jeansky 發表於 2018-5-14 11:35
師兄 有冇玩過VH audio o既occ silver 線?
未有。。。。
好玩啦， 一於來個猜皇帝{:1_253:}
AB得興起， 不如來次猜皇帝： 即把一對RCA線做膽 （自然要先捧Silver Bullet）， 接受另一對線AB， 以播一首歌為限定勝負， 如果打成平手， 則播多一首， 若果再分不出高下， 即把該對挑戰線撥歸保留組， 收歸小弟旗下。勝出一對即可繼續為前級及後級服務， 繼續接受考驗。敗北之線自然將被拆骨或束之高閣。
小弟有此行動只因整了太多線， 好多已經不堪一擊， 有待拆除， 亦有好多（改善系統後）未有機會表現， 今次讓其重生。留強淘弱， 為猜皇帝之重點。
小弟約有十多對線正排隊去挑戰呢{:1_262:} ， 其中包括 Neotech UPOCC silver 訊號散線+ Furutech 頭， 陳年XLO signature Reference II， 油浸銀線， DH Silver Balance + Xhadow 鍍銀頭， 油棉紫銅線， Cardas 唱頭線， Neotech UPOCC 方芯銅線等等， 好多喺改善了前級後都未曾試過音， 今次畀機會佢哋，小弟算唔話得了。{:1_343:}
這個遊戲會很花時間， 不要緊， 最緊要過癮{:1_262:}
Good
本帖最後由 Alman 於 2018-5-22 05:15 編輯
猜皇帝之一： Silver Bullet ／UPOCC silver／VH Audio OCC copper 電池線 Vs Xhadow／Duelund 26 awg／dead soft copper
https://lh3.googleusercontent.com/Qis-0G0bAWLZD5eNNF7hBOSTZ9VpH7KN0fcLva1-YCT-y_SlJUfLSIKPwoa8j3t2hOZxgllAl-rv-_TkvYWDufUJ0JHW8RZUXzbqgWStBlZgANTNZm_zu_iFKMwxZDc8bsPtqbA5goI_Y7ES7d6LkkteycNq-w6Q-XZkJ9GIi_Dcjmrfv2bbBzfCqUgawE4jV1T0avMbQVlSB0sZfNwXBIuxUVqq-xmkbLXRJizRIHFsH4Mm494q5kHnrvE9DU0pEefBt6fFhwvqiY4jMK_akEscyNWBEgVnKFTIEzVKaE05qXN6-SyN7tKn3bcFE-XrwBYdXNxwmBs7F5FKQr4V0Uu0Tvs4HC1R5U5Rj8_Mv6uY47lr45IP-5hjq_NUKn4hCyIm0X9bNY4WYCzrqDFePyWVrPHIwlZ8_PHG_4hDvDjVw9LejtuZMDL17CRpb5Q_tjAHl0CAT9baFLZzX1AyFCEJhr95eKb4lhq4zzAOLkc0-DsVDvJVO7zzuLgIi-eYTrhlinaIXjbmQQn1rZPYyIDrtXC8yVTh9zSk1iesKGc3emehVrAJandL5mbA0ovIYpMp8tRt6cMdZrFJBEV4WtL-Bn1SkftWpdCt25M=w640-h480-no
試音CD：
https://lh3.googleusercontent.com/6qFxI2hj3_0qCGWqqV9xCNM2cPLDPSH0VjEfBZFQfMOhA2qEZcd9UI86TTPGj5fTvVOakP48j0hgmVC81EQGZVUyObAsG9kHOMjJwrZgEnFnQkIC3jnQP-Y4G5fVlziptggBJOUkbzCvBeDK70nvtKn8RwLigBpr-8g-izLtUne9WOWthUW_-RUcTBbCTycYOYU3dDNc70LBlrU18v37B5m5XtXi91lKEuZs9ecgKCbUL40jSSaJUdgqWaXcvgxmkTQ4iJ6texJE-0MtRnytkg2Y1IlxNvMCkSZqEPItWpiJLUcFqCg2hLIwH5BKbNXT6e43CLUZyOqLf1bekIQRrcy4CuRkA8rp41UFy0JM9Xge_VP4Q22K6xK9Ny6rHoisDD3kFU9R-niZx-wdsV1iimggFYwkXGk1H9UGwIzsbFQiKtTirZCrW2zRbNcJ8CRNg_ysawEPrrk3FXUuKlzGq38phlrg1SNn67ZPRwzWklXfgR2wHt1PKq6-NyOHg9X4R4FbAS1CGukkc0_-Yx7xf_JMm-tMw-1_4Y2lG__vptS7uq0rbCvuXt5UmoWEJoH7BOYsl4B7HweBNHUwYjyNpQhJPAdYfN3GlzBH_Jk=w369-h277-no
