Marantz NR1608 由 5.1 步向 Dolby Atmos 之旅
本帖最後由 issachar 於 2018-6-27 22:20 編輯<前言>
小弟用左入門 all-in-one 5.1 home theater 好多年... 由 Cambridge SoundWorks Desktop Theather 2500, 到 Creative Inspire Digital 5700, 再去 Logtiech Z906... 呢 D 組合既好處係簡單易用, 價錢十分平民, 2 千零蚊就有 5.1 channels 連解碼器... 對於我呢種地方不大既 PC 用家就適合不過. 不過個市場可能終於唔係大, 呢種 system 可以話唔上唔落... 冇乜要求既人唔會比 2 千銀買佢地, 有要求既就會覺得呢 d system 根本唔入流... 而家利潤亦十分有限既關係, 所以多年黎呢種 system 選擇甚少.
使用多年既 Creative Inpsire 5700 本來係十分滿意, 細細套仲有埋 DTS decoding... 支援 analog + digital 同時 output... 而家 d AV AMP 都仲未有呢樣野 {:6_138:}
不過亦因為使用多年, 修理過一兩次之後, digital 部份間中會冇聲... 最後唯有退役.....
Logtiech Z906 唔算係一個好既升級, 不過正如我所講, 呢種 system 係冇乜選擇.
點解唔正經玩 AV amp 呢? 錢當然係一個問題, 地方係另一個問題... 細細隻喇叭又要好力水, 仲要平民價錢... 多年黎就祗有 Cambridge 既 Minix 系列...
不過計一計數... 左右稱一稱... 性價比始終都係輸既.
講返套 Z906... 力水係夠既, 不過音質祗係不過不失... 用黎打機普通睇下戲係唔錯, 不過如果要求高少少, 想聽歌或者睇戲會有到喉唔到肺既感覺. 佢既硬件設計都十分一般... 連用緊乜野解碼都睇唔到, 淨係會著粒 LED 話係咪用緊解碼...
所以用左幾年之後, 黎到今年終於都係想升級... 首先考慮既依然係 amp 既大小... google 一下 compact AV amp, 吸引到我既就係 Marantz 既入門 AV amp NR1508.
然後橫向睇睇, 差不多價錢既仲有同門 NR1608 同埋 Onkyo NR608. 最後決定 SR1608 有幾個原因, 可以玩到 7.2, SIZE 細...
而最決定性係果時做 promotion 4 千蚊唔駛! 所以就立即比錢!
好老實講, 兩個多月前我對 AV 既認識仲係停留0係 5.1 7.1 7.2 AC3, DTS, TrueHD 既年代!! 乜野 Atmos, Auro 3D DTS-X 係完全唔識!! 所以買 amp 既時候我覺得我都係會玩 5.1, 第日可以諗玩 7.1 所以 NR1608 (我以為)應該係足夠我用既!
今日打到呢度先... 聽日講下我揀喇叭... 想問下係咪NR1608? SR1608好似Google唔到 gordon1 發表於 2018-6-27 09:40
想問下係咪NR1608? SR1608好似Google唔到
係呀師兄，已更正{:6_136:} <喇叭篇 - 前置>
前言提到我希望喇叭唔好太大隻, 主要係因為唔想用太多地方... Cambridge 既 Minix 0係 size 上係十分討好我, 其中一個原因係其實佢同我第一套 all-in-one home theather - Cambridge SoundWorks DTT 2500 既喇叭仔差不多一樣樣, 對我黎講十分有親切感! {:6_122:}
當然我十分明白幾個"定律":
- 大既喇叭比較貴, 相對地靚聲
- 細既喇叭比較平, 但係冇咁靚聲
- 如果想要而細又靚聲既喇叭, 就等如好好貴 {:6_134:}
既然買得 AV amp, 當然對音質有所期望... 不過對"高級"音響一無所知既我, 上一上友誠... 眼前有如恆海沙數既喇叭海... 無從入手....
隨口問一問 sales 哥哥, 佢指一指套 JBL Cinema 610... 話"幾抵玩"... 我亦唔好意思問佢有冇得試...
唔知點解腦海就突然記起有 POST76 呢個論壇... 亦都唔記得 2012 年點解會註冊左個 account... {:6_158:}
好啦, 一入論壇深似海! 雖然好多 POST 都好似火星文咁, 但係果 D 我睇得明既... 真~ 係~ 好~ 毒~
甚麼 Atmos, Dolby Vision, JBL Control X, Oppo, SunFire, MK 等等品牌制式商舖... 再加上自己上網做功課, 資訊不停湧入腦海...
我亦開始明白點解問入門野冇乜人答... 好多師兄一隻喇叭都已經係幾千甚至萬萬聲... 以我當初 4 - 6 千銀想買哂 5.1 呢個 budget...
其實買乜野分別根本不大 {:6_176:} 有要求既人, 唔會比呢個 budget... 比得呢個 budget 就唔好有太高要求.
果然 Cambridge Minix 已經滿足唔到我要求, 0係阿二有位好 nice 既 sales 哥哥駁左 5.1 比我試聲... 音質比起 Logitech Z906 有所提升, 不過 sales 哥哥直言喇叭係未 run in, 所以比較生硬.
我甚至覺得比唔上我果套已用多年既 Z906. 同時我亦意會到 6 千蚊呢個 budget 唔會滿足到我而家既要求.
同時間我既下一個目標已經跳左去 KEF LS50... {:6_178:} 有 D 師兄話呢對喇叭名過於實, 如果用黎睇戲亦可能有不足, 不過我實在係比佢既外表吸引左, 上友誠試聽後, sales 哥哥仲話有折! 個價仲平過 price hk! 於是就恨恨地比錢... 淨係對 LS50 已經 overbudget 喇.... {:6_190:}
今日就打到呢度先... 都可能會搵下有冇 d 舊相可以加返落黎, 希望大家睇得開心. 等睇圖{:6_139:} 一黎就玩 LS50，一定係响 76 中毒太深{:8_390:} Billyfish 發表於 2018-6-28 17:09
等睇圖
新相要搬屋後先會影, 而家個位嚇死人 {:6_176:} wilson_math 發表於 2018-6-28 17:36
一黎就玩 LS50，一定係响 76 中毒太深
不同地方都有睇啦, 普遍都係好評, 自己聽過又覺得幾好... 所以去馬... issachar 發表於 2018-6-28 23:58
不同地方都有睇啦, 普遍都係好評, 自己聽過又覺得幾好... 所以去馬...
師兄, 咁中置, 後置SURROUND, ATOMS front height 最後用左咩喇叭??
SUB WOOFER,又是什麼??
頁:
[1]