返歸試玩: Sony HT-ST500 7.1.2 Dolby Atmos Soundbar
由於小弟新居正進行大裝修，我一直都心思思想去upgrade 用左超過七年的 Samsung 5.1 家庭影院組合 (話你知個 5.1 只得optical In, 無 HDMI in 你就知係古董) 。誤打誤撞之下，我同太太係之前參加左 Post76 同 Sony 合辦的 Sony HT-ST500 7.1.2 Dolby Atmos Soundbar 體驗活動。本身諗住齋去學下野，點之原來有得報名拎支 Sound Bar 番屋企試玩。我就梗係即刻報名，真係要多謝 Post76 同 Sony，更加感激Post 76 的 Hugo 尋日將SoundBar 送到我屋企，真係方便到震。
廢話少講，今朝趁兩個寶貝女未起身就即刻開箱，話咁快就裝好可以試機。
小弟係一個運動狂熱份子，睇電視睇得最多就係睇波。所以今朝就即刻試下用 AppleTV 去睇 NBA 同 NFL 試下個人聲同氣氛。
第一段就係早兩日，NBA FINAL GAME 6 Klay Thompson 受傷個段。有睇直播都知道，Klay 受傷個陣成個場靜晒，起番身個刻全場歡呼，入更衣室知陣又全場靜晒，然後出番黎射罰球個場簡直失晒控咁。雖然我開得唔係好大聲，但係現場感非常突出。（希望 Klay 同 KD 都早日康復，Lakers 岩岩 Trade 左 AD 所以 Warriors出年都幾難打下）
第二段就試左今年2月NFL Super Bowl New England Patriots 對 Los Angeles Rams，第四節 全場唯一 New England 既 Touchdown Drive。由於兩隊防守打得好，成場都好緊湊。Tom Brady 就係呢個時候帶領 Patriots 成功得到全場唯一 Touchdown。Again，個現場感超正，好似真係係現場咁，尤其係 Brady 傳俾 Gronk 個球，真係好鬼正。
今日係重要日子，要準備全家出動做有意義的事，所以試住咁多先，遲D再試其他野。歡迎討論。
做完有意義的事後回來，記住試atmos片，感覺仲正!! 臨訓前想試下電影，搵左 Avengers Infinity War on Apple TV。
雖然唔係ATMOS，但係個聲真係好正，好Detail同細緻。
一支SoundBar做到呢個效果真係唔簡單，之後再試其他野再同大家分享。歡迎討論。
MikePun@G 發表於 2019-6-16 23:20
臨訓前想試下電影，搵左 Avengers Infinity War on Apple TV。
雖然唔係ATMOS，但係個聲真係好正，好Detai ...
Apple TV 有dolby atmos 唔奇，但直播nba 都有即時dolby 輸出？電視台真係落重本去攪直播，如果唔係，樓主好難會有現場嘅感覺，如果電視台直播無dolby 輸出，應該同用電視出聲分別不大，只係大聲啲！ eric23sg 發表於 2019-6-17 12:41
Apple TV 有dolby atmos 唔奇，但直播nba 都有即時dolby 輸出？電視台真係落重本去攪直播，如果唔係，樓 ...
一睇編野就知係廣告稿啦。 加一支雞的soundbar就有可能跟電視分別不大，而且樓主又沒有講nba出atmos。以我的例子，全靠呢到真心分享師兄建議，先買到支z9f比老爸睇電視用，用落不知幾滿意。不是每位師兄都一定要話用擴音機掛滿喇叭才叫有感覺，各人因素、要求、體感都不同，人地用心分享就則疑人，唔可以學會欣賞下人嗎?另外位師兄仲衰到話人廣告稿，人地真心用家分享黎!! 我覺得soundbar之所以愈多來愈多人留意除了因為而家居住環境嘅限制之外，我諗香港人愈來愈小時間去享受都係一個主因。
老實平時返工已經咁攰，放工返到屋企真係唔想煩，近年真係多左新想玩影音嘅朋友問soundbar，我諗唔同嘅朋友有唔同嘅需要，係咪？{:1_352:} Figomok 發表於 2019-6-17 13:59
一睇編野就知係廣告稿啦。
樓主真係真用家, 佢只係參加左我地借玩活動, 所以分享返個感受炸, 所以呢篇又點可能係廣告稿呢~
係真心分享呀~~~{:1_330:} {:1_330:} {:1_330:} 本帖最後由 MikePun@G 於 2019-6-17 22:34 編輯
小弟自知孤陋寡聞，如果唔係裝修關係，心思思想買Bose 5.1 但又真係太貴，Google SoundBar 先知 Post 76 呢個平台。估唔到第一次出post 竟然會引起懷疑。
小弟自問一定唔係家庭影院專家，可以免費拎支SoundBar 試兩個星期，自然遵守規則去分享一下感受。而且我覺得Post76 既兄弟係有心搞好個平台(真心）。
答番Eric23sg 兄既問題，其實我好早用Apple TV 第二代已經用Optical Out 用睇 NBA 同 NFL（要俾錢Subscribe），個陣已經有 Dolby 5.1。反而之後近兩代Apple TV 無左 Optical Out 之後就無左5.1 （因為我自己個 Samsung Home Theatre 無HDMI In）。至於用Now TV 睇英超係應該有 Dolby 5.1 ，因為我而家後面個兩隻Speaker 係有聲既 （用Optical Out）。睇戲好多都時都係係Now 睇。
屋企有兩個小朋友所以要求唔可以高，有Surround Feeling 其實就 OK。試左一陣，由於始終係SoundBar，所以後面個聲唔係好強，不過前面黎個聲就真係幾好。不過係咪換呢支就仲係言之尚早。
希望呢兩個星期有機會好好試下Atmos（有小朋友既師兄就會明），試左有機會再同大家分享。
多謝大家的回覆，如果有錯就請隨便指正，不過時間實貴，請恕我不會一一回覆。
MikePun@G 發表於 2019-6-17 22:32
小弟自知孤陋寡聞，如果唔係裝修關係，心思思想買Bose 5.1 但又真係太貴，Google SoundBar 先知 Post 76 呢 ...
恭喜Ching{:12_724:}