未猜之前, 心中有數應該打和. 但由於 Xhadow 係新整同埋煲唔夠耐, 有些感情分, 希望佢贏{:1_259:}
揀了Messiah 其中一首女聲播放, 這段以管風琴伴奏, 加埋其他弦樂, 好考機。演唱者站於左面, 佢嘅運氣唱功令人著迷。其間有兩聲"搭" ： 分析力愈好， 這兩聲愈清楚。 兩對線平分春色。
播Brothers Four Green Field， 這隻陳年錄音令小弟係咁用來試音皆因都機越有改進， 愈能聽出由好似獨唱加和音到兩個人合唱咁！同埋S音出成點亦反映條線得唔得。 試過D S 惡聲， 真係難頂。 同樣佢哋無分勝負。
唔甘心住， 要加碼， 試埋Highperformance Carmen： 兩線最掂嘅係第四曲的一下好似長ding 聲。 套機未成器前聽唔到， 慢慢隱約聽到但以為係演奏者唔覺意hi 到， 到聽到係演奏一部分但好後好細聲。 依家兩者都好大聲好清楚咁播出嚟{:1_253:} 。 有D線都出到嘅， 但落雨收柴咁變得好崛。到播第十八cut時， 終於聽到明顯分別， 就係Silver Bullet音色雄厚低頻深厚有力D。
最後要出殺手鐧， 聖桑骷顱之舞： 兩者在演奏線條空間等等各方面無分軒輊， 只係Silver Bullet係低頻方面會去得盡DD， 而Xhadow 喺尾段爆棚會修得滑少少。 兩者都把尾段爆棚播得精采， 毫無拖泥帶水，樂器出得好有層次同分隔， 正！{:1_351:}
無分輸贏， 繼續猜皇帝， 因Xhadow最後播， 由它面對下一對手： Neotech 鍍金頭／油浸OCC銀／Neotech 漆皮棉皮線。
https://lh3.googleusercontent.com/w8L2CfyGpaLbNok35qGzVYcxuQZpcxpXrAokfsV1vOjaovkcV-bg2V0fEW6AJyMjFIOqlgETb5VqiFp4ZmO9Z0vWdKHhF0eSRjnQi5bFb-m0FELW9eVKrM-ot_wV9MWP7xgaUENzkBJhNlTZL8qDTBp7rFyB8yZlw350U9Z0_V9A74l8wbFQqBFPctLDMKmHbqB4KFl0ZQq7_GKMlgU9NKbvvJaVZL4uJEd82jetP7raT3YkZIje1dH3LWh5TlnkTTiCcedpx2gc-hPk3FV5FaYpvaBAZjqpxYbGHNnGBmjySuTqgb5jqd0S5-LGkdDyFEcTh2hBEKHWKrlxxUHNK06RHsN9QUE4--7KmBm6H-c7Kss5Fkdnap8iLzlo4gSYRJvBGSSLaQXVDmfDwpD7fPjtniMUkgik5hx1DTU-goEcMAzBOW7g7JOpMfpEGqnHSR0oxiTVnrS4fNRnWzuYwigj7oplXu6TshP-DrIfT5AGOQjaj5OVe0KWSCVoQmS79D-QzRJnDQfklweDxkZxMxUsdr0vqfWsg3g1FH4ag1mKTvbn-6lPlxE4Y0j8s093BMWA0UKtfzkjJDoNWf9-n1Rg9UlCh-fHKFHxj8g=w369-h277-no
這對Neotech頭的質素真係。。。日子耐咗， 居然嗰外殼腐蝕。 以為係比D油所致， 但原來出售此頭的 Sonic craft 最後平價賣出這些頭， 皆因有同一問題！
