瑞華行開倉睡橫巷 2010 (重戰機L-Gaim MKII)
本帖最後由 大佬John 於 2012-2-19 16:24 編輯今日最後一日,派R3系列1/100重戰機MKII 只係$100, 尋晚訓左個零鐘, 五點半第一班巴士就搭落觀塘轉車去青衣, 帶埋報紙同本Gundam Sentinel小說去坐住睇,睇住等, 去到七點左右, 數人頭我係第十三個, 之後例牌前面有幾條友會夾埋D friends插隊, 隊隊下我就變左排20, 係第二批放行入去, 班友仔有七人以上, 睇落三十歲以上, 聽落對話內容..全部都係齋o拍仔(三幾十歲, 醜唔醜), 仲突登大聲講野等人知佢人多... 不過佢地極其量只係打尖, 實質搵唔到咩著數, 入到去瑞記D職員見到有人拎多左都會叫佢嘔返出黎(唔話得, 真係有做野)。
跟據上次去排開倉隊既經驗, 我一條冷去, 最好係同排我後面果個吹下水, 等入到去有照應(上次就係咁樣多左張90蚊coupon), 事前上forum睇, 今年瑞記個倉換左位, D筍野唔係就咁放o係當眼位, 咁好彩今次我後面果個弟弟佢前幾日都有上去, 知道晒D野放o係邊(佢仲學埋Keroro果D招, 前一日黎將D重力戰線MG 收埋o係D 1/100 Seed模後面), 而且知道重戰機MK2 D貨只有由地面疊到上腰咁高(唔多,廿零盒), 所以我同佢換左籌, 20換21, 上到去就跟佢行, 我第二批上lift, 因為有佢帶路, 仲快過第一批人搵到重戰機MKII位置, 而且貨量真係及腰高度, 我拎完再行個圈返來睇已經冇晒, 第二批上來排我後面果D人仲o係度問D職員重戰機放o係邊, 如果唔係弟弟帶路我都可能食白果{:1_347:} 。
當時仲有MG 龜霸$200, MG Nu $250, MG ZZ $200, 就係為左抽利是手多多拎多盒ZZ gunpla 30th周年MG連透明腳甲$200, 埋單三百, 抽左盒垃圾hello kitty, 搭lift落返去果時先醒起, 我仲有大把HGUC未買, 要買MG既話排隊都未排到ZZ, 起碼都要買V同Z 2.0先, 都唔知點解我會入左呢盒, $200只係比街平$80, 好後悔, 你好野捷度, 如果我真係砌呢隻野, 佢永遠都會係飛機mode(貪佢有起落架), 唔會俾佢有伸出頭來既一日{:1_250:} , 或者我用Ex-S餘件夾埋佢地整怪獸...D透明甲又勁花同多橙皮, 原本2000年前出既MG都唔值得買, 呢次真係好似鬼掩眼, 以後咪再貪D師奶便宜。
走時出MK行, o係模型舖有人問我隻重戰機MK2係咪開倉買, 同埋仲有冇剩, 幾點去排, 我照實話佢知...之後行信和, 又有另一個人拍我膊頭問我隻重戰機MK2係咪o係青衣買, 又仲有冇剩(當時係下晝四點)... 我又照實答佢....我就R頭, 呢隻野話佢超紅又唔係, 冷門又唔算, 但係個市場真係奇怪, 依家o係街搵唔到, 環球仲有盒賣$43X, , 早年淘大擺果個場都好似有呢隻野, 果時我都係唔o孔佢, 真係唔知點解...如果真係鐘意既, 就一早正常價果時入左(包括我,都冇入), 唔駛等到跳樓, 睇上網D舖全部都無貨, Bandai好似 Discontinue左佢{:1_260:} ...純綷因為$100既吸引力? 我自己就因為砌完百式頭, 想入返隻重戰機同LED Mirage, 真係有o係街搵過但唔見, 咁o岩瑞記就開倉, (ps. MK偉利有1/144 周年版LED mirage $170)
另外買左兩本戰車模型書仔, 諗住學下野 我知道有平價貨,可惜冇心情,好似你所講一樣,最憎D人插隊,加上又要五點去排隊...{:6_168:}
點都好,先恭喜你買到自己的新一年玩具啦!{:6_149:} MKII上次星輝x瑞記已經入左架喇。
都好似係咁上下$ 本帖最後由 大佬John 於 2010-2-21 20:46 編輯
我就係記得你果時明明指住話俾我聽, 同埋盒蒼流星, 但係我果時Kai下Kai下咁..都冇為意.. 分分鐘遲下有機動警察3in1我又仆去排
原本用100蚊筍價買到值$400蚊既野, 果種心情比起用四百蚊買四百蚊野,但係轉頭o係地下執到300蚊更震奮(你問:有乜分別?)... 依家既情況係我用$300買左想買既野(值$400)+一件唔係真心想買既野(都值$280), 計落點都係著數, 但果種感覺硬係好似唔滿足咁(真係好交叉煩) d野仲貴過我係屯門買好多 行左個圈兩手空空走 d野仲貴過我係屯門買好多 行左個圈兩手空空走
李雲迪 發表於 2010-2-21 22:11 http://www.post76.com/discuss/images/common/back.gif
睇你target係咩啫。 原來隻l-gaim mark 2咁快清左。我下午三點先走去行一轉，買唔到係應份。 尋晚拎盒ZZ出去賣, 買家都仲係對盒MK2同有關開倉既野有興趣多過盒ZZ {:1_257:}
總算賣左出去. 鬆晒~ 尋晚拎盒ZZ出去賣, 買家都仲係對盒MK2同有關開倉既野有興趣多過盒ZZ {:1_257:}
總算賣左出去. 鬆晒~
大佬John 發表於 2010-2-24 05:28 PM http://www.post76.com/discuss/images/common/back.gif
咁咪好囉 唔係咁值得排咁耐隊!!!
頁:
[1]
2