好用赤 ... 咁就皮八!
前排架 VW Bora 2.3 V5 著左 EPS (Enginee 電腦燈) 及 ABS 燈 ... 車房唔咁第一時間收車 check! 先入原廠 check，話一支燈著要 $900 兩支就 $1,800! 我話{:6_124:} 有無搞錯，全車原廠 check 都係三千左右包埋換油、吸塵及打薄蠟。點知佢地話三千係唔計每個警示燈著既 check up，一定要續個計! 同佢地理論完後，話幫我問清楚回覆我，結果成星期都無影，要打去追幾次先話現在公司剛改例，全車 check up 可以乜都包。結果行車電腦及 ABS 電腦要更全新換，再加埋其它正常損耗野維修達 15 項之多{:6_129:} ，個 service center 既職員都話唔咁報價，佢話原廠野無幾皮唔洗唸 (講緊六七皮以上) 。但架車機械上係非常好，個哩數又勁低... 得兩萬六左右，原本唔搞都可以繼續。但衰在成七年車，要驗到先續到牌，著左燈死緊!
最後去左新蒲崗一間老子號專維修歐洲車既車房搞，最貴個幾件野要搵二手零件，埋單講晒價都皮半，加埋之前原廠 check 車三千，咁就皮八 ... 跟住仲要續牌費又幾千、燕梳有成千，呢個月仲要交稅，都唔知點死 ~ 好用赤 !
想買 7D 無左 ... {:6_123:} 想升級拾仔無埋 ... {:6_140:} 想換部 HD2 ... BDP-S765 乜都唔咁想，老板實唔批! {:6_125:} 駛錢容易賺錢難....... 一齊挨世界啦, 兄弟~ 所以早早賣走架車, 搭的士好過 七年車行左26000？一個月出車一次？ 所以我成日都話，除非返工放工會用車，否則搭的士仲好，有需要時借車或租車亦可！ 嘩...你架車行左兩萬六公里, 真係勁小喎~~~~~
其實係咪歐洲車零件難搵所以咁煩呢??? 7 years only 26,000km....unbelievable ! 所以之前都考慮過買VW，不過之後有朋友意見就話如果買歐洲車新車就唔錯，渣幾年放左佢trade第二部，因為一出問題維修費真係幾甘！ 我都係過來人...歐洲車D零件真係特別貴唔理邊到都係一樣! {:1_331:}新車無得頂,舊車無得整