https://lh3.googleusercontent.com/Mb4OKwZz77aQ_OR4VHdXZbcKZaR-u3emGRd9XMPeKUfnYAzoiSXoPhg55nvO9_3GaO54GqBjy2Xi4N3GuOYX7MhK6USe0e6ErIDzf_MKZ9TR5nayIl6j9ekEENtoh_s9wX_MfCOrccULzWDGwk26vmYXkt8Mc6UeCGV1zWDzz63b47qq8tVUbAb8o13L1dTvQnKIHLvqis2DuCoUWJkM_OK0sILRKxYIu9YAsbmYryz_zgYIwO1Wz1BcY8n9XUURclzS1m_sNnABfnqs-nU8PZuSX8HQkO1_wv-fbnVtOIoAgW2pCM2kY4hjJ10TgxmQ1ryf29uoqnWsYOH2l2qqjYA6F8eZlU3ZMRTSaFYyFl6RAUsz3q6lwoT6nuTjjvgegU5tRIhS7A7Fzid0rtvYx7a8fJzsUUG9kpNS1qwgDyHzKwzP8W9PZjHl9_q2kKzKQBxxpR_fOvdq1q2mF6lJ_ZebFaolxkbD_kIlmLnX4VkQc7jUuheooGdu_E7qygk53wotM5_KHCKFNab8BYUmuK96DqV3WiOV39NGKadxd1VWgzkB6Haf_mQ9vBy0fHFDCx7l9gDPlpUhVQ-3_B-N405u9dQk9oQPSTeO_4Q=w369-h277-no
頭的質素， 真係影響實力， 猜輸是意料中事？ 播骷顱之舞佢嘅音場動態同以上兩線分別不大， ， 但欠些輪廓及高音較暗。 整體聽覺是焗促d。
今日猜到呢度， 稍後再分享其餘挑機線{:1_343:}
本帖最後由 Alman 於 2018-5-27 06:21 編輯
猜皇帝（二）
剛剛上星期整好嘅 KLE copper 頭/Neotech silver／gold 線／紫銅線已被小弟慢火連煲幾晚， 今日就搵佢嚟挑機。
Xhadow／Duelund silver oil cotton／dead soft copperVS KLE copper ／Neotech silver／gold／red copper
https://lh3.googleusercontent.com/he4j0_t2Z9wul2VEAe7U6g3rRHoqPFt85QQcsZH1CR-NYBMQw5fGwXBoZ9BWvL8aBrsg5ijI6OAI8fdL40DpdEjzGvJPgf_xVAchZFpuM2PrHZ7ngRfQFKyc6mEFhiFeeP7KCROb52E_F4gz4zHfnJgAmTyOYc97j_Lbx5--r36D5_pX_TopRXbFXtljtCXeXFDs6Hx0EeVMdTR4qFMfwIuD7lXjyhezpBQtOX64HdIFOgPG6MeF5-PJpLrMisyg0RnpfM6JS33DCQlb0olOvmqL_9YF2eKkSVpLnlUKuxXCBZjo3__03b5VyvpYL8D0Ja-1KxnxuRUCSsB33-AOosM_2Lk83ZAJ9erLaUmOTc1ielvNW9ERKyr2O_W6hikyXT8G0cRwzJ0IgcA0OcneJmDsd-ONRn7Xi1htjEZlArCCxZJwYRBJID3FViYWljWdXhn3ixYa_98VFdv8-qZ8TXexe-eFd80zY5yTYZ6keArY1PUnXehkXV9LxeW68TLODwbZ6agdOL9MuC7JbWqvbWDYWEMFkVkjRED_6E_UDMk8o22CMtUoRIGAsa_RcFqtEQyG5k40Rv9xxUAoqPcLJgGHRLy4a7EprVok3l4=w640-h480-no
播了兩首歌： Feelings 及 鬼太鼓
Xhadow 那對線音色場面寬闊個後者， 高音細緻並散發著整個空間， 人聲兩者差不多。 KLE的低頻會厚實一些。 整體而言， Xhadow 屬清甜， KLE屬厚實但略收歛。。
勝出線： Xhadow／Duelund silver oil cotton／dead soft copper
這個結果並不太意外， 因為Xhadow同 KLE頭質素有一定距離； 但 Neotech silver gold 線又貴過 Duelund 26 awg oil cotton 線好多。 似乎頭的質素緊要過線本身？ 有機會要將 KLE頭換上其他頭再來挑戰先得{:1_330:} 。
跟住要出動貴價（對小弟而言）古河+ Neotech UPOCC 信號線啦。
