想試下玩5.1.2 Atmos (Front Height speakers/Atmos enabled speakers)
請教一下各位師兄，如果想玩 5.1.2 但做唔到 Ceiling Speakers, 咁樣用 Front Height speaker 定係 Atmos enabled speaker 好啲?TV Ceiling 中間上方有約70cm 的吸項燈...謝謝 Front Height會使前面音埸大咗,但唔會有由上而下的感覺!反射喇叭cp值太低,師兄你中間重有燈阻住,效果再打折扣! 本帖最後由 小邪ktm 於 2018-8-21 15:12 編輯小邪ktm 發表於 2018-8-21 14:47
Front Height會使前面音埸大咗,但唔會有由上而下的感覺!反射喇叭cp值太低,師兄你中間重有燈阻住,效果再打折 ...
我都想問下其他師兄,個個都話普通喇叭做唔到反射喇叭,但調轉如果用反射喇叭做天空喇叭係唔係會更好,還是會差咗?有冇師兄比較過? 小邪ktm 發表於 2018-8-21 15:11
我都想問下其他師兄,個個都話普通喇叭做唔到反射喇叭,但調轉如果用反射喇叭做天空喇叭係唔係會更好,還是 ...
據悉Enabled speake要某啲頻段加強了，同埋要攞個Dolby認證所以普通喇叭夾硬攞嚟做效果唔好… 我先前用Front Height speaker, 之後用 Atmos enabled speaker, 感覺當然係反射正好多.
我亦都係有盞燈阻礙到其中一邊既反射喇叭
唔覺有物決失(亦可能反射無物料到)
但, 我用ATMOS 試機碟聽, 又真係有野係天空走來走去.
有CHING 來我屋企試過後都即買隻反射, 但佢屋企地方大, 佢又唔覺好似我果到咁有效果
所以我覺得反射先決係你屋企聽既地方大細都可能好有關
而反射方面, 我部AMP 可以較距離(我估即係反射點), 我都叫做避到小小盞燈
Atmos Enabled Speaker 是較 Front Height Speaker 好很多，問題是 Enabled Speaker 放的位置所做成的反射點如果落不到皇帝位，這就是經常聽到師兄話 Enabled Speaker 擺法不好聲的死因，所以 Front Height Speaker 其實是容易做得好。 Enable好似只有atmos時才有聲出,5.1 7.1 唔會幫手增加surround郊果
front height 就會 FH是前上出聲，反射是天花出聲（不過可能唔明顯），是兩個不同位出聲喎 本帖最後由 maxyeung 於 2018-8-22 15:02 編輯
嗯......我近排先開始由5.1 加番對天花喇叭變成 5.1.2，因為部AMP只係入門級也只是如此。我有少少意見希望
樓主可參考一下。
小弟地方超細，電視同前置距離座位只有5尺左右，左右牆身只有6尺，天花高不足10呎。剛好前置喇叭對上再前1尺不到有條大陣，便可裝多一對天空/天花喇叭。
一開始，響個AMP Speaker setting 內，SET 對天空/天花喇叭做 Top Front，就自動多左 ATMOS 音效，睇番之前一D 1080藍光原盤ATMOS FILE，即時有新體驗，而其他FILE/Blu-ray 碟亦會 upmixing 左個音效，整體比之前勁左不少。但發現，天空/天花喇叭個Channel又唔覺特別明顯有聲。
試左幾日，再試下蠻天空/天花喇叭，響AMP 設定內SET 做 Front Height，再試番之前D 戲，感覺又有D唔同左，對天空/天花喇叭明顯出聲多左D，不過都仲係好似仲爭左D唔知咩野咁於是，去睇番"威廉SIR" 其中一個示範講庭，又去一D外國網頁睇睇，又番睇下說明書個PDF。結果..........開始有D開竅喇!
1) 再明白多左D，ATMOS 玩法唔同以前，係要用晒所有喇叭營造效果的，所以唔會好似以前咁，無啦啦有D CHANNEL 會忽然大聲，你唔調下佢好似同套戲格格不入咁，一直被多年誤導左要CHANNEL 夠大聲先係設定完成，我諗要改少少呢個諗法。
2) 試機時記住，VOL 要開番你平時睇果套戲個LEVEL ，唔好怕太夜嘈住人或怕皇太后唔高興較得太細聲去試，包你乜膠都試唔到就以為效果唔理想。假如套戲個男角放左個屁而同時又遇到大爆炸，你收細晒個VOL 都可以聽到已經唔大聲既爆炸聲仲聽得清楚男主角放緊屁?
3) 用番 ATMOS 試機碟，好似第一TRACK, 係大自然果條片，有一PART 360度雀仔飛，聽唔到360度有FEEL 既話，就談唔上基本設置完成了，記住360度D聲係平衡的，唔係前大後細聲，或後大前細聲，要聽到係立體360度都係果堆雀仔飛。
以上係小弟入門窮L 經驗，希望對樓主有用啦。同時小弟亦希望多D發燒友/師兄分享多D 5.1.2 既心得就正喇, 我仍然會不停改良的~ 試過反射效果麻麻