[定の影評] 新海誠回歸之作《天氣之子》
本帖最後由 阿定 於 2019-8-10 16:03 編輯如果《你的名字》係一套計算型商業片，咁《天氣之子》可以算係回歸新海誠非商業風格的一套奇幻愛情輕鬆小品，如果有睇《Toy Story 4》的朋友，一開場的落雨畫面係咪好正先，但今次《天氣之子》的落雨場面係另一個更高層次的境界，係比《言葉之庭》後的超強進化版，動畫追求的並唔一定係100%還原真實，但絕對係要讓人沉醉入去二次元世界才算成功，人生中睇的動畫最感受深的落雨場景對我來講本來係《天空之城》入面柏斯第一眼見到天空之城的名場面，但今次對我自己來講，《天氣之子》絕對有力挑戰，電影尾聲的落雨場景，絕對係入心入肺之作。
故事無《你的名字》咁誇張，奇幻風加上大量日式笑料，對睇開日本動畫的宅宅絕對係100分動畫，雖然新海誠講過評價好大機會會走兩極，但日本票房同口碑都係超正面，明顯新海誠經過《你的名字》後，更加懂得討好一般觀眾，導演似係有點過份擔心了，所以無論你有無中二病都應該會睇得好開心，加上有前作的成員幫手做路人甲，喜歡幻想《你的名字》後續的朋友應該會好滿足吧。
RADWIMPS的配樂照舊好正，不過可惜發行唔夠細心，無做到中文字幕，對動漫迷來講，超級扣分，希望他日出碟時會有中文字幕配合劇情比唔識日文的人享受埋。
最後，如果係有返咁上下年資的新海誠粉，呢套真係回歸中二病之作，記得入戲院睇啦。 照你講我都好期待呢套會進步幾多。 今日去了睇第二次，結尾同片尾有中文歌詞，唔知係咪睇到我呢個帖所以加返呢。{:8_387:} 上嚟打卡，天氣之子故事直接啲，輕鬆小品愛情類只有奇幻，沒有你的名字那麼奇幻+奇情，結局沒有後者那麼好。上述兩齣戲都有較好結局。然而言葉之庭在配樂上比較後續兩片較優勝，雨景到鐵路都畫得非常細緻像真度高，雨景出現有深曾意義，男女主不倫之戀已預見結局。(日本人某度上比中國更傳統和守舊)。
而你的名字則藉民間傳說帶時空交錯故事，女主百里送結繩給男主(據日本傳統是丈夫遠行時妻子替他系上，回家時歸還)，她主動表白無意為她帶來宿命改變。此片和明天我要和昨天的你約會都是我較喜歡的日本愛情類電影(都是時空交錯奇幻電影)
頁:
[1]