入門平平地玩下 idun deluxe
本帖最後由 kyle7 於 2019-2-5 11:50 編輯新一年恭喜發個財先，祝版友們長燒長有~{:1_341:}
好耐無走黎開箱，依家工作關係要係深圳返工，日日兩頭走，都咪話唔正。。。。。T_T
好啦，其實有幾樣野開箱嘅，第一野黎個入門級先。其實一路都有keep 住望下呢個brand 嘅野。 就係 Kinera，話說隻seed 我都有玩，性價比係唔錯嘅，但有D 位都係做得一般，不過3百幾貨仔算係交足功課嘅。之後嘅idun 都有去試聽過demo 版，但都未中，但佢出隻全穩定木版就去聽多次啦。一試。。。。嘩，唔同曬聲。。。完全唔似同一滴系嘅野黎。外觀都算幾靚仔紫紫綠綠嘅穩定木，紋路都幾靚。
咁就買左返去玩，諗住都係粗用聽下。幾日黎係公司聽下又煲下，差唔多20-30 個鐘。越聽越順滑，比起試聽idun demo時，聲音完整性比較好，人聲位置正常返，都算前，中頻密度唔錯，高音位完全唔粗唔散，呢樣見到有進步。音場唔算好大，但包圍感幾好，樂器定位分離度都清楚，唔會炒埋一碟。低音層次唔錯，力度同量唔算好大同多，係深度暫時唔算好，鼓打落去收得有D快，餘韻唔夠唔知煲多一段時間會唔會好D。佢算係隻中性偏暖嘅耳機，三頻算平均，中頻偏出嘅耳機，兩端延伸唔算好強。煲多段時間睇下先，暫時快歌都仲係有D "立立地"。
總括佢全穩定木，可以聽嘅歌曲類型都算多，雜雜地食嘅，加埋中頻突出聽耐少少都唔會太攰嘅聲，哩個價黎講算做得幾好，加上跟機條係8絞線，都算有D 誠意。唯一要彈係佢CM 插係凹槽，但凹得果少少，兩頭唔到岸，個CM 插凸左一半出黎，嘥鬼左用穩定木殼去做隻耳機出黎囉。。。?
分享就完啦，我自係講左自己聽到嘅野，真係有興趣就去耳聽為實啦，呢D 自己愛好，個人嘅野，自己去試先知岩唔岩自己嘅。 Enjoy Music~ 請問于文文隻碟係咪師兄自己轉架？ Elvin_F 發表於 2019-2-5 13:54
請問于文文隻碟係咪師兄自己轉架？
係呀，再加多左幾首無嘅歌落去{:1_338:} kyle7 發表於 2019-2-5 16:03
係呀，再加多左幾首無嘅歌落去
我都搵緊佢啲歌有冇得網購download 不過唔太覺有 Elvin_F 發表於 2019-2-5 18:03
我都搵緊佢啲歌有冇得網購download 不過唔太覺有
網購嘅只有 itunes, 同大陸 QQ 音樂{:6_125:} 我都買左對IDUN玩下，我覺得做工同音質可以，性價比算是不俗~ jimmy 發表於 2019-2-5 22:01
我都買左對IDUN玩下，我覺得做工同音質可以，性價比算是不俗~
唔錯嘅，有時出out job 唔想帶D 咁貴嘅耳機，廢事唔見{:6_125:} kyle7 發表於 2019-2-6 02:05
唔錯嘅，有時出out job 唔想帶D 咁貴嘅耳機，廢事唔見
我出遠門帶kz, 真係唔見左爛左都唔洗恨~哈哈{:6_134:} {:6_135:}
頁:
[1]