Post76 係咪有毒呀？為了喜歡的歌手~你可以儲到幾盡？？？
本帖最後由 Msuper 於 2019-4-21 01:56 編輯哈哈哈，投訴呢個網站好很毒，無論係76/67/普通人/小學雞，全部都會被茶毒，當然毒癮深淺因人而異。壇主恭喜晒你，你完全做到開壇宗旨_毒人唔使本，你毒人人，人人毒我！
嗱，我真係無離題架，呢個網真係毒死人架！否則，我呢只小學雞點會儲完CD又去儲膠膠跟住又去儲卡式帶喎！
小學雞終於等到今天有功課交勒，小學畢業啦，Yeah ! {:6_174:} {:6_175:}
入正題~夢想與實現，你會點樣揀？
自己用了3年多時間去將夢想實現，幸好未到三年零八個月，當中梗係經歷晒甜酸苦辣，可能我硬頸，罕有難搵的碟我編要搵到你地，一定要做好呢份功課，從未偷懶過，包括日日上好多個網剿碟，基本上香港、台灣、內地、澳門、美國、馬來西亞、星加坡、日本、 汶萊及泰國都有踏足過，不過泰國的泰文真係唔懂放棄了！返工有假期剿碟日日搵連新年初一至初三都要開工無停手，真係忙碌過返工呀！
間中都聽到有 d 師兄/賣家話儲碟講緣份/運氣，其實我絕對唔認同，賣家有只你想要的罕有碟放上網/鋪頭擺賣一年，但你從來都無瀏覽過呢個網站/無巡視過呢間鋪頭，禁叫有緣無份定叫有緣齋諗過份先？我係實際型，緣份係可以自己制造既，我寧願不斷去嘗試唔放棄都唔會齋坐齋噏，我會用盡所有方法去完成呢個功課，例如唱片鋪頭無晒碟唔入貨禁唱片公司會否有倉底貨可賣比街客呢？呢個世界0付出無可能有收獲，真的~你付出幾多就收成幾多。
一鳴驚人組 太極
二度全城關注 迷
三番四次闖 禁區
四級歌詞充暇 想
五級勁 沉默風暴
六無窮發行 Seven
七控訴 一切為何
八月要去搶 Crystal
九三轉星光4U
十分型格 Utopia
Rock theBallad
無盡風沙 五年情
正義勇士 誓堅持
一伍壹拾 再重聚
你呢，有無夢想/實現_儲碟之路可以分享呢？
過去式/現在進行式/齋諗式/完成式/放棄式，都歡迎一一分享+討論！例如儲梗邊個歌手、儲梗邊類碟、難度有幾高、儲了幾耐時間、完成未、定已經半途放棄了等等 ？ 本帖最後由 Msuper 於 2019-5-6 16:48 編輯
呢個帖應該係 '為了一張心儀二手 CD, 你可以去得幾盡" 的下集。
我人生第一次既儲碟經歷亦應該係最後一次了；因為真係好大工程、用好多時間及精神 (金錢已經唔係我要討論的重點，每個人對喜好總有一套價值觀，同一件物件，你鍾意它就值幾百萬(如跑車)唔鍾意就十蚊都唔值(如舊報紙舊唱片)送比你都嫌阻掟。所以不同人不同理念可以有極大反差！結論係儲碟的人不一定是富貴人但一定是有心有堅持的人；我就正正是後者！
自己認為儲碟真係同打機幾似，有好多層 Level 你今日過了第一關，會繼續不斷去闖第二關/第三關/第四關………，至於有無打爆機呢？本人認為無，因為世界之大，你今日儲完香港版，你肯定無出過_鳳梨版/馬拉版/星加坡版/冬蔭功版/泡菜版/蘿蔔版/花旗版/歐洲版……等等，還有之後/將來各地方出的復黑再版，真的是沒完沒了呀！還有電台版(白版碟) 呢，你如何得知你儲齊了所有電台版呢？(除非你識晒該歌手所屬的所有唱片公司職員，其實呢 d 當年職員大部份現在都離職了，有些唱片公司還已經不存在，我懷疑連歌手自己也不能講出當年出了幾多只白版碟)，因此我好肯定話無可能打爆機的，只能盡能力去儲到某一個層次就叫完結了。我自己的定義是儲齊太極樂隊每一張專輯(香港舊版)包括 LP+CD+Cassette，另外會儲某些歌曲~就是太極樂隊自己專輯無收錄的歌曲(舊版)。至於太極樂隊係別人演唱會做嘉賓的碟我就唔會重點去儲；再版/復黑的專輯/精選碟，要視乎封面/美術是否美觀及格式是否值得擁有了。
你地對 "儲碟" "儲齊" 有乜見解呀？ 本帖最後由 Msuper 於 2019-5-6 16:51 編輯
紅色跑車 ~ T113-02 及 T113-04，紅色跑車就梗係襯紅色CD膠托啦！
禁區 ~ 首版 有 CSR 及第二版 沒有 CSR
記得呢個網有師兄話 "太極樂隊" 呢只碟好罕有搵了十年都無蹤影，係咩禁我2年半搵到三只咪好勁，當然唔係我勁；睇你用了幾多力量及時間啦！
二手佬講既野你唔好信足呀，他們唔吹到禁罕有點炒高個價呀？我儲碟呢2年半，總共見過12只"禁區"了，你地知否呢只碟出過兩個版？有 CSR 印字幼身，無 CSR 印字粗身，當年壓CD~MOQ應該1k起吧，禁呢只碟2個版計最少產量都有2k啦！
迷 ~ T113 透明圈 及 T113 磨砂圈，磨砂圈CD就梗係襯磨砂CD膠托啦！
創作新曲+精選T113-透明圈 及 T113-銀圈
4U~金屬盒特別首版 及 膠盒第二版
馬拉版
馬拉版 及 香港版_卡式帶
