《哈利波特》1-4 集 4K UHD (實物圖) + 初步評測
本帖最後由 Hugo Fok 於 2018-5-14 13:02 編輯上個禮拜唔係香港, 成堆稿未清... 搞到入左手都未得閒比返多少 Comment。 週日終於有時間開封試左 <魔法石> 同 <密室>, 發現第一集條 DTS:X 真係有驚喜, 每次有 "魔法" 既時候環繞聲同天空聲道都做到野, 最深刻係波特第一次去入手魔杖, 錯手打爛野個幕, DTS:X 個穿透感的確好強...音場同電影氛圍都好好... 畫質方面 <魔法石>Noise 雖唔算嚴重, 但 HDR 效果同銳利度一般, 但聲音就明顯落重料, 包圍感好強。至於 <密室> 在畫質及 HDR 方面既表現就追貼之後 D 集數, 片中好多暗位, 如片末鬥蛇一幕,地面水光、明暗細節都發揮到 HDR 既優勢...至於聲音都繼續 Keep 系列特色, 如前段 "魁地奇" 一場動作戲都非常好的包圍感和軌跡定位感... 論聲音絕對無欺場...周末睇下抽唔抽到時間清埋 3-4 集, 遲下有時間重溫晒 1-7 集, 係新聞中心出返一篇詳盡既聲 / 畫報告...(PS : 今次 4K 版終於為 1-5 集加返粵語配音聲軌,當年 D 回憶即刻返晒黎 {:6_134:} )
頁:
[1]