踏上星戰終極之路：《星球大戰：天行者崛起》IMAX 3D 優先場
本帖最後由 alleelarry 於 2019-12-18 15:30 編輯前言：
細細個個陣就只知道只有三集，英文台播一次睇一次；到 LD 衰落 DVD興起個陣，就話我知其實有三集前傳；再到藍光進化到 4K 時代，又話故事係未完既，今次就堅決講明係一代傳說既終結，睇左八集又點可以錯過呢個「大結局」呢！去馬！
準備：
要入場睇當然要買飛，但又想要埋電影相關贈品，就只好早D起身排下隊，當日情況重溫（按我）。「電影全集紀念幣」當天就拿到手，「首日限量版紀念襟章」就要到今日憑劵才可以領取；不過禮品呢家野就無人嫌少，一於又玩下D臉書遊戲，寫D出賣年齡既留言（正正就係本帖既前言），幸運地被選中，獲得《星球大戰：天行者崛起》文具套裝，一於係入場前去領取埋，來一個「星戰之路」既經歷吧！
∇ 乘住「星戰首日」，著件「千歲鷹」入場，或者會有「未出發．先興奮」感覺
∇ 《星球大戰：天行者崛起》文具套裝，太太話最適合用黎放以往收集既「徽章」
∇ IMAX Laser 3D，用既眼鏡肯定同以前既唔同，買飛個陣問都唔問就硬食左副眼鏡，反正是首次去 Laser 影院，10元港幣一副；再者同類影院又唔止一間，就留起以後用啦！
∇ 跟據 IMDB 片長有 141分鐘，要保持集中的話，水就不能喝太多
重溫及心願：
星球大戰電影一共有九集，入場前又沒有太大必要一次過重溫前八集，畢竟四至六集睇過N咁多次，今天之前分了兩天重溫第七及第八集；可惜暫時只有第八集有 4K 版本，非官方的也有 A New Hope 及 Return of the Jedi ，還望在此之後能推出完整的高解像度版本。但不管如何，避免產生「違和感」，不管「前傳」也好，「續篇」也好，戰艦上的 Panel 始終如一的「簡潔」。
~完~ 本帖最後由 alleelarry 於 2019-12-19 09:38 編輯
將星戰多來的精髓集於一身，假如你係星戰迷的話，絕對會收貨！
昨天的5PM場次就係第一場，7點左右是不對外的貴賓場，而我買到正中位的就是最後一場！入場既都有唔少係穿上主角戲服，又或者好似我咁，都著住件星戰 TEE，氣氛好濃厚！本來 1030 開的場次，或許貴賓未散得切，攪到 1040 左右先開始入，開得場都 1047，個一刻都幾乎肯定趕唔切尾班車回家。銀幕開始播放時閃了一閃，在場觀眾已經起哄，點知係播戲院自己既廣告，接住就播其他電影預告，到出 IMAX 3D 片頭，再來起哄，更加有 FANS 高叫：終於有得睇勒！更加有唔少朋友仔拍手掌添，咁大個仔係電影睇電影而有掌聲既今次係第二次，這代表了入場既通通都係星戰 FANS！
∇ 當日決定入場前，好有印象睇過 IMDB 話有 IMAX Scene，但肯肯定定係全程只有 2.39 : 1，今日再睇資料原來真係「無」，極有可能係之前資料不全
∇ 經典沙漠追逐戰係有既，太空追逐戰有既，激光劍大戰激光劍就一定唔少得，由頭到尾都無廁所位，最後加入一D日本卡通愛用既「熱血」原素入去，直到起字幕就會明白今集電影的命名，因何而來……
回到家已經是 0300，入睡差不多是 0400，好不容易地 0635 爬起身返工，還好有一份「興奮」，開車都無睡意，安全到達！
終於入場睇「星球大戰：天行者崛起」{:6_193:} 終於睇完啦！！結局我覺得好滿意。{:6_193:}
文具套裝同埋首日徽章都攞到手了！ 原來英皇imax全香港最大 wantai288 發表於 2019-12-18 20:54
原來英皇imax全香港最大
懷念機場 IMAX teddyng637 發表於 2019-12-18 19:33
終於睇完啦！！結局我覺得好滿意。
絕對同意！{:12_724:} 主角到咗場？ 岩岩完POLK AUDIO活動, HUGO原來已經買左10:30場次的閂影1院飛!!!! {:6_139:}