如果問邊只CD最罕有同難儲，我揀下面呢只 "4U" 特別版金屬盒，基本上你都幾難係二手市場搵到只金屬盒無發黑無氧化變黑色，加埋原包裝呢塊靚仔麻布真係絕對罕有架！哈哈，我都話我好勤力用功做好呢份功課架啦，我儲到又得左啦！{:6_175:}
太極樂隊自己專輯無收錄的歌(不包括個人單飛/合唱)：
勁Band Super Jam~七個樂隊組合單位合唱 (香港電台六十週年)
清風指引 (綠色自由新一代)
我的愛人 (華納白金經典13首)
恭喜你 (華納群星賀歲_喜上加喜)
Crystal 特別短版 4:00 (華納天碟1)
愛上你是我一生的錯 (華納天碟4)
沉默是金 (華納群星難忘您~許冠傑)
愛的替身 (誰可改變) <儲呢只因為呢只碟出先>
誰能明白我(林子祥 until we meet again)
只談風月~雷有輝+鄧建明+黃貫中 (Perfect Match)
今朝有酒 (Love TV 情歌精選2)
For You And I <Unplugged Version> (星光爍爛 Vol.1)
獻给Pauline <Scissors Mix> (星光爍爛 Vol.1)
樂與悲 <頂天立地~曲，配上新詞，並非 Seven~的~樂與悲> (第一屆香港高級音響展) 本帖最後由 Msuper 於 2019-4-10 09:59 編輯
最後，我給 "太極樂隊" 的說話，你們由初出道七人至今六人的樂隊，除了擁有高低音結他手、鼓手還有一般陀地樂隊少有的鍵琴手，真正一隊不求外援的 full band ！第一隊陀地樂隊我喜歡的亦係至今我最欣賞的一隊，經歷超過33個年頭，呢份友情邊度搵呢！你們的歌曲到現在，我亦經常聽~覺得好有味道及非常鍾意，希望你們 "一生不再說別離"！
夾 Band 先要夾人一d 都無講錯；組隊 33個年頭，一直間中有創作新曲及出新歌(但未必首首新歌有出唱片)；團結合作精神已經贏晒！80年代陀地樂隊潮中，仲有邊隊至今未真正解散呢？
不死鳥繼續衝衝衝
左睇右睇千揀萬揀
唔做老闆唔好死版
唔買凹版唔要凸版
揀啱絕版誓要白版
XWsTz0lTZYw
z8xRrfFO6UU
總結，希望呢個帖能刺激還在儲碟邊緣的各位兄弟姊妹及你，正所謂 76毒我，我毒人人，應該互毒既！做人如果零夢想/零理想，跟條咸魚可能無分別架！趁你仲有能力、時間及精力，不妨去放縱下啦！入左局先唔使死架，至多係敗家炸！
亦可以測試下：
你有幾緊持~同二手賣家博鬥價錢，同買家爭搶二手碟？
你幾有定力~中毒幾深？跳了幾多層 Level 的毒海？
希望不久將來睇到你地晒碟全家幅的帖啦，禁我就功得無量了；暫時寫到呢到啦！
https://i.imgur.com/L3F0Iz8.gif 嘩……嚇得我，就係多得好似你毒性咁强的Virus係度Share 毒先今日，你呢個po我一定上硬news同fb呢…{:1_339:}{:1_339:}{:1_339:}{:1_339:}{:1_339:} 中毒？如果真係有都係以前嚕{:1_253:}，而家通常 login 唔夠五分鐘就 logout，聽某幾位師兄講過呢度已經唔同以前，唔係個個 post 都睇，除非有嘢 share 或有師兄出新 post{:6_136:}，因為網上有太多其它音樂網站，電台網站，串流，Facebook 同 其它 social media，更多新資訊 updates 。M 兄得閒share 多啲{:6_134:} 本帖最後由 Msuper 於 2019-4-25 04:29 編輯
呢個就係我早前話剿舊碟除了在一般 CD 鋪，仲可以進階版~去唱片公司掃倉底碟！
##全新未拆骨篇##
小學雞好勤力架，所以儲到下面全新未拆的東東！
只要肯用功
無懼冬蔭功
一定好武功
手上最早期全新未拆的屍 dee~1989年，已經30年前了！近10年的全新品自己就無計算在內了！
你地唔巧歧視全新未拆的 CD，既然限量版郵票、特別版/特別編號的全新鈔票、古董~都可以唔用只收藏，點解全新未拆 CD 唔可以劑儲唔播呢？
你地呢，有無收埋 d 超過12年以上的全新未拆碟同膠呀？獨賞不如分享啦！
全新未拆卡式帶
IalmwpozQks
RF0bZU6tNCo
貼開80年代陀地樂隊，貼埋呢隊好野先！
0xCj9MCW86M
4cGm7SaRehc
C9I5ZuUnWFQ
PtJ5zwCjxg0 哈!M兄摷到張有7子嘜頭封面雜錦cd....{:1_338:} tlsk 發表於 2019-5-17 17:32
哈!M兄摷到張有7子嘜頭封面雜錦cd....
哈!哈!M兄又摷到1張孖碟.....{:1_338:} 至於君君全家福真係要等....寂寞到夜深,週圍放,好難全部摷番晒出泥 {:1_254:} .
頁:
[1]
2