AVIOT TE-D01g 真無線藍牙耳機 用後感
本帖最後由 阿定 於 2021-6-21 14:07 編輯日本品牌AVIOT最近香港有代理引入了，呢隻標榜日本調音的無線耳機，佢地的True Wireless耳機係過去的日子係日本拿了唔少獎，可惜來到香港後，行貨價錢比較貴，所以聽開日文歌的我自己雖然好有興趣，但一直都有點進退兩難，因為失去性價比之後，有少少想直上 Sennheiser Momentum True Wireless, 但兩千幾過到自己都唔會過到海關，所以就一直無再研究了。
直到上個月，AVIOT推出新型號，即係今次的主角AVIOT TE-D01g (執筆時未有行貨消息)，價錢比之前的型號再落一大截，八千幾Yen的定價，即係六百幾港紙有BT5.0， IPX7防水，使用時間10粒鐘，連叉電盒有50粒鐘，實在非常心動，加上同期會去日本旅行，決定重新做Research，旅行時買埋返去當比自己的手信。
出發前上網再睇多次日本仔的評價，因為實在太新，評語都唔係好入肉，但見到上架後長期周間銷量 Number One，Amazon直情有部份顏色缺貨，決定唔好再等Review， 直接去馬，出發前去BicCam官網留貨，咁去到日本就唔駛怕無貨，仲順手揀埋BicCam限定的全銀色版本，再準備定8%+7%Coupon，最後埋單五百幾港紙，又慳一筆。
用後感來講，本身日本期間有幾次長達兩小時的車程，同埋回程飛機都接近四粒鐘，都無試過斷線，亦無玩到無晒電的情況，非常滿意，回港一星期亦帶著返工同行旺角，亦無試過斷線，我直情覺得好到唔太正常。
24/07/2019 後補: 早兩日入腦場終於有斷線啦，不過都係斷一斷之後自己駁返，唔駛拿電話出來搞過，完全可接受。
音色方面，我自己用LG G7 thinQ，以日文歌來計，真係無得輸，廣東歌就合格以上，唔算突出，如果單計我用Apple Music (Andriod機用Apple Music係咪好奇怪呢) 聽串流係完全無問題，但如果直接聽HiRes File，因為無aptX HD，真心係有少少不足的，但呢個價錢，我已經無要求了。
最後講多少少優點，用Type C叉電同我部電話一樣，叉電盒勁細又唔重，可以單邊使用開工一流，不過開機時的系統音講日文，唔知講咩，不過係好正的女聲，無所謂啦。 有冇人覺聽電話細声？ moonmoon 發表於 2019-9-11 09:27
有冇人覺聽電話細声？
我又唔覺細聲，不過對方聽我講野就接近聽唔到，呢個亦係所有True Wireless的問題，Mic位係耳仔度
頁:
[1]