https://lh3.googleusercontent.com/tiDbGRxPQgJ5Mqy1hkG99nd5iJ4CyaYQKzVtkcnWMTqErKPpg7eXJGbWeym7OV9Fr4UIow5040qNcmRQ1iD0G_Dpl7ksh6gt6b30tKOOfYNajYBL62RtMt0xrbMCk3wRuuEp61J-QsSH-G41dQjlzoQzABLQIttuytV1qEbCKPv4qzp1kC6iuz9BYmS-BI4nayWSED6hszTZy6Zzuspab24-AAvLHrzmMirWiDm5_76d0mbrORREW2tQ12ablLK8qopkT5V47W39kQ7VJMyPulwXNwwCzwubC4sQcDfKV8qbmKv9AtHYiMoKActX4EcuK1vbMhlVZHp8InLKdBgLIzJ4PT0rLHKBgeJP7SGJFxqCfrMRD-WbMAAyhrDi9XQ7Q7-Krk3_QR6uQHrZLp-xlaZx2muBfVdhZAa0JJ91edEg0YhIj_MfxlOSutnxvv-eJNn7Yu90NAK4bbz-yoSyvuJ2bqYd9ruPhwIaf1y1Bo8uCy_Wxuw7KRy0giP-SEEQ6El4uXrKw13PvrM1XxwYT4oFxqVaasTU3yGLGwGivT8Hua1IPdpkUV-TqWdY8MenSRWDw_NiZS87Z8vJWgOvttVjgYUA-tQFds5D0jQ=w640-h480-no
這對古河／Neotech音色比較利， 價錢高但佔不到甜頭， 好快比小弟打入冷宮， 間唔中出嚟登下場。 唔知係咪前級有改進等因素， 今次發覺佢D聲似銅線多D， 厚聲場面大， 會覺得比Xhadow更傾前， 多d 肉質。Feelings 及鬼太鼓播完意猶未盡， 再播埋骷顱之舞比較先至分出勝負： 就係Xhadow繼續皇位{:1_253:}因為佢 高音擴散D，氣氛熱鬧D， 活潑D，更討好！其實去到這個level 嘅線， 彼此的分析力應該差不多， 只係出到乜嘢聲， 吸唔吸引 。 一比之下， 無所遁形。
再揀了三對線： 紫銅抹油電池線 ，cheap cheap 漆皮 線及 Wire WorldAurora 電線拆骨之RCA線， 睇下佢哋同Xhadow 差幾遠先。。。。
紫銅抹油電池線
嘩， 差D Xhadow 皇位不保！
https://lh3.googleusercontent.com/MjcHHLz7-AyMgupz1xp3JnlR3qXJ1hm8VNzGFuXPPEm4-95YLX9V_TB0DvQR9U7kgjH_phbRh9ZSN0JxnzO89qdj8KFexTJUDA-DbUpPQWRd-Vks456lSB5sQgfV9ZUJh9eTmwxCHDM0dD6uUuLOJRoZoecP3UA1QOLcZvF5p-Dt_kKU71mkOgqAU2isvOeZ3j-v0YO-1h8gpNd5CV_Pf_UDEFM5Et5iAl22W3zWlraruOf5gKcX4NJj0ib3f2Z95sBHydEcDT24ssmftpfI-4XjZAA7A6NNJf11GkLh-1XhGH6-L25DeNmTgUHWuJiTvwN6ACb133qHDMk7XuFxB9grdofxSPgQKmrYRObzCmHnVLpNAnSGxKPdgYav2xw0j2ZDIyxvH7yIu6o2xwL62zCMU2oVMnsfv4H1AmmqOP820Sn79WDNf8H7rr2Im_pn2HKkB_CfI9lIj2v8zQb8IrtMY3uj8xI0KiMmdPCNzxuS_DeTJ6MPeipAqe7mBr-5T6Yq3u0MBLgy_nxMGzsLZzueGonVDuNdBEEVsymZ461vFksD283GhYqXc6dDVP7cXD3tmvueip6vZaZnpFbWWHBdpJrAlYI1pN0xZ70=w640-h480-no
