一個決定入場的因由：《蜘蛛俠：決戰千里》
本帖最後由 alleelarry 於 2019-6-28 22:26 編輯係決定買飛入場睇《蜘蛛俠：決戰千里》前，對於本來人稱大師兄的蜘蛛俠，一下子變左係個細佬，跟本接受唔到……。不得不承認我是老餅，蜘蛛俠一味靠 Spider Sense 去判斷行事，噴下絲跳來跳去就係啦！攪咩咁多裝備，細細個認識既 Spider-man 究竟去左邊！？
對上一個 Reboot 基本上問題也不大，只係要D時間去適應，可惜又一次因對觀眾黎講好無聊既合作關係，再一次 Reboot，一心閃過就算鬼數，但擁有大版權既 Sony 又點會收手，直至曾達 100% 爛茄《蜘蛛俠：跳入蜘蛛宇宙》，方才了解到蜘蛛俠，其實有個「平衡宇宙」概念，各自收行，終於明哂！我唔鍾意呢個姐，舊既仍然存在係佢自己世界入面，YES！
∇ 但講到蜘蛛俠，個人最深刻既反而係日本漫畫家，池上遼一筆下既版本，據說是屬於 Marvel 的 Earth-70091（1970年代）。版權不太受重視的年代，厚厚一本近 200頁的翻版漫畫，當年賣 2元，印刷非常差，但用上了白書紙，係無咩選擇下，一係睇一係唔睇！無得打機年代，呢D精神食糧，買左就珍而重之，睇完又睇之外，又要收得好埋，一旦比大人發現，後果有兩個，一係被沒收，一係就唔錫住你本寶物，比番你個陣會殘破不堪！
註：想當年香港漫畫正式授權的大概只有「海豹叢書」，起初都有一定頁數，到後來印象中只有 50頁左右。
∇ 實則上當年買得的豪華版漫畫就只有兩本，當中之一就是這本，故事提及的奸角，正正是《蜘蛛俠：決戰千里》中的「神秘客」，就是這麼簡單有了一個入場因由，當然加上《復仇者聯盟4：終局之戰》效應，買飛就是了！給他又給他一個機會！
∇ 機場 UA IMAX 影院 因機場工程關係，下年未必有得入場，今年去得就去，加上 IMDB 話有專屬場面，話時話呢一代蜘蛛俠初登場既《美國隊長 3：英雄內戰》都係係機場睇既！（重溫：按此）
∇ IMAX 3D 一定要帶眼鏡，自己就用呢個，太太今次不如用另一副，看上去別具意義了吧！
https://post76.hk/data/attachment/forum/201905/03/213544y7m4r0igm0xr8in0.jpg
註：純粹開玩笑，呢幅實則係 Real3D 用既。
∇ UA 現時可以把取票 QR Code 加入 Apple Wallet，大家又有無試過咁呢？一定要帶買飛既信用卡取票已經成為過去！
「對於本來人稱大師兄的蜘蛛俠，一下子變左係個細佬，跟本接受唔到……。不得不承認我是老餅，蜘蛛俠一味靠 Spider Sense 去判斷行事，噴下絲跳來跳去就係啦！攪咩咁多裝備，細細個認識既 Spider-man 究竟去左邊！？」
「對上一個 Reboot 基本上問題也不大，只係要D時間去適應，可惜又一次因對觀眾黎講好無聊既合作關係，再一次 Reboot，一心閃過就算鬼數，但擁有大版權既 Sony 又點會收手，直至曾達 100% 爛茄《蜘蛛俠：跳入蜘蛛宇宙》，方才了解到蜘蛛俠，其實有個「平衡宇宙」概念，各自收行，終於明哂！我唔鍾意呢個姐，舊既仍然存在係佢自己世界入面。」
超級同意以上的講法。 MARVEL 世界所有唔合理既野都係用"Parallel Universe "去解釋 {:6_174:} issachar 發表於 2019-6-27 14:53
MARVEL 世界所有唔合理既野都係用"Parallel Universe "去解釋
當「平衡宇宙」失衡之時，就可以用「灰飛煙滅」，再加D「時空逆轉」，咁就攪掂哂{:6_134:} alleelarry 發表於 2019-6-27 14:57
當「平衡宇宙」失衡之時，就可以用「灰飛煙滅」，再加D「時空逆轉」，咁就攪掂哂...
咁 Far From Home 有冇補完到 Endgame 冇講到既野呢? 呢個好想知. issachar 發表於 2019-6-27 15:18
咁 Far From Home 有冇補完到 Endgame 冇講到既野呢? 呢個好想知.
過兩日睇完話你知，不過有說官方既劇透，有提過下呢D情節！ alleelarry 發表於 2019-6-27 23:20
過兩日睇完話你知，不過有說官方既劇透，有提過下呢D情節！
OH, 我以為你話已經睇左... SORRY {:6_176:}咁再等你出 POST issachar 發表於 2019-6-28 02:20
OH, 我以為你話已經睇左... SORRY 咁再等你出 POST
最早既場次係 28/6 零晨啊！我呢D返工既無可能咁玩法啦！希望遲足一日D IMAX 海報未派哂啦！{:6_136:}
已經有 90% 了！ https://scontent-hkg3-1.xx.fbcdn.net/v/t1.0-9/65179484_2208662449183184_2257366422013345792_n.jpg?_nc_cat=108&_nc_oc=AQm96bY6oNR14zqbCB1jH8Rzcw4TJK2cKOwtwB0O3Ag7p07no0yTh6TVLiVtROH22rY&_nc_ht=scontent-hkg3-1.xx&oh=b38c076b1ca24f17ad6379385f7ec8a6&oe=5D804291