【新聞頭條】信和CD舖停留在90年代
本帖最後由 takeishi 於 2018-8-30 14:20 編輯{:8_385:}轉載自YAHOO新聞 ~【旺角商場】
信和CD舖停留在90年代 店主：廣東新碟根本冇人買
https://hk.news.yahoo.com/%E6%97%BA%E8%A7%92%E5%95%86%E5%A0%B4-%E4%BF%A1%E5%92%8Ccd%E8%88%96%E5%81%9C%E7%95%99%E5%9C%A890%E5%B9%B4%E4%BB%A3-%E5%BA%97%E4%B8%BB-%E5%BB%A3%E6%9D%B1%E6%96%B0%E7%A2%9F%E6%A0%B9%E6%9C%AC%E5%86%87%E4%BA%BA%E8%B2%B7-000000881.html
{:8_398:} 內容係咁既................
信和中心無疑是旺角地標之一，但老一代信和「潮舖」之中，渡假屋租賃只剩下最後兩間，而曾經最興盛、佔據多層商舖的唱片舖數目亦大量減少。在90年代，信和唱片店可謂本地流行樂壇指標，每有本地天王天后出碟，唱片店訂貨量動輒以千隻計，不過2018年的信和唱片店，仿佛仍停留在90年代的時空，當年的流行音樂，至今仍是熱銷的金曲唱片。
經營逾20年的唱片舖「舖頭仔」店東指，現時唱片是精品，有旅客特意來信和尋找舊廣東碟及鄧麗君碟，一些特別版舊CD更要價逾千，而新出的廣東碟「根本冇人買」。
唱片店東陳先生 ：嗰個年代大把機會 , 在唱片業全盛時期，信和商場不同樓層都有唱片舖，而現時集中在信和中心地庫，「舖頭仔」便是其中之一，舖仔細細，藏碟逾萬。
店東陳先生笑言，自己讀書少，當年機緣巧合、覺得唱片好賣，僅投資一萬幾千便能開舖，「嗰個年代大把機會」，當年唱片是重要娛樂，「想聽歌一定要買碟先聽到」，除了早年受翻版碟打擊，近年歌迷改以手機聽歌，令唱片銷量下跌：「呢兩年特別難賣，物價乜都貴，啲人冇多餘錢，可免則免。」賣碟數減少，現時唱片走精品路線，價格上升，大部分人作收藏之用。
陳憶述，97年他訂購郭富城的新唱片，第一張訂單便過千張碟，90年代不少本地碟均大賣，當年的樂壇「新人」楊千嬅，第一張單亦訂了數百隻。時至今日，本地樂壇一蹶不振，陳先生坦言，現時新出的廣東碟「根本冇人買」。
那些年的廣東碟仍熱銷 內地人專程尋寶
如今支撐著小店的，仍然是那些年本地樂壇全盛時期的作品，只是市場定位由流行音樂變成了經典金曲。陳指，現時二手廣東碟有價有市，特別是假日期間，經常有操普通話的內地遊客前來信和尋寶，找尋昔日的舊廣東碟。他近日便回收了一張出版於1983年關正傑的《雷射金曲》，由於是西德製造，屬第一代CD，相信售價過千；另一張1990年日本製造的雜錦碟則估價數百元。
陳亦透露，唱片舖越來越不易做，除了買碟人減少，「內圍（本地廣東碟）唔賣，外圍先賣」，近年韓國K-pop碟亦成為小店的主要收入來源。陳指，K-pop主導潮流，近年韓星唱片最暢銷，目前最紅的則是「BTS防彈少年團」，賣碟及詢問度最高。而不少K-pop唱片無本地代理，加上為減低成本，要絞盡腦汁找水貨途徑，他坦言繼續經營唱片舖，不過是「搵兩餐」。
{:6_135:}睇YAHOO新聞~真係笑X死人.
其實~你好問唔問. 走去問個傻既. 係人都知啦, 呢D野你求其問一個買開碟既都識講啦.
呢篇野係YAHOO 新聞引用"香港01"的。 你咪當呃稿費 成篇嘢的重點係 : (新的廣東碟根本無人買, 只靠舊碟再碟和K- pop), 早排HKR結業, 負責人被問黑膠不是回歸嗎?他只答佔生意極少部份, 根本未夠皮, 我只賣古典碟, Boxset一隻只是二十幾元, 我有理由繼績買下去 唔好以為黑膠銷量好好
以英文CD為例, 如果好賣嘅CD版賣過百隻, 黑膠最多賣到4, 5隻, 係CD版嘅一成銷量都無
所以HKR老闆無講錯架
香港地, 幾多人屋企夠位放咁多黑膠丫? 當你住緊劏房，邊有閒情玩影音⋯⋯ 供緊樓的都唔會諗太多.
黑膠...在外國係真的有市場, 不過都唔算好強勢. 而在香港, 人人都只識廣東歌, 之後外國的都已無人識了
古典? 提一句乍, 人地就即昤話 "我唔聽."
香港人的對音樂的文化有幾深, 是可想而知.
賣碟的唔pro, pro賣碟的執到七七八八, 真係都唔知有乜好. 新碟已無新意及吸引力，買舊版碟只是情意結及心癮 kl122002 發表於 2018-8-31 14:07
供緊樓的都唔會諗太多.
黑膠...在外國係真的有市場, 不過都唔算好強勢. 而在香港, 人人都只識廣東歌, 之後 ...
又唔係喎, 而家最好賣係外語唱片呀
不過唔係英文, 唔係日文, 係韓文CD呀
邊個買? 係年輕男女買, 仔女嘅父母親買
中年上班族? 佢地話: 咦乜XXX出左新碟咩? 返去_ _BOX/J_ _X/Download先 或者聽到: 乜原來又係翻唱歌, 唔買喇
又又又聽過: XXX有冇精選碟? 哇乜6CD架, 我唔使咁多碟, 有冇1CD版架? 1CD精選都成舊水架, 唔買喇 個人覺得，現在太多翻唱，太多人爭這碗飯了。上個月最少有八款新出但翻唱的發燒碟，無論新歌手或重出湖的舊歌手，已沒有太大興趣了。香港娛樂圈就是這樣，無論電影，電視也好，一見市場有好反應，就一窩蜂的，真至你食濟為止。像黑膠也是，越出越快，越出越密。現在真的沒有購買翻唱碟的意慾了。好悶！
頁:
[1]
2