紫銅抹油電池線 （紫銅幼身線繞著棉繩， 線身抹mineral oil + 1877 頭， 包銅箔接電池） 播骷顱之舞非常動感有力， 肉地堅實， 空間層次優異， 只係在高頻方面未及Xhadow。演奏中間有段三角鈴聲由遠至近， 細聲漸變大聲， Xhadow會輕易出到那音效， 反之紫銅的高頻較暗少少， 沒有那種飄逸。 到播Belfonte 現場錄音 Sylvia 同 Jamaca Fairwell， 紫銅人聲極之有氣力， 真， 背後觀眾的咳聲都咳得有力D咁， 未去聽Xhadow的話， 也不敢判定結果.人聲方面， Xhadow 會柔DD (相對紫銅則較"衡"）。 背景演奏／觀眾雜聲會清DD （只係DD）， 又係靠韻味同點數猜贏！ 紫銅抹油電池線根據其價錢及出色表現， 肯定會被小弟繼續keep住{:1_245:}
Cheap Cheap 漆皮線／cheap cheap RCA頭
https://lh3.googleusercontent.com/3B8RZrp5xeNlZahc8RNXhRJ5XLjBc-DsnTq7so9OyAdwpL2n8t36Rrz8zw5zsrCNRGhxcBcvWZi_gQcmydZXSXxkdo53RypdLfO5-qKUpZFYpKQr4IfqsKmkddXspjTvMTISBw1GAD0O3FZHmvj7hE4E2FynObLskVSashTvRZBNIajAQ6P9Vu0YI5NoDGsibPrqULHsdYdOGanKygquDs8vj8Eu7NE-aT3lng_K1V7HSKSeBKs4QtQPK81zKPUSq6JQVd6SvStXFtjoWpwLshrdqw7zQVqbCgkTMLOkhVElnRcgDnHIcgsDMCCUr0uihrKmg1friG6K0xoA_JdDVWXPkt49uEwEESmU1MEfDyuiYxbjjnGpxGKKTOY6Ci-Ofa3wKja3U1tgzpzPkNqjfJ6DSwC_fgCffu7YBVtqE19mUdj2R02O5JkTLZHkGPngnSMWEKN7GkOFTNHScXaQ70k22Q7uZQ3QH3qThGzS6BKrFgBZ4e-nv4FcpCZaxfnrcNiyq3eqRZaS2qFhh0yLfWmts2hOrCbBYv3ahmN6QQtxnnrnxZooGJ7seKaMgitFKw3Z1gT_bMTIlfxm9RQPSMKFeC1o3mB0_T6wzQM=w321-h241-no
這對初初學人整線的線， 如無記錯， 是來自當年流行的 28／30 awg 漆皮線兩線平衡地貼係封箱膠紙的線。當時聲效驚人， 小弟也覺得。 只係實在D料太雞， 崇尚貴料心作祟， 一早被放入冷宮， 不聞不問。 今次也是好奇才找出來湊熱鬧。 佢真係好得， 同Xhadow所差的只係韻味，同埋層次立體差少少，Xhadow出到的音符， cheap cheap 線並不缺乏。 但小弟相信好少人會用此cheap線配貴頭也。
Cheap頭做工欠佳， 一邊非常緊， 差D入唔到， 另一邊好鬆。。。
https://lh3.googleusercontent.com/8ce3KN-3XC7Dfnjn06vk2I9u0oNLIDl3EXLQYVXM5-vyYRxRYd_6JPxNikoYJafVyl0OOpD-o-dhINoZk_GDbAJh3fNKQ7L-Iy1j-5Ed1M8XVxkzP4cw0JoSeoFntm19VjHiXX5Pe9n5ERRujwXFj4FpBFlNbE_vONTwwQmTNPNjUD8PIriMrZ-Gh0mulq-v0JP7Rp7h5YSblckBj0iuHPU0pugGrRpWtxgKlUaM-SH5N53cm5ESzlQB5ZW-_4W5ZLlEy6JfCm_sAH4FseaAebUD6nUqcfZGIzQ-0hkGA1s-F26zQ8u7eHLc-1YAjQjJgY9CPSGC62VubxJYgiamCYIKY7Ep9PkA7oeWV6k3gFSTe9rbZO-UwamBZyQ429itkxw-A5PzIQWR68quWlWct0jOC-fCSrSY5ASCC0E4Qyil8Pd3IBkmzbz8vA7VMBxDZx_nYYdc4ZPP57hNn_Nqxk2dCR8PE0CWyqa-4gwmzwS4anYzej1VRAdP64GMv_i4aGA5x03Mwxn4d8VFFCRKrqiEnlnACR6ZV-jUFpTHUdF8gGIj9CdnTGwR1uvTPiZ4cpkKNccEpfTAozJgcwD9HFfWmbbSheUwW3Bz5LY=w321-h241-no
