有關AVR-X2400H 新問題
您好！我部X2400h喺上次你教我restore firmware之後正常運作咗兩星期，不過尋日開始出現咗一個新問題，佢好似熄唔到機咁，無論我撳遙控同機身上嘅power掣，佢都好似平時熄機咁有「的」一聲，但係機身綠燈仍然係着住，而機身顯示屏會顯示住「Zone 2 on」咁嘅，如下圖：
我再撳power 掣，顯示屏又會跳一跳「Main zone on」咁嘅，最奇怪嘅係我再撳power掣，佢又係唔會變紅燈，顯示屏會長着住「Zone 2 on」，我用app去連部2400，app會顯示部機係喺off嘅狀態嘅。我由得佢咁樣唔理，今朝起身摸摸部機頂，係熱嘅，其實我用部機咁耐，試過連續開住十個鐘睇戲仲要唔細聲嘅情況下部機都唔會熱嘅，我想問我而家哩個情況係有乜問題呢？
所有手段我都試過，包括抆走電源線等幾分鐘再連接、撳住power掣幾秒restart、按說明書所示去reset部機、甚至用埋上次你教我嘅秘技去再refresh firmware，部機都係一樣，可以請教一下仲有乜嘢方法可做呢？唔該晒先。 先按遙控 Z2再按 POWER mimilonghei 發表於 2019-5-26 19:34
先按遙控 Z2再按 POWER
唔該晒，我都剛發現可以咁熄機，不過我再開機之後，佢會跳咗去Zone 2，而我撳遙控上嘅Main佢都唔識跳去Main zone嘅，我要用個app先可以轉返去Main zone，咁係非常之唔正常嘅，因為之前一直唔會咁，另外我喺Zone 2都冇接駁任何嘢嘅，所以好奇怪，不過乜都好，至少而家熄到唔駛整到部機熱晒。唔該晒你先。
頁:
[1]