64 AudioU10& A18t 不專業分享
本帖最後由 551135 於 2019-3-30 12:44 編輯話說小弟入坑之路是由Denon C560R開始的,
唔知係唔係高中都係特別多愁善感,
第一次戴左對好既耳機聽張惠妹既"一個人對話"
眼淚就默默留下來了,至由被Denon圈粉,
但學生哥沒有什麼錢,大學買多左個C710同AHD2000就脫坑了。
正文開始
早兩年開始出黎做野身痕想整隻CM,就留意到64Audio哩個牌子,
咁岩當年又遇到佢個B-Stock,猶豫左一輪之下就買左隻U10。
用既播放器係Sony既zx1,人聲部分比我既衝擊相當之大,
平時聽開既歌手係王若琳,魏如萱戈d,
開左首"Vincent" 同"你啊你啊"黎聽
兩首歌都係背景樂器聲比較單純同強調人聲既歌,
一聽真係起雞皮,
樂器部分就覺得同之前既C710比,樂器既輪廓清晰左好多,
人聲就會令我覺得明白原來佢地把聲係咁靚的!!
因為都2年前左右既聽感,所以就都唔係好識點描述,
但係一開始聽戈時既沖擊就係上述既戈D。
但係因為我聽開呢D歌都會聽到好明顯既底燥,
之前就換左部AK240SS。
底燥唔見左,D聲再純粹左.
跟住上年Black Friday 澳門個代理報錯價
64隻A18t 16xxx,就再落多次坑了,
等到今個月頭終於到左 .
一開始駁部AK240SS聽老老實實好普通,
連之前隻U10都比唔上,人聲樂器都好平淡,
突然諗起會唔會唔夠力推呢?
之後搵番部之前買左一直封左塵既DENON DA-10
駁左上去之後係兩個世界。
首先試聽既係EVA既小提琴演奏集,"残酷な天使のテーゼ
一直聽到別人說A18t的分析度好高,我一直都唔係好明白,
但係當我聽到係有鼓聲,同N把小提琴合奏時,
低音部揉弦既聲,
我就明白到佢既分析力係幾咁跨張..
每次既高音位都會令我震一震,尖銳但不刺耳。
因為細節位多,所以真係好似聽現場咁.
第二首係王若琳既"Vincent"
本身就磁性既聲,現在聽起來有點太清晰,少了一種有點懶懶的感覺,
結他聲既每粒音輪廓都明顯左,如果你係資深樂器玩家,你好容易就會聽得出樂器既等級,
每句歌詞結尾時都會聽到佢既處理十分小心,幾乎沒有什麼氣音,
沒有多餘的雜音,但會聽到嘴唇開合的聲音,令到腦海中會出現畫面.
之後聽番首艾怡良既"我們的總和"
居然聽到開口唱歌前吸氣喉嚨震左震既聲
唔知係後期冇修飾到定專登留番係到
令首歌更加動人.
最後聽多首何韻詩係"Recollections"入面既烈焰紅唇
原來何韻詩把聲都可以咁性感.....
多了一種魅,
阿詩獨有的魅。
總括黎講我對於a18t都十分滿意,平時都會聽好多演奏曲,
呢隻耳機有擴既情況下可以聽到好多樂器既輪廓,唔同樂器既質感,
呢點係之前試過既耳機都係帶唔到出黎的,
每首歌聽落去既都同之前唔同左,好似又多左好多新歌聽咁。
因為小弟係澳門人,好多耳機都冇得試,
每次都係膽粗粗落注的,但結果都比預期要好.
小弟表達得有d1999,
以上單純不專業真實聽感分享,請ching多多指教,不喜勿插。
頁:
[1]