Wire WorldAurora 電線拆骨之RCA線
https://lh3.googleusercontent.com/VANG_q5kjGsJzqSJXhyNgi2b-0kKIJ214q4MxUjK-5ilUzmSA0gbfKTwjMNgd8SzLxu3K2_jEDcUBVhDIFhhIe42Zka58PMw-FauGlG8E4p-PY2EFZNPMZmf5qiHqGoJLStvmDGLswdg0WYK0uOgtt3ebx-t4z5XrI0ZxKRHxXqkkT8dCFmgJ4BvmoqvlLmFohg_SproVuOU1mBiKIpHI6H40VXu1NxVfmFehxVtXSrl0IFWnG1LowFx3PnDneJiNaD34FruUIXlytcRbR_Ps2zLZ5aGdjSJFwO2E7o48Lvx2dQq8pBlA4nRawn0tp1YYVLMrw3noa4iFAxhsQvnv_KDHaP2PgP98JvSYK4C7fhxXhP0iJMWh2ABAkEojjhZisTLRlAeiMLVkLFoPNfzCVlPRobYRCpI6kZ6DGC_IHu1BHUWQoinAyvvp1v8o75ienteYmjq4zBwrig5iM5gDn8zi7INJFJJ4HtKUgmGwOemRqiXZhWRcSwU-wiwkTFDlYbwgKSU7HqXO8M21MmLOLBNlXnmiMKH7_h9VbZQE77wkqnLfCVkOlIEWJDHXqryXnoSwXeoXyB2OBS_gtHbQwwvEIeBlI-YvIIDiWc=w321-h241-no
這對線完全係貪得意， 抽出Aurora 線整嚟玩下， 印象完全無。 播了半首骷顱之舞已可收工， 平板呆滯， 可以掉得。
各位正好夢正酣之際， 小弟的新貴ETI／Mundorf／OCC helix 已向 霸主 挑戰{:1_253:}
霸主：
https://post76.hk/data/attachment/forum/201805/17/123200lgz30l0nzlz8t0nn.jpg
挑戰者：
https://post76.hk/data/attachment/forum/201806/24/130116f5aavvfux5055lnp.jpg
今次猜成點？兩對線先後試同一首音樂， 包括 蔡琴機遇， 舟山鑼鼓， 四季夏天第六樂章及 Messiah 第二CD 第六track。
機遇：
小女有彈鋼琴， 所以對其尾音殘響有些印象： Duelund 在這方面響過Mundorf 頗多，（而Mundorf 的琴音則柔些少） 琴聲清脆利落； 蔡琴的換氣聲同 Mundorf 不相伯仲。 Mundorf 琴伴奏與蔡琴好似距離會比Duelund 離開少少。
舟山鑼鼓：
兩者聽不出大分別。
四季：
好玩啦！ 本來先聽Duelund， 跟住聽Mundorf， 聽後者時發覺開始樂章的右邊有微弱的琴聲而係Duelund 好似唔多覺， 於是要再聽Deulund去求證， 結果是Duelund 的琴聲清楚過Mundorf！這首小提琴音樂Duelund 會明顯較活兼有暗勁。
Messiah：
Mundorf 所出的管風琴潛得低（拉長）及較豐滿， 女聲斯文D； Duelund 的女聲則响少少。 拉開話題： 近來不時係Youtube 睇演奏（包括自己有的CD音樂）， 對於樂器及其位置有所認識， 到自己聽番CD時會有image及投入好多。 最開心的是套機的改進會使到舞台感加強， 聽得更有感情{:1_245:}
猜皇帝的結果： Duelund 係主， 請Mundorf 作客 寄居， 隨時候命填補{:1_330:}
Alman 發表於 2018-7-1 04:55
各位正好夢正酣之際， 小弟的新貴ETI／Mundorf／OCC helix 已向 霸主 挑戰
霸主：
Alman兄，條Mundorf是用ETI 新設計copper 頭，是否插頭的分別呢？如大家用同一樣插頭結果可能不一樣
KKU 發表於 2018-7-1 15:23
Alman兄，條Mundorf是用ETI 新設計copper 頭，是否插頭的分別呢？如大家用同一樣插頭結果可能不一樣
...
