新春博懵泊車高危點 (轉載)
折錄自蘋果日報 2010 年 2 月 12 日網上汽車版 -http://hk.apple.nextmedia.com/template/apple_sub/art_main.php?iss_id=20100212&sec_id=12187383&art_id=13722011
http://hk.apple.nextmedia.com/images/apple-photos/apple_sub/20100212/small/12ff2p.jpghttp://hk.apple.nextmedia.com/images/apple-photos/apple_sub/20100212/small/12ff1p.jpg
對車主嚟講，一連三日農曆年假期嘅意義，又豈止有假放咁簡單，仲有係可以為座駕攞埋「免死金牌」，奉旨隨街泊，咪住……大家會唔會太忘形，不自覺走入抄牌陷阱，事關呢幾日正係大型活動高峯期，改路封路特別多，一唔小心，隨時食年糕之餘，食多張牛肉乾。
橫街窄巷風險較低
本來開開心心過年，但攞車見張牛肉乾喺水撥度飄飄吓，真係幾掃興。的士商會聯盟發言人吳國雄就話，新年流流，警察一般對違泊都會鬆手少少，但呢個唔係必然，太過份的話隨時中招！點樣先唔叫離譜？喺人流較少嘅橫街窄巷，不影響其他道路使用者下，算係較安全位置。另外，車流量較少嘅馬路，停在車路兩邊後，道路仍保持暢通都得。當然，違例泊車就一定會有風險。
http://hk.apple.nextmedia.com/images/apple-photos/apple_sub/20100212/small/12ff19p.jpg 繁忙路段，影響其他道路使用者
以前一直聽人講，年初一至三警察對違例泊車都會隻眼開隻眼閉。不過近年似乎已經無呢支歌仔唱，當然喇，明明已經封咗咪錶，你又泊；阻晒路，你都泊，又點可以唔抄你？今日就預早提醒你抄牌高危位，等你唔好諗住博吓懵免費泊車，結果變咗破新年財！
http://hk.apple.nextmedia.com/images/apple-photos/apple_sub/20100212/small/12ff11pnew.jpg 部份車主會將車騎上行人路，
呢個行為係喺人多路段嘅大忌。
新春指定動作就當然係拜年啦，所以每年屋苑附近嘅博懵情況都好嚴重，但其實，是否會中招，都要留意幾個因素。首先，一啲大型屋苑尤其係中產屋苑，如太古城，康怡花園等，由於居民比較多有車親朋，到訪拜年時隨街泊情況普遍，十分墟冚，很易導致附近交通阻塞，加上有屋苑管理人員管理，一旦有人報警，到時便無一倖免。
http://hk.apple.nextmedia.com/images/apple-photos/apple_sub/20100212/small/12ff12p.jpg 中產屋苑，高危地區。
有時車主見人泊我又泊，街頭街尾位都唔放過，忘記咗一啲通道位會令大型車輛如巴士及貨車等無法轉彎，進退兩難，到時你嘅座駕難免被拖走。另外，遮擋路邊豎立嘅交通標誌亦係一大忌，如路邊豎立嘅臨時交通標誌若被車輛遮擋，警方係絕不手軟。停咪錶唔畀錢？唔好以為警察手鬆就連泊咪錶位都係免費，事關法例規定，使用咪錶就要付款，坐喺餐廳淨飲都雙計啦！
http://hk.apple.nextmedia.com/images/apple-photos/apple_sub/20100212/small/12ff18p.jpg http://hk.apple.nextmedia.com/images/apple-photos/apple_sub/20100212/small/12ff10p.jpg
新春泊錶位，都一定要入錶， 阻擋交通標誌
唔會有「免死金牌」。
大型活動記得準時走
農曆新年大型活動舉行期間，一般都會封路，即使你唔係亂泊車都可能有麻煩。想揸車去參加活動或路經有關地區就要留意咪錶封閉及封路時間。本來封咗路，要泊喺度都幾難，而且不少內街都係封路範圍，人流都會相當密集，警方一般會封閉區內所有咪錶，但如果你封路前就泊咗車，就千祈唔好過咗鐘都唔記得將座駕駛走，否則抄牌兼拖車隨時有你份。而虎年第一項大型活動就係年初一舉行嘅國泰花車遊行，今年巡遊車隊會首次行經彌敦道，所以封路範圍可能跟往年有所不同，大家要早點留意。要泊車，奉勸大家都係泊到佐敦較為安全。至於初二晚上舉行嘅煙花滙演，高危地便轉移至尖東、灣仔至中環海旁一帶，呢段路，大家盡量少泊為妙。你諗吓，成班警察都會集中喺呢一帶維持秩序，如果你泊架車阻住路人或者阻塞交通，又點會有機會走得甩？
http://hk.apple.nextmedia.com/images/apple-photos/apple_sub/20100212/small/12ff6pnew.jpg http://hk.apple.nextmedia.com/images/apple-photos/apple_sub/20100212/small/12ff7p.jpg http://hk.apple.nextmedia.com/images/apple-photos/apple_sub/20100212/small/12ff20p.jpg
尖沙嘴碼頭一帶嘅上落客區， 天文台道一帶嘅錶位， 泊車時記得留意呢啲牌，
一定要走硬。 花車遊行期間大有機會封閉。 上面會寫明幾時封路及封咪錶。
拜神旺點難博懵
除咗大型活動，新春期間到廟宇拜神祈福，都係熱門活動。就以香火鼎盛嘅黃大仙廟為例，廟背後嘅盈鳳里早年一度被視為違泊勝地，不過近年車流越來越多，警方除咗會豎立禁區牌外，更不時有警察巡查抄牌，絕不手軟，所以已經成為咗高危地。有啲人諗住行遠啲，泊到去黃大仙警署後警察宿舍附近。無錯，係距離黃大仙廟遠好多，但係你諗吓，警察宿舍好多警察親友嚟拜年，大家爭住泊晒架車喺宿舍附近，結果梗係塞爆條路，咁警察唔抄都唔得啦！所以都係泊去停車場穩陣啲。
http://hk.apple.nextmedia.com/images/apple-photos/apple_sub/20100212/small/12ff13pnew.jpg http://hk.apple.nextmedia.com/images/apple-photos/apple_sub/20100212/small/12ff15p.jpg
黃大仙盈鳳里平日水盡鵝飛， 警方已經喺盈鳳里擺放禁區牌，
但新年期間車流極旺， 車主小心。
唔可以冒險。 太古城!
Last year, my relatives got a total of 3 tickets! 無得博 . . . 1有投訴 即告 >< 真係唔好博....呢幾年都抄得幾勁.... 睇黎去拜年都係咪慳果小小，泊入停車場穩陣d，無謂因小失大 睇黎去拜年都係咪慳果小小，泊入停車場穩陣d，無謂因小失大
lkljason 發表於 2010-2-12 11:38 http://www.post76.com/discuss/images/common/back.gif
最慘就係周街泊....遇著0的新手泊窄位....比人捱一捱....hi 花埋就得不償失.... 睇黎去拜年都係咪慳果小小，泊入停車場穩陣d，無謂因小失大
lkljason 發表於 2010-2-12 11:38 http://www.post76.com/discuss/images/common/back.gif
But many carparks are easily full!
But many carparks are easily full!
Fabregas 發表於 2010-2-12 11:50 http://www.post76.com/discuss/images/common/back.gif
咁就無計勒，唯有泊遠小小行多兩步
頁:
[1]