ProAc D20R 一週試用分享
至從2年前買左ProAc 1SC FE 之後，一直都覺得佢d聲好好，特別係人聲，好甜，好耐聽，但係低音永遠就係差左啲啲。我搵過好多書架喇叭比較，一直都搵唔到對低音勁嘅書架喇叭。上年影音展，去到院長區，覺得Xavian Joy對喇叭用料同低音不錯，結果都買左落泥。可惜，高中音始終不及1Sc{:1_332:} 。有人介紹，低音勁要用座地喇叭。上年去地庫第一次聽D20R，其實覺得佢麻麻地，所以座地喇叭理論唔係好buy；但係網上評論讚到佢咁好，就去左原音聽多次。老闆都推薦呢對喇叭。上個月，結果，走多次地庫吸毒，就 … 就 … 就係咁，買左佢。
對D20R宜家駁住Unico 90，1SC呢 … 拉菲爾EP65 (6550膽機)。Sources: Unico CD Due，Naim ND5 XS。Unico 90去CD個段係Balance線，之前用1SC時都係呢個駁法。
由開箱到現在，對D20R己經用左一星期。雖然無拍底開箱圖，但老實講呢對喇叭堅大座，每隻都係獨立箱，要兩個人處理先搞得掂。地庫舖啲伙記一上到泥，唔駛20分鐘對喇叭連釘腳就set好左 (無換Jumper)。當然拿拿淋開機試下聲{:1_344:} 。第一隻要試，蔡琴.渡口。一開聲，第一下鼓聲，我己經覺得自己無買錯。就係呢種有力量，有潛力的低音。同我用headphones聽到嘅下潛低音差唔多。中高音呢？我覺得同對1Sc差不多囉。
之後試聽被遺忘的回憶，呢次聽到比較大嘅分別。因為音場窄左。聽到尾段啲 don don 聽時，啲聲係我前方兩側出現，整個結象主要集中係對喇叭中間範圍。不過還好，人聲，樂器聲都係清楚嘅。
整個星期，每天聽佢兩個鐘，煲下佢。早兩日再聽回憶嗰首歌時，個音場，定位都拉闊左，跟1sc己經差不多啦。就算開佢細細聲聽，都唔會覺得啲嘢出唔到。早午晚聽都唔怕嘈到人。
相信，ProAc喇叭擺位應該係容易，因為無特別toe-in 音場己經好好，無箱聲，好實在。當然要試真啲下潛力，我再聽下 Way Down Deep，聽下可以有幾deep。暫時未去到下一層樓，但係都潛左一半。如果再煲多陣，會潛多一啲，到時再報告下。
係咪只得個低音勁左呢？當然唔係，可能個dB比1Sc大啲，所以覺得D20R比想象中易推，會大聲啲。好多歌曲細節會聽多左。平時聽開個啲歌，係對D20R播出泥時，就好似第一次聽咁，有啲嘢都係第一次聽到。整個體驗都係滿足嘅。有師兄講過，ProAc只係書架喇叭好，但我個人覺得又唔一定。至少我呢次經驗覺得唔係囉。始終聽歌好個人嘅，自己鍾意就得啦{:1_351:} 。
I Love Proac. C hing enjoy 1SC好正，我都用過一排，然後換左D18，奈何地方細玩得不好，想請教師兄你的聆聽面積有多大？ angusn812 發表於 2019-8-3 19:03
1SC好正，我都用過一排，然後換左D18，奈何地方細玩得不好，想請教師兄你的聆聽面積有多大？ ...
150尺左右 angusn812 發表於 2019-8-3 19:03
1SC好正，我都用過一排，然後換左D18，奈何地方細玩得不好，想請教師兄你的聆聽面積有多大？ ...
1SC真係唔錯，特別配落膽到。 我都喺用哩對喇叭 恭喜師兄買倒好嘢！我有個問題想問問師兄？你這部unico CD ，聲低點樣。我玩unico膽機，我都揾緊邊部CD好。謝謝 上週我都買入咗黑檀木20r，之前用harbeth 書架喇叭，而家聽多咗好多細節聲音，低頻量亦好夠。正。我用緊luxman 胆機和luxman 胆cd機服待佢。 ccshing 發表於 2019-8-3 22:22
上週我都買入咗黑檀木20r，之前用harbeth 書架喇叭，而家聽多咗好多細節聲音，低頻量亦好夠。正。我用緊lux ...
你套嘢都好吸引嗰，有冇相睇？ JeanPierre@FB 發表於 2019-8-3 21:53
恭喜師兄買倒好嘢！我有個問題想問問師兄？你這部unico CD ，聲低點樣。我玩unico膽機，我都揾緊邊部CD好。 ...
CD 聲底應該係中性，分析力高。佢入面都有膽。唔知道師兄喜歡邊種聲底呢？