Pakhoo 發表於 2018-9-16 14:38

打風無嘢做開咗隻《V-Rally》嚟玩....出曬事

話說今日10號波，街又無得出，最好就係清一清堆Game。本身諗住開隻《火影:新忍出撃》，但搵搵下發覺原來有另一隻仲值得煲...無錯就係呢隻《V-Rally》


簡單嚟講，佢係一隻玩越野賽車做主題嘅賽車Game。呢種類型嘅賽車Game真係算少，始終真係唔係大眾口味。但條題個位嘅「出曬事」唔係佢又有幾廢，而係佢畫面同控制做得好仔細。賽道之多由伊斯坦堡，美國大峽谷等都有，淨係睇境都算係咁。而且佢啲details 位一樣做得好好，唔會話因為小眾作品就馬虎。好似啲樹同沙塵揚起嘅效果真係唔錯！



玩落就更加不得了！如果係賽車Game 新手，呢隻真係會玩到嬲，但如果係玩開《GTR》個種，呢隻易上手！由其係呢類型遊戲真係要用棍波Mode先好玩！如果唔係係啲沙地呀，踩水位就好難成功轉到灣！



同一般賽車Game一樣，都係賺錢買車或者Upgrade。呢隻賽車Game雖則係小眾作品，但真係玩上手，又唔覺佢hea整。起碼畫面細膩同操作上已經好值回票價。我成日都話，如果下下都玩大作，成個Game界design就好快被壟斷。所以有啲時候，花少少錢買隻小品支持下我都覺得好應該！

rach 發表於 2018-9-20 01:27

師兄, 用軚玩定用制玩? 有冇得0nline Mode鬥車??
頁: [1]
查看完整版本: 打風無嘢做開咗隻《V-Rally》嚟玩....出曬事

重要聲明：本討論區是以即時上載留言的方式運作，Post76玩樂討論區對所有留言的真實性、完整性及立場等，不負任何法律責任。而一切留言之言論只代表留言者個人意 見，並非本網站之立場，讀者及用戶不應信賴內容，並應自行判斷內容之真實性。於有關情形下，讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限，故不能完全監察所有留言，若讀者及用戶發現有留言出現問題，請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 )， 同時亦有不刪除留言的權利，如有任何爭議，管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論，敬請自律。本網站保留一切法律權利。權利。