$8,000 budget不如玩書架吧
有對Dali Zensor 7 在隔離台賣緊。
Calebc34 發表於 2018-9-10 13:12
點解 x2 請賜教
原因好簡單書架喇叭一般都係一個高音一個中低音
音箱細自然箱聲細諧震小容易做到離箱音場深闊
座地大多數都兩個或以上中低音和諧震自然多
兩萬樓下嘅大多數都係咁
出名靚聲喇叭多數都係書架
當然玩書架必定要有靚腳架
mankit9998 發表於 2018-9-11 19:21
原因好簡單書架喇叭一般都係一個高音一個中低音
音箱細自然箱聲細諧震小容易做到離箱音場深闊
座地大多數 ...
聲箱諧震主要係個別製作問題，而非書架或座地問題，就算細書架，一樣可以有諧震，某些設計更是刻意利用諧震的箱聲製造音色，例如proac；而我自用的yamaha ns1000m係三路十二吋低音，聲音卻很乾淨。以上兩者是音色取向，冇話邊種較好，所只不能一概而論，只著眼諧震來衡量書架或座地喇叭噢。
koalaau 發表於 2018-9-11 22:39
聲箱諧震主要係個別製作問題，而非書架或座地問題，就算細書架，一樣可以有諧震，某些設計更是刻意利用諧 ...
1000m好似唔係座地係大書架
我意思係下半身係木箱的話同靚腳架我會揀腳架
Proac最出位都係書架喇叭
mankit9998 發表於 2018-9-12 09:01
1000m好似唔係座地係大書架
我意思係下半身係木箱的話同靚腳架我會揀腳架
Proac最出位都係書架喇叭 ...
如果計埋靚腳架費用和座地比較，即如proac sc1對d18、昔日focus fa68對fa78、b&w 804對805，好難話書架可以佔優，多人用只係空間問題，怕消化不到低音及較大能量。
本帖最後由 koalaau 於 2018-9-12 14:05 編輯
其實要減低諧震不外從聲箱入手，書架聲箱製作一般比較單薄，更易引起諧震，除非一些特別針對這方面的製作，如用金屬、石屎等製作聲箱，我以前就曾用過對paragon audio的jubilee二路書架，內崁鉛版，每只重五十磅，就真係冇半點箱聲，聲音十分乾淨利落。
一般木製聲箱書架，諧震係唔會比座地少，只係較少低音。
原來如此！
koalaau 發表於 2018-9-12 13:58
其實要減低諧震不外從聲箱入手，書架聲箱製作一般比較單薄，更易引起諧震，除非一些特別針對這方面的製作， ...
音響野咁多年來都係一分錢 一分貨
特別係喇叭有上網睇過B&W制作過程就知道點解要賣咁貴
個音箱係最花工夫同設計單元當然重要但音箱做唔好單元幾靚都無用
喇叭重量唔係重點減少諧震先最有用
咁多年才來都係用木箱係咩原因？
mankit9998 發表於 2018-9-14 19:07
音響野咁多年來都係一分錢 一分貨
特別係喇叭有上網睇過B&W制作過程就知道點解要賣咁貴
個音箱係最花工夫 ...
減少諧震，聲箱紮實係其中一個重點，這點和重量不無關係，因為單元發聲時確是在「動」，如馬步不穩聲箱就一齊震，一般書架喇叭的聲箱確係比座地單薄，b&w 805廿幾磅，804七十幾磅，睇磅數就知邊對聲箱更足料。
當然木造聲箱係主流，除了傳統因素，亦可能因為最接近發聲樂器材料，如用其他物料製作如金屬、石屎等，一般來說是成本較高而製作困難。不過用甚麼材料也有計及聲音和成本，除聲箱外，亦有在內部結構和加固方面減低諧震，不過所有方法無非都是令聲箱更紮實，就算障板喇叭沒聲箱，亦不會用一塊低質量障板，承受和減少震動，始終需要堅固厚重根基，書架加靚腳架，相信會有幫助，但和同系列座地相比，喇叭本身的諧震書架不會比座地少。
