀塘我地OFFICE做交收的, 有機會上過來的可能都有同我地吹過下水的......{:12_806:} {:12_796:}昨天岩岩開工大吉, 而今日我地如常地工作啦, 而我地平時都會一邊聽收音機, 一邊做野既, 今日聽到香港確最新【武漢肺炎】的已經有17個人了{:12_804:} , 而且今日新增果二單, 竟然都係本地人傳人的個案, 冇任何旅遊紀錄............{:12_802:} 呢一刻, 我自己真係開始有D驚, 事關政府數字所知, 每日仲有非常之多的人由國內返到來香港, 呢個情況之下, 衛生署亦都講明, 黎緊本地社區爆發既機會好大, 佢講既情況就好似天文台同大家講, 「黎緊2個小時之後, 有機會掛8號波架勒咁」{:12_798:} .....咁即係話, 好快就會來多一次03年SARS的情況, 而且仲會不停有"新客"加入??? {:12_747:}
呢一刻我知道香港人既風險好大, 而我地各個同事其實都係好擔心自己同家人的安全.....{:12_837:}
去到呢個環境, 香港呢個情況, 其實只可以靠自己去想辦法了{:12_837:} , 就係咁, 小瑟同WIL總傾左一陣, 就同一班兄弟講 : 『因應現在情況，太多隱性病況可能有機會做成社區爆發，為左保障兄弟的安全，我地決定 work at home，同停止一切出外既拍攝工作』{:12_834:}但我地兄弟們都依然會在家一直工作, 剪片, 打文分享碟評, 諗一D影音好玩野, 以文字或VIDEO影片既方法同大家分享既, 希望大家如果都係同我地一樣, 在家工作, 或在家休息時, 都可以有D野睇下, 有D寄託{:12_753:} . 雖然我地經濟上其實都真係"蚊蚊緊"的{:12_769:} . 但經濟捐失左可以搵過, 但兄弟們的健康同安全係最重要的, 呢一點有錢都買唔到, 雖然同大家其實冇咩大關係........但我都好想同大家分享一下依家小瑟既心情, 因為老實講, 我係擔心的, 擔心黎緊既將來 Post76 應該點行, 好多好多野擔心. 但我唯一可以分享的, 都希希望同一直默默支持我地既一眾好版友, 支持我們的您, 分享一下我的感受, 希望大家唔好介意呢!!!!
今次情況真係好嚴峻. 希望大家一同努力, 互相幫助去一同渡過呢次難關呢. 謝謝大家睇完我呢篇文章~~~感謝你們一直支持小瑟, 一直支持Post76{:12_752:} {:12_742:}
引用新聞 :
衛生防護中心：不排除有大型傳播 未來十四日是關鍵
https://news.now.com/home/local/player?newsId=379320 76加油~
全力支持~ 加油{:6_193:} 加油💪💪💪 工作需要，我就唔可以work at home，仲要周圍去添。唯有提高啲警覺，多啲注重衛生。
245141525 發表於 2020-2-5 08:50
工作需要，我就唔可以work at home，仲要周圍去添。唯有提高啲警覺，多啲注重衛生。
...
祺哥, 多D洗手同用酒精初手呀~{:12_735:}{:12_735:} 健康，平安，香港人加油！ 小瑟 發表於 2020-2-5 10:08
祺哥, 多D洗手同用酒精初手呀~
仲要飲多啲水，保持喉嚨濕潤。
大家身體健康!!
支持Post76{:1_326:}
香港加油!!!!!
加油💪加油💪💪💪