《海王》《水行俠》先睹為快
#先睹為快#電影龍莊
#海王
#水行俠
#Aquaman
#MX4D
#全球率先播映
唔知點解華納兄弟DC咁畀面，竟然將溫子仁導演嘅《海王》（Aquaman， 2018)喺中國在12月7日全球率先播映，美國同香港都要等到12月23-24號才公映。
為咗先睹為快，我趁住第二朝要到深圳踢波，前一晚去到深圳連城廣場搶先睇座位會震動搖擺兼且隨時有風吹出有雨打落嚟嘅MX4D版本。
套戲長達兩小時23分鐘，原價￥150人民幣的票，透過微信電話訂購，你估下幾錢？嘩！竟然係￥60四折???
真係平靚正！香港如果要張凳郁，相信接近$200，況且冇乜邊間影院有4D，就我所知只有德福。
《水行俠》搵嚟近兩米高嘅傑森·摩莫亞，大家應該認得佢就係《權力遊戲》第一季嘅馬王，神高神大嘅佢轉演海王，自然入型入格！
話說海王係海陸混血兒，原來海底世界都係七國咁亂，所以自然要有一個英雄走出嚟統一河山平定亂局，順便將海底同陸上嘅世界串聯以便走向和平。
電影充滿着動作場面，而且打得十分精彩，並且締造了一個甚具創意的新穎海洋世界，各式各樣的海底奇兵令人一新耳目，視覺效果美妙。
惟獨在愛與情方面落筆不精，未算細膩感人。本來為愛犧牲而分離，近三十年在孤燈塔下的思念，在重遇時可以有比絕情谷更動人的故事鋪排，否則可成經典。
不過單憑動作及場面，娛樂性豐富，已是八分片，值得一看！
龍無忌於腦作室
2019/12/13 MX4D 效果如何 ？？？ 坐得上張凳，預左要濕身？？？... 哈哈 {:6_143:} 60蚊咁平!??? 好誇張喎!!!! 我反而想知紅髮女主角多唔多戲份呢~{:6_157:}
頁:
[1]