入左 LSX
四年多前, 太太有左小朋友.為了迎接新的家庭成員, 我將全部hifi賣了.而家都只係留低一部BD機......呢幾年, 偶爾想聽下歌, 都有買下吾同的Speaker玩.第一對係Bose 的desktop speaker.以佢的size來說, 算係相當吾錯.之後換左一對homepod行stereo.堅係OK.所以有時等小朋友訓左之後都會係細房聽下歌, 休息一下.
上星期同個FD傾開, 佢介紹我入KEF x300a.話只係大homepod小小. 因為位置問題, 實在放不下大的speaker, 於是上網搵下, 偶爾見到LSX, 又幾靚仔, 對KEF又有信心 (我第一對spk 係KEF).於是都未出街聽過就搵熟人幫手買左.
咁多隻顏色, 最靚係綠.藍色中間襯得吾靚, 紅色太SHARP.如果白色都係布面, 可能我會買白色, 但"拎"面打理好煩.最後我買左黑色, 因為驚綠色難襯書檯色.
一拎上手, 真係幾鬼重.打開盒, 整個finishing好好.非常靚仔.花了小小時間 SETUP, 開聲.有小小失望.但當我坐番去正常距離, D聲好好多.佢其實有高中低音可以校.但係我屋企環境, 我無搞中低, 加左小小高音就已經好合心水.同以前成套機比, 其實係有距離的.感覺上聲音無咁立體, 好多聲音定位吾清楚, 好似搞埋一舊咁.但絕對吾係話佢吾好聲.只係同以前的印象比, 係未到個級.(也有可能往事只能回味, 太過美化以前).
但最煩係WIFI成日斷......我打左去KEF問, 佢話佢地未正式支援MESH Wifi.可能係2.4, 5G跳來跳去時斷 (吾係LSX, 可能係ipad跳)
玩左幾晚, 小小總結.
好處:
- 細細隻, 合晒我地呢D小地方
- 聲音比homepod stereo好.homepod似係人做的stereo.即係左右合一之後再較.但LSX係立體好多.
- 人聲吾錯
缺點:
- 成日斷線....
- KEF 個stream app吾好用, 介面又吾靚
- 背景, 樂器定位吾夠立體
- KEF 個control app同stream app係2個app.....
- 無USB input, 搞到一定要用佢個app.
總結 :
幾K貨仔, 交足功課.令我享受了幾個夜晚. 多謝你的報告。 KEF LSX邊聽得架，領哂嘢 係呀 pytse@G 發表於 2019-5-1 12:45
KEF LSX邊聽得架，領哂嘢
咁又吾係咁差.係現實環境咁細, 有咁的聲, OK啦.
不過同之前setup比就明顯有距離了.好多細緻位無晒. 我都係KEF用家，不過係25年前，個時仲係Made in UK, 宜家出的KEF (貼地價的), 一般都勁濛，如果玩有源，可接受有線的，先去聽下ADAM 先(或ELAC, EVE, HEDD), 全部好過KEF N倍
kinghung 發表於 2019-5-2 18:10
我都係KEF用家，不過係25年前，個時仲係Made in UK, 宜家出的KEF (貼地價的), 一般都勁濛，如果玩有源，可 ...
其實想清楚點講.
細緻位方面, 例如之前聽泳兒, 明顯有吞口水聲.而家吾覺有.聽我等到花兒也謝了, 之前個段扮黑膠聲, 以前係好連貫, 細細沙之後da.而家得番da da da.以前有d歌好有力, 震撼的地方小左個份震撼
由於放得好近, 樂器定係吾係好清楚.
但我吾係話佢吾好聽.因為真係吾差.最小令我投入了音樂幾晚.同埋先個幾K, 點解死要同以前成套system比?以前一條銀線又幾K, USB線又成K. 又dac, 又amp.咁比好吾公平.
我只會講佢值呢個價.
ngszewai 發表於 2019-5-3 18:21
其實想清楚點講.
細緻位方面, 例如之前聽泳兒, 明顯有吞口水聲.而家吾覺有.聽我等到花兒也謝了, 之 ...
平價音響都可以好聲最怕係難聽 高音刺耳 低音boom
同貴野比較冇意義 幾k比幾k 再睇下個位靚唔靚 Convenience worth a lot.............. I want to buy LSX or LS Wireless too.
Replacing my current bulky set up....
LSX 遲D 支援 airplay2, 可以用其他app播歌, 唔駛忍佢個爛鬼KEF stream.
老實講, 呢個價位都係講方便, 音質唔可能講究.
小朋友係hifi天敵, 時間比起音質更重要, 有得聽已經唔錯啦.
頁:
[1]
2