avsuperman 發表於 2018-6-23 10:28
用投影，你地唔覺黑位真係好黑，無左層次，得閒用電視播睇效果
就算用電視睇，黑位都唔算靚，都係要自已調一輪黑位至出到黑位的细節！
Hugo Fok 發表於 2018-9-2 11:27
留意返當年港版無論是包裝同正片內 Main Title 都無左個 "THE" 字... 當年好似話系同個英文名 "授權" 有 ...
你講開個 "THE" 字, 以前上網不發達年代都有些少網友都曾經爭拗過呢個問題，但答案你講先知囉，不過我仍然只稱為MATRIX，習慣吧~
講番隻MATRIX，或者係講奇洛李維斯，佢另一部小弟覺得係近大半年來音效最好既BLU-RAY 碟，係 JOHN WICH 2 "殺神" (小弟覺得個香港中文片名改為"一味靠殺"票房可能更好)。
其次係最近期既"挑戰者一`號"，想聽聽HUGO兄又點睇呢兩套野呢呢?
各位4K師兄不妨考証一下來自YOUTUBE既一個新舊版MATRIX色彩差異短片丫~
https://www.youtube.com/watch?v=6LfVV7fDqPs
https://post76.hk/forum.php?mod=viewthread&tid=273689&extra=&highlight=Matrix&page=1&mobile=2]https://post76.hk/forum.php?mod=viewthread&tid=273689&extra=&highlight=Matrix&page=1&mobile=2
呢張帖都有討論，可供參考，以免重覆。
本帖最後由 Hugo Fok 於 2018-9-3 16:48 編輯
maxyeung 發表於 2018-9-2 21:35
你講開個 "THE" 字, 以前上網不發達年代都有些少網友都曾經爭拗過呢個問題，但答案你講先知囉，不過我仍 ...
之前我都睇過 "THE MATRIX" 個段 A/B 比較片段,而我自己私底下都有比較過 2008 年版藍光 同 2018 年 4K, 發現 4K 版最明顯之處系 "網絡" 世界唔系由頭綠到味 ,會隨劇情變化而出現返多少藍色。例如 NEO 避子彈一幕,2018 年明顯 "藍" 左很多, 而日光感亦交三個版本 (1999 / 2008 / 2018) 中最強的一次... 個人解讀系當 NEO "覺悟"之時, 畫面就會出現代表現實世界的 "藍色" , 所以粉絲來講, 呢個 4K 版都系令一種 "傳釋" 方式。
<John Wick 2> 我覺得條 Atmos 既效果其實相當驚喜, "幾乎" 系將戲院所聽既槍砲效果 1:1 還原 (我自己當日係星影匯 1 院睇的)...不過, 碟中既 Atmos 聲規感覺系中高頻稍稍收斂左少少, 無戲院所感覺的刺耳。我對 <John Wick> 系列比較深刻是其槍砲聲應該系 "原創" 錄音,無翻用到存庫裡面 D "罐頭" 槍砲聲, 感覺上比 "罐頭"聲較更埋身更有真攝力。值得留意系槍砲聲出了聽到我地大家所認識 "嘭嘭" 聲外, 好多槍械既細節聲如上彈夾、撞針聲, 在不同空間開槍的環境聲都有非常好的還原...每次械鬥都猶如打機一樣咁爽... 至於你話劇情, 我只能話 <John Wick>系列只是純為 Keanu 表演 "GUN KARATE" (持槍埋身格鬥) 有幾型... 算系純感官類動作片。
至於 <Ready Player One> 我估大家都系直指 Chapter 2 賽車一段。我個人感覺呢段大家盛讚應該動態夠勁、空間軌跡感夠像真... 有暴龍又有 KING KONG 真系過癮戲癮。不過其實大約 30 分鐘處夜店 The Distracted Globe 一幕其實系 Atmos 下都有唔少既空間環境聲值得留意。總體來講我覺得 <Ready Player One> 既 Atmos 音效表現其實相當平均, 除左賽車一段音效比較誇張, 0岩晒大家用來做 Demo 外, 其他章節既音效其實相對平均,營造出黎既電影氣氛都好好... 以 2018 年 9 月來計, 我會選佢入我既 Top 5 名單。
John Wick 入面，奇洛成套槍法，係特登跟人學過，係一種由一位英國前警務人員自創的，世界多數國家警察部都有派人去學。奇洛另外一D長槍/步槍練習，YOUTUBE 有少少片段可以睇番，響靶場用真槍邊行邊換匣，快速打晒好多個靶，快到好似拍戲果陣一樣。
仲有個導演好似係奇洛之前動作片既御用替身，希望仲有第三集啦，因為好似都係改篇漫畫~
Hugo Fok 發表於 2018-9-3 16:14
之前我都睇過 "THE MATRIX" 個段 A/B 比較片段,而我自己私底下都有比較過 2008 年版藍光 同 2018 年 4K ...