甚有可能。 小弟仲有對Xhadow頭， 第日移花接木一試便知。{:1_245:}
本帖最後由 Alman 於 2018-12-31 04:15 編輯
今日邀請了那位在另一貼提到給小弟介木塊的退休加拿大人到舍下聽音樂， 並請他指出所聽的線的印象為何。 以前年輕時他是音樂迷， 聽黑膠， rock／country music。 所聽的線如下：
猜皇帝的長勝將軍： Silver Bullet + 打孖Neotech 28 awg UPOCC silver + 打孖VH Audio Airllock OCC copper + copper foil wrapped 電池線
https://post76.hk/data/attachment/forum/201805/08/111725nd48jjr8zj7y283w.jpg
上： Xhadow +Duelund 26 awg 棉油silver wire （+）+ 二條24 awg soft dead copper helix 線； 下： 新整Xhadow + silver foil+ helix 14 awg Romex 單枝銅
https://apis.mail.yahoo.com/ws/v3/mailboxes/@.id==VjN-RpSM0wJXWIbK2fm5Gi03Kp0OMbHIsCXrEbd2cRESFh2mGqwoIA5jp1AZog3Ef8l1Zq0yzniFq-jPvJNlJErqJQ/messages/@.id==AEg5bPxq7LUfXCf-cAfAYIuqP7U/content/parts/@.id==2/thumbnail?appId=YMailNorrin&downloadWhenThumbnailFails=true&pid=2
期間他好有興趣詢問有關機後 嘅ground box， BGT 等大堆物。 今次所聽的主要是人聲， 例如The Beatles， Don Mcclean Vincent， Eagles 及 Elten John。 各位估下佢最欣賞那對？暫時唔開估， 但佢嘅反應使小弟重燃猜皇帝這玩意。。。。。stay tuned{:1_253:}
本帖最後由 Alman 於 2018-12-31 06:07 編輯
三對線猜皇帝{:1_330:}
上貼提到邀請了位加拿大人聽歌， 開始時用的是 新整silver foil helix （GG前級去amp）， 聽了幾首後播Vincent， 聽畢改插Silver Bullet Neotech 聽同一首歌， 他立刻說： This is more clearer！。 之後再換上Duelund 油棉線， 似乎佢對 銀子彈最有印象， 並稱估唔到RCA線會有如此大分別.這正是小弟請他來的目的： 小弟可能太習慣了它們的聲音而失去客觀。 正需要新耳仔， 新感覺{:1_245:} 。事後小弟再聽Silver Bullet ， 發覺音樂的質感是其強項， 但印象中其餘兩對線亦唔差， 於是再繼續猜皇帝。 過程同以往一樣， 全部插 前級 － 後級， 播同一首歌， 即時換上下一條比較， 餘類推。volume 全部set 係 一點鐘位置。
所用CDs ：
https://apis.mail.yahoo.com/ws/v3/mailboxes/@.id==VjN-RpSM0wJXWIbK2fm5Gi03Kp0OMbHIsCXrEbd2cRESFh2mGqwoIA5jp1AZog3Ef8l1Zq0yzniFq-jPvJNlJErqJQ/messages/@.id==AGWcMWwEBqVrXCj8rw5vUFYjdbY/content/parts/@.id==3/thumbnail?appId=YMailNorrin&downloadWhenThumbnailFails=true&pid=3
第一首： 蔡琴機遇
