《吹響吧！上低音號 ~誓言的終章~︰燃燒青春》
本帖最後由 alleelarry 於 2019-9-24 07:58 編輯上低音號係京都動畫代表作之一，之前出過兩季電視動畫及三集劇場版(其中兩集係總集篇，另一集係全新故事莉茲與青鳥)。如果無睇過之前電視動畫或者兩集劇場版總集篇，今集可能會睇到一頭霧水。
故事講述管樂團三年級生畢業後，新來的一年級生加入管樂團後發生各種各樣的小風波。今次劇場版有唔少呼應之前電視動畫或莉茲與青鳥的劇情，例如久美子與男主角秀一的感情線、所揀選的莉茲與青鳥樂譜會令人諗番起劇場版莉茲與青鳥希美與鎧塚霙的故事線(唔知係咪莉茲與青鳥交待咗佢哋兩位「感情線」，今集誓言的終章戲份好少)等等。新角色久石奏未升上高中時的過去，與故事另一女主角高坂麗奈於第一季電視動畫與管樂團三年級生的衝突相互對照，有一場最鐘意係副部長夏紀揭穿久石奏於選拔時刻意放水。然而可能係劇場版片長關係，有唔少角色戲份好似被cut短咗咁。新男角月永求點解唔俾同學叫佢個姓只有最後比賽先略略交待，女角美玲嘅心病可以再講得深入啲。
動畫最後一場演奏令到追開上低音號嘅fans好感動，畢咗業嘅三年級生出場支持主角一眾人要晉級全國大賽。演奏廳演奏的作畫保持著前作一貫的高水準，有靚歌有靚畫，並且有心思咁flash back番第一季動畫開頭，亦暗示咗佢哋能唔能夠晉級全國大賽…
原來現在先上畫，我以為我miss咗！
呢套好睇呀！
頁:
[1]