阿定 發表於 2018-11-30 08:29

DJI Osmo Pocket 實機試玩

本帖最後由 阿定 於 2018-11-30 09:06 編輯



昨天早上,知道了DJI 推出新產品 Osmo Pocket,呢部超小型的三軸機械增穩雲台相機好快就吸引了自己眼球,決定放工就落去銅鑼灣旗艦店上手玩下啦!

唔多介紹部機了,Copy and Paste官網資料過來無意思,如果仲未知部機係咩來,直接睇官網或下面條片介紹吧。

jS-7aSIEJ3M

去到旗艦店已經有兩三個人圍住部Demo機,不過可能無插記憶卡試唔到拍片的關係,大家都唔會試太耐就放返底,所以好快就可以上手試,機身比想象中細,但絕對唔算輕,幾重手,當然唔係重到拿著會累個種重,而係細小的機身內藏集成度非常高的電子零件得出來的表現,機身起動非常快,關機會自動回中方便收落袋,上手感覺暖手,但唔會熱,散熱估計唔錯,始終Demo機真係開足一日無停過,可惜現場一件配件都無,咩都無得試,連接手機的示範都無機會見到,專用手機App亦未上App Store,所謂的實機試玩,其實都只係上下手,感受下個質感同重量而已。初步體驗快速移動都算好穩定,但畫面太細同無得拍落來睇Replay,睇唔到個真實效果,亦無法判斷收音效果如何,不過整體試玩係開心的,畢竟當初心動的原因就係勁細的體積都有三軸增穩雲台呢個勁強的賣點,比市售的360度相機更細更輕,作為新一代拍攝神器,我實在唔知GoPro仲有咩價值了。

店員表示即場預訂可以15號取貨,上網訂就排隊等送貨,不一定15號能拿到,不過說老實,香港無配件賣已經係DJI的慣例,如果短期內只得淨機無配件賣,我自己都係決定等下先,始終現場無得試實機攝錄,網上亦未有一般平民的使用體驗報告,又唔係趕著聖誕假期要用,等下都無壞。








camseries 發表於 2018-11-30 12:24

返大陸淘是常識吧!

阿定 發表於 2018-11-30 12:38

camseries 發表於 2018-11-30 12:24
返大陸淘是常識吧!

都要有得淘先得架{:8_381:}

camseries 發表於 2018-11-30 12:59

本帖最後由 camseries 於 2018-11-30 13:01 編輯

阿定 發表於 2018-11-30 12:38
都要有得淘先得架

https://s.taobao.com/search?q=Osmo+Pocket&s_from=newHeader&ssid=s5-e&search_type=item&sourceId=tb.item


隨便淘!

阿定 發表於 2018-11-30 16:43

camseries 發表於 2018-11-30 12:59
https://s.taobao.com/search?q=Osmo+Pocket&s_from=newHeader&ssid=s5-e&search_type=item&sourceId=tb. ...

配件一樣無貨啊{:8_374:}

matthew 發表於 2018-11-30 18:01

基本上係12月15日先上市.............{:6_147:}{:6_147:}{:6_147:}

光與曝光 發表於 2018-12-4 20:52

已落訂了, 等15號取貨?

小瑟 發表於 2018-12-10 11:31

我想睇成像.......上網睇過D話係的, 已經感覺個NOISE有點勁~
頁: [1]
查看完整版本: DJI Osmo Pocket 實機試玩

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。