Silver Bullet Neotech 先出場， 琴音豐碩， 泛音非常豐富兼響， 有股暗勁， 人聲絕對ok。 跟住到Xhadow Duelund。 這兩條線以前亦比較過， 打成平手。 但今次Duelund 高音偏柔， 琴聲無咁響， 餘韻冇咁長，音壓細DD。 不用多說， 係Neotech 吸引過Duelund。 到 silver foil 出場， 琴聲響度 接近Neotech， 但尾聲一樣無 佢咁響， 人聲好似無Neotech咁有肉。
第二首 ： Vincent
真係想知加拿大人聽到什麼而即使作出判斷。 今次是 silver foil 先播， 整體音場開放， 人聲唔屬厚聲， 結他好清晰， 小提琴伴奏亦有線條， 但背後電子音樂伴奏唔算清晰（舊錄音也， 但可作為標準， 睇下其餘兩對出聲成點）。 接著Neotech 上陣， 好快小弟明白了： 人聲有份量， 結他有肉， 整體有能量感 （silver foil 則輕飄感）。Duelund 則介乎兩者中間， 如唔同Neotech 比較， 已收貨極之有餘。 講返背後電子音樂， 大家都係差唔多。
第三首： 貝多芬第九現場錄音第四樂章
開首的幾下鼓聲， 跟住的低音大提琴聲， 背後觀眾的微弱咳聲／雜聲真係考分析力的高低。 今次按次序由Duelund 先露兩手， silver foil 到Neotech.silver foil 同 Neotech 的鼓聲同樣
有力度，但 Neotech 的密度會高D尾音長D， 有impact。 低音大提琴拉奏的摩擦聲下潛力兩者好過Duelund。 觀眾的咳聲就以Neotech 最solid。 今次一提的是當中觀眾的兩下連續咳聲三條線都出喺中間偏左， 同未換GG前級volume 時的喺正中間明顯唔同咗。 想是DACT volume 制之效也{:1_352:}
第四首： 挪亞方舟第五cut：
這隻錄音極之豐富： 鼓聲， 低頻下潛， 人聲， 舞台感， 三角鈴高音等等就算無料嘅線都見得下人。 問題係出唔出到線條，定位sharp 唔sharp， 合唱時亂唔亂。 Neotech 海底撈月， 殺埋其餘兩對線？ Neotech 同 Silver foil一出的大鼓聲係authentic，只係Silver foil 低音會柔D。 Duelund 則低頻少佐份量。Neotech 整體線條清清楚楚，其中 左邊有連續一下下細細聲的鼓聲吸引了小弟的注意， 於是留意其餘兩對出成點， 就係佢哋無佢咁清晰（播時唔多覺）！尾段有連續的三角鈴聲由右至左， Neotech 播到塌塌掂， 其餘兩對都差唔多。 至於尾嗰段人聲（男人及細路聲），silver foil 的人聲較前。 換氣聲三線全部都出到。
小弟判Silver Bullet／Neotech 較具質感（more appealing）及音色較全面而猜贏皇帝，Silver foil 長於大棚音樂； 而Duelund似乎身子較弱而包尾。 值得留意的是後兩者同用Xhadow RCA頭， 同是 helix， 但兩者正極及 helix 線的 awg 有頗大差異。 Duelund 的正是 26 awg， silver foil 是 16 － 18 awg， Duelund 的負是 21 awg， silver foil 的 是 14 awg。如是觀之， 正負極用大D 可能更有效果。最近小弟看過一些有關cables 的學術文章，比較了後， 指出訊號的損失與線的直徑（DC resistance）及正負極線的距離 （inductance）有關 ，電容方面反而沒有怎樣提及。不過， 以前嘅人凡是整信號線首要考慮的會是電容， 真係令小弟混亂了。 點都好， helix線的經驗是可以不用墨守成規， 任意而行{:1_262:}
然而， 小弟始終不解silver bullet 加 Neotech UPOCC silver 能夠好聲之謎， 可能要歸功於那電池了{:1_245:} 。 小弟最愛求真， 盤算把手頭嘅 28 awg Neotech UPOCC silver 加上 helix單枝Neotech 14 awg UPOCC copper 加埋 KEI Absolute Silver頭 組合， 會否殺低Silver Bullet /Neotech。。。。。
小弟假期將完， 要請各位再stay tuned 了{:1_343:}
