唔知好嬲定好笑 --- 《屍殺帝國》
本帖最後由 alleelarry 於 2018-11-8 20:53 編輯起這個標題, 怕各位誤會講套戲, 「唔知好嬲定好笑」實則不是講套戲, 而是講我今日睇這套戲的遭遇,
先講遭遇, 話說今日放假梗係想睇戲啦, 本來想睇屍殺片場, 係「屍殺片場」,
好喇, 去Festival Cinema之前都check 左13:15有位, 又剛好夠時間去, 出發, 去到售票處, 買飛,
「小姐, 唔該一張屍殺....,」
「哦, 屍殺......」
「係呀! 係咪有1:15pm場?」
「係呀! 喇揀位啦」
..........
那時已經係1:12pm，揀好、比錢、入場，坐好後，已開始廣告和預告片，一到正場，咦?! 點解出韓文字幕既? 個個工作人員又係姓金、姓李既?
唔通仲係預告片? 咦?! 唔係喎，係正片喎！就係咁，我今日就由本來睇「屍殺片場」變左睇「屍殺帝國」，無奈~~~~
離場後睇返，兩套屍殺片都係開1:15pm，只怪自己又趕急，又無細心睇清楚，也無專心聽清楚售票員講屍殺乜乜........... ，但又真係奇怪，兩套戲差不多名，仲要set同一個時間開場，咁啱遇著趕時間又不夠細心的我，唉~~~~
唔好意思，太長交待，講返套片，其實無咩想講，將韓式一般古代宮廷鬥爭片引入活屍橋段，奸角遇然機會下發現了活屍，趁勢利用活屍來部署一切計劃來合謀朝篡位。
世子知真相後回朝救國，亦欲解活屍困城狀況。
以戲論戲，只是將彊屍片和權鬥片炒埋一碟，雖然印象中未試過，但離不開兩種片的套路。
反而覺得，講活屍部份未夠深入，想要驚嚇程度的話更欠奉，而講權鬥部份亦只見平鋪真敍，令整套戲很大路。
人物角色方面，每個都是很鮮明，性格、特質一看便知，不需觀眾慢慢細心去想，
當普通娛樂消閒的話可以一看。
點都好要睇埋原本想睇個套啊！ alleelarry 發表於 2018-11-8 21:05
點都好要睇埋原本想睇個套啊！
係呀! 但我都要安排下有無時間, 否則要等多一排等佢出碟先得{:6_126:} cyber_look 發表於 2018-11-8 21:47
係呀! 但我都要安排下有無時間, 否則要等多一排等佢出碟先得
點都要去戲院睇屍殺片場，包你覺得值，我覺得經常出入電影版的版友都應該預時間睇呢套神作
頁:
[1]