好碟（天碟）推介-久保田利伸-最新專輯-Beautiful People
本帖最後由 Davidfwh 於 2019-12-5 09:10 編輯相隔對上一張專輯L.O.K.已經4年之久,真係等到頭髮都白晒,不過最新專輯Beautiful People終於到手。先講封面,今次真係夠晒爆,玩沙漠裸跑,因為Title是Beautiful People, People 本來就是裸體,為切合主題,所以玩裸跑😆我自己是這樣覺得。
入返正題講歌曲方面,絕對同封面一樣無得輸。一入碟就是唱Beautiful people foreplay, （慣性安排）, 但不知何解只是就咁唱Beautiful People 2個英文字就已經超好聽,心諗呢隻碟一定有驚喜。
之後一路播落去,嘩！真係一首比一首狠狠地打入心。我開始時一路做其他嘢一路聽,但聽到第4首之後就已經停晒手,不自覺哋走咗去皇帝位坐係度,好似撞邪咁定哂形。因為已經深深地比佢每一粒音符吸引住,完全不能自拔，直到全碟唱完後,我只做了一個無經大腦思考的反射動作,就是再按Play由頭再播一次,如是者無限輪迴直到夜深。
今次專輯真是送大禮,除了有14條track之外,在較早之前推出過的2隻Single “You go lady"和”So Beautiful"都有收錄,其中“So beautiful"仲要係特別混音版本 more beautiful mix。真的比較少見,因之前所推出過的專輯不一定有收錄Single 歌,要聽就唔該自己再買Single。
久保田さん是少有的日本singer song writer唱足30幾年都仲有大把貨,而且新曲一首比一首動聽 。佢之前係網上打趣問大家,得2個小時多的演唱會,選什麼歌唱好,我就答佢隨便選些未唱過便可。喜喜！
除了歌曲頂級正之外,錄音水準也是頂級之作。不但聲音響亮，每件樂器層次感分明，空間感和立體結像都十分突出,屬於頂級製作（不比我曾聽過的任何SACD差）。如果有睇過我之前寫好碟推介,都知我也喜歡聽Kpop, 韓國音樂的製作水準一般也相當高,但對比呢隻碟啲錄音就無得揮,也是我今年心目中的天碟中的天碟。如果各師兄/姐有興趣,真係要聽吓,可能有機會改寫Jpop係你地心目中的傳統印象。 咁要去買番屋企聽 咁要去買番屋企聽
頁:
[1]