年尾試組入門兩聲道-第二擊:Perfectwave Transport(多圖多字)
本帖最後由 airforce 於 2018-12-11 15:04 編輯湊雙11, Blackfriday, Cybermonday, 各影音展及代理清貨既熱鬧, 嘗試重組(嚴格來說可以話新組)入門兩聲道, 第二擊就响代理清貨入手PS Audio Perfectwave transport
一直都想揾部正正式式既CD機嚟聽返CD，本身有部UD-501 DAC，猶豫咗好耐買cd機好定cd transport好，試聽過marantz cd6006、CA CXC、cyrus cdt以及我好喜歡的yamaha cds2100，呢幾部機其實試既時候都收貨架啦，但就俾唔到一個衝動我即刻去俾錢，有日經過銅鑼灣，見有清貨，第一次走上去威達showroom，剛巧有位師兄開箱check機及試機，我就企定定睇下聽下。
開箱出嚟都部機好靚仔及重手，八卦左望右望睇下店員set機，我有好多疑問，不過旁觀者唔敢出聲住，跟住佢一按Play，我就醒一醒，聽完一首歌後......
捉住現場位師兄及店員係咁問，當然問埋佢仲有冇新貨，之後就......略刪數字.........直接開箱
其實當時第一個疑問係點解會有張SD Card，我問係咪要嚟更新firmware，店員話唔係，原來係用嚟save cd album cover，一部cd transport有咁既功能，真係估佢唔到
當時另一個疑問就係點解一部cd transport有個咁大既display，又有SD card，又有USB*2，又有LAN，又有HDMI(I2S)，呢幾樣嘢加埋就令我聯想到佢其實係咪network streamer。
同店員及在場果位師兄請教完，確認佢只係一部CD Transport，咁我就覺得仲好仲簡單，因為CD機都係做返佢唯一既拾訊工作會比較好，況且我都入手了soundgenic，詳見(年尾試組入門兩聲道-第一擊:Soundgenic
https://post76.hk/forum.php?mod=viewthread&tid=284119&fromuid=38744
(出處: Post76影音玩樂)
)，要方便聽file就用soundgenic，想細聽CD就用呢部transport。
其實入手呢部機前，仲未有留意PS Audio的兩聲道系統，只知他們做電源處理很出色，响未有做資料搜集及了解好壞後，直接碌卡訂貨，原因就係佢出嚟既聲俾到我有衝動去買。
湊夜晚屋企啲小朋友訓咗，慢慢開箱研究，部機都好重手下，機頂係鋼琴焗漆中纖板，前面的顯示屏係可touchscreen，操作部機可以用搖控器或touchscreen，個CD托盤出入都比較大聲，睇落就好似DVD rom，隨即上網爬下文，原來佢真係用DVD rom，再揾多少少資料，原來佢唔係一般的CD Transport，PS Audio定義佢係transport，係memory player，機內好似有個SSD，讀完碟就會就寫落去SSD度，由呢個緩存memory再輸出俾外置DAC，正因為咁，播緊歌時，其實係可以攞返隻CD出嚟，唔會影響部機運作。
呢個memory player功能是好是壞我就唔係好識分，我只知道聽歌時唔會有讀碟聲或跳線，而且聲音對我嚟講絶對收貨，今次impulse buying暫時嚟講係無後悔既!
後記:因為呢部機有I2S，好大機會成為日後升級DAC的其中一個考慮條件，showroom內見到接駁及試聽的就是用同廠的nuwave DSD DAC(好似是PS Audio入門機)，以HDMI(I2S)來接駁，出嚟既空間感及延伸都係我未感受過既! i2s 真係靚聲其他都要借過
如果唔用個i2s真係浪費 師兄, ps audio個面好易整花, 見意唔好擺野上去, 我已前用油掃加吸塵機去掃塵, 結果就留下好微細花痕! 好靚仔.....E~ 呢部又係有HDMI OUTPUT喎!{:6_143:} mankit9998 發表於 2018-12-11 18:21
i2s 真係靚聲其他都要借過
如果唔用個i2s真係浪費
多謝師兄，都考慮日後升級同廠有I2S既DAC，或者師兄有冇咩心得或推介，今次做定多啲資料搜集及試聽 168sum 發表於 2018-12-11 20:10
師兄, ps audio個面好易整花, 見意唔好擺野上去, 我已前用油掃加吸塵機去掃塵, 結果就留下好微細花痕! ...
收到，其實屋企都有鋼琴黑既喇叭，啲髮絲紋係好多，我過一段時間就用碧麗珠抹下{:1_332:} 小瑟 發表於 2018-12-11 22:36
好靚仔.....E~ 呢部又係有HDMI OUTPUT喎!
小瑟兄，我都係第一次用有HDMI output既cd機，不過showroom試聽I2S，又真係俾到一種空間感好闊既感覺俾我，而且人聲既延伸又係從未感受過，可能係我以往聽得少呢類DAC airforce 發表於 2018-12-11 23:48
收到，其實屋企都有鋼琴黑既喇叭，啲髮絲紋係好多，我過一段時間就用碧麗珠抹下 ...
CHING唔好用麗珠啦,去買支擰檬油抺... 本帖最後由 eric_on 於 2018-12-12 14:20 編輯
我用緊nuwave dac，都好想換呢部CDT。同樓上師兄講一樣，用得PS Audio一定要用盡佢個I2s。不過，你加器材就唔好諗nuwave，要買就DirectStream Junior。價錢差不多，但算是nuwave後繼機，數碼器材，有新買新，而且可以做埋前級。我都想換。。{:6_122:} eric_on 發表於 2018-12-12 14:12
我用緊nuwave dac，都好想換呢部CDT。同樓上師兄講一樣，用得PS Audio一定要用盡佢個I2s。不過，你加器材就 ...
其實我當時聽nuwave都已經收貨，不過有機會都想試下DirectStream Junior，呢兩部既價錢應該有一段差距
頁:
[1]
2