2019年年終道謝帖：人間有情，樂在其中+Secret Item
本帖最後由 alleelarry 於 2020-1-7 20:27 編輯前言：
係近一兩個月之間收到唔少禮物，更加要係每一份都好有心思，但近日真的很忙，無法逐一道謝，不如攪攪新意思，開一個帖跟大家道謝，順道留個紀念！禮物種類各有不同，可以分為、「動漫篇」、「影音篇」及「玩樂篇」（禮物不能盡錄，排名不分先後）。
動漫篇：
∇ 太太親自「日本直送」，RG版 Nu Gundam、SD 勇者王 Cross Silhouette 同埋同系列既「大骨架」
∇ 來自好友既，買都未必買得返既「Gundam Weapons」，豐富了自家的「白色基地」收藏（重溫：按我）
∇ 朋友知道自己好鍾意高達，送哂兩件係泰國買八達通付奉既「高達TEE」同埋「紅渣古TEE」比我
影音篇：
∇ 朋友快閃泰國遊，剛好是《未來戰士：黑暗命運》上映日子，明知我鍾愛 T2 的他，入場睇戲前問我要唔要收藏專為電影而設既「T-800 頭骨爆谷筒」，咁正就梗係SAY：YES，到手後研究下，原來真係可以「著燈」，個一刻真係好激動！
∇ 朋友真係識多D無壞，知我鐘意「玩」，咩都「試」一餐，送我兩只唔多易搵到既「Demo 碟」，雖然影音系統未支援 IMAX Enchanced，而家恨下先又幾好玩咁
玩樂篇：
∇ 除了朋友，同事都好有心架，好實用又夠Q既 Line 餐具，一對就可以跟太太一齊用，係咪好有心思咁呢！？另外一位同事，知道我鐘意去旅行，又了解我極之鍾意「橙色」，送上了一個「可伸縮」既水樽，心思滿分！同場加映，日版 Google Home Mini，太太老闆同樣知我鐘意玩，所以轉贈了作為 Google Drive 付費用家免費獲贈的 Home Mini。
∇ 又咁橋之前參加了銀行的「轉數快」遊戲，日日轉20元比太太，都唔記得轉左幾多日，Eason 演唱會飛抽到都無用，係遊戲最後一日公布取消，但就成功獲取5張10老麥現金劵，都好OK呀！
後話：
2019年實在好奇怪，心情是大起大落，但回看一下，還是「人間有情，樂在其中」，感激再感激！！！
Secret Item：
無諗過踏入 2020年，仲可以收到本來係 2019年既禮物。
∇ 一個以元祖高達造型的咕𠱸，同事話要換佢，係首先要係 FX 到買個袋，先可以加錢換，但又唔係即時有現貨，等了又等就已經是新的一年！
頁:
[1]