咁，另外TOP 4 係咩心水呢? .................{:1_344:}
本帖最後由 Hugo Fok 於 2018-9-3 18:23 編輯
maxyeung 發表於 2018-9-3 16:33
John Wick 入面，奇洛成套槍法，係特登跟人學過，係一種由一位英國前警務人員自創的，世界多數國家警察部都 ...
"導演好似係奇洛之前動作片既御用替身" <- 呢 Part 其實都系 <John Wick> 系列加分數既理由... 如無記錯 <John Wick> 既導演 Chad Stahelski 當年為左拍攝 <The Matrix> 由地鐵路軌升上路軌頂一幕而整襯條肋骨要入廠大修...好彩後來無大礙... Chad 對 Keanu 而言絕對稱得上係親兄弟... 見到佢地系 <John Wick> (第一集) 夜店個幕過招過成 3-4 分鐘, 由二樓打到跌落一樓, 然後繼續打, 感覺既肉緊又有 D 好笑 (因為知道佢地實在太 Friend)... 之後 Chad 系 <原子殺姬> 裡面扮打手同 Charlize Theron 系樓梯過招一幕都非常凶狠...但因為劇情需要最終都系被 Charlize 狠狠 KO...幾乎同 Kenau 有關既動作片都可以見到Chad 既參與, 當年 <魔間行者> 佢都有份幫 Keanu 頂晒大部高難度鏡頭... 所以 Keanu 每次有得威, 都不忘會 Credit 返 Chad 既功勞。至於第三集據知已進入煞科階段, 之前見到有張相話 Keanu 根疲力盡到眼都 "Mark" 唔大既樣, 幾乎全地球既電影媒體都瘋傳 (笑佢既多), 都令大家好期待套片有咩場口 Keanu 咁消耗體力...
本帖最後由 Hugo Fok 於 2018-9-3 17:57 編輯
maxyeung 發表於 2018-9-3 16:34
咁，另外TOP 4 係咩心水呢? .................
既然 maxyeung 兄問起...我自己比較中意睇恐怖片同科幻類片, 但就好少為一兩個試機 Chapter 而入某套戲... 我既 2018 年度飛佛會首選會系 <IT 小丑回魂>、<銀翼殺手2049>、<大娛樂家>同 <復仇者聯盟 3>... <挑戰者 1 號> 我個人覺得系節奏唔夠緊湊, 過度位處理比較公式化... 少左史匹堡過往個種奇情感覺, 史 Sir 科幻片來講我覺得 <人工智能> 同 <未來報告> 其實仲有更多解讀空間...而 <挑戰者 1 號>就免有點為懷舊而壞舊...>0<
Hugo Fok 發表於 2018-9-3 17:31
"導演好似係奇洛之前動作片既御用替身"
我仲睇緊隻4K MATRIX 附加 果隻 making of DVD,應該見到你講果個導濱~ 同埋隻真係詳細到爆，可能我少睇正版先咁覺得啦~
本帖最後由 maxyeung 於 2018-9-4 13:32 編輯
Hugo Fok 發表於 2018-9-3 17:55
既然 maxyeung 兄問起...我自己比較中意睇恐怖片同科幻類片, 但就好少為一兩個試機 Chapter 而入某套戲 ...
全部我都睇晒，都幾認同你既講法。不過反而有套日本野 "解憂雜貨店" 我覺得係呢一年來暫時我覺得最好睇。其次得番大娛樂家，荷理活式百老匯，等如以前既"貝隆夫人"、"芝加哥" 類型，不過大娛槳家更好睇，特別阿曉治請果個女演唱家第一場表演，真係聽到毛管楝，而且套戲冇強調係真人真事改篇去吸引觀眾都有此成績真係好好~
至於A3同ANT 佒2 我都響戲院睇，覺得ANT俠2 好睇D，除非A3 剪走晒父女情同埋將彩蛋放番入去正片度就會不相伯仲囉。
