本帖最後由 fishbone8822 於 2018-4-28 22:09 編輯
<分享> ATI AT-528nc 8ch 8*200w Class D 後級 初步用家報告
前言...想當日點解想買這後級? 原因想找一部失真度低, 唔好咁熱, 交少D電費, 唔好咁大部, 控制力夠, 推動力夠用就可以, 一心只用來推後置同天花哥8隻, 如事者搵不少資料發現, 原來法國 Trinnov有部8ch後級
http://www.iavlife.com/23768.html
雖然是Class D(現在很多大廠崇上大音壓的影院後級都轉晒Class D), 但用回傳統LPS 供電, 睇到D用料已留晒口水..再睇個價....頂...平民點買? 再搵下資料發現原來這部法國後級是找美國ATI 代工生產...竟然同ATI 528NC內容是一樣(但平法國n倍), Made in USA , 所以小骨就在澳門小圈群吹雞..六位死仕即時成團~~
經過2個月的時間終於美國直接付運到手...
開箱先看說明書發現有包240v AC Fuse Kit, 內有一條240v 12.5a Fuse, 建議220~240v地區的用戶更換
(大家其中一個關心的問題, 這機是國際電壓, 自動110v~250v 的, 所以正式到手即插即用)
還跟一條20A 美式電源線(但在我家是錯了相位..所以需要換插頭轉相, 又洗多2舊水), 及一條12v Trigger Cable
好, 正式插電, 先當為2ch 後級播下歌仔聽聽聲底, 就和一部krell Class AB合併機作比較
發現時代真的在進步...這步ATI Class D 聲音相當圓滑, 不燥不炒, 高頻乾爽已不刺耳, 低頻是驚喜位
量夠迫力好, 控制力優秀, 不肥不淋爽爽爽(Damping Factor >5000果然係有料到)
不過.....播人聲播古典...對比Krell, 還是Class AB 聲音較有肉地, 感染力, 感情, 前中後音場結像, Layer也較ATI好
整體上ATI 528NC唔會薄聲又唔會特別厚, 平平淡淡, 聲音兩極延伸理想, 動態也理想, 爽朗自然, 就是欠缺一點人情味 (可能新機未煲好也有關係)
之後再試睇戲, 用盡8ch 推4隻後置及4隻天花, 其中試近期大熱槍戰片(Den of Thieves), 後置哥D子彈殼聲..金屬撞擊聲, 開槍後的回音...停留係空氣的感覺...好過癮, 越大越有feel...速度/反應/聲音的密度...激進得來唔炒唔辛苦好享受, 之前用的Crown CT系列係完全比唔到(價錢已反映)
由於新開箱只試左十多小時...機又未煲好..設定又未做好(因仲有一件玩具剛到手...一起才重新設定)
初步總結: 依個價錢有依個聲音的"質素" 喜出望外...如果對音質有要求大於推力, 這部機可以一試
要求好力好爆好抽還是諗某品牌 8*300w/ 8*600w 後級, 又或者直上ATI 544nc 4*500w
**********網上吹噓風氣嚴重，請勿胡亂跟風**********
請不要PM小骨問點買邊度買? 因6位死仕只辦一團
真的想買? 去亞馬信幫到你...已有位kenamd師兄成功係亞馬信"單件"買回來連空運到手大約HKD33~34k
請不要隨波逐流, 我也重末試過ATI 產品, 請不要盲目相信,
當中不排除有人飲大，或對自己系統有強烈幻覺或者幻聽現象！{:6_154:}
睇到流晒口水。。。。。。。。
uchifong 發表於 2018-4-28 23:03
睇到流晒口水。。。。。。。。
網上吹噓風氣嚴重，請勿胡亂流口水{:6_148:}
流哂口水，子彈變大砲{:8_362:}{:8_362:}
不要信上述所為的分享
MartinTong 發表於 2018-5-7 22:42
不要信上述所為的分享
我都覺..好明顯係有利益輸送...{:6_164:}
放題..放題..放題{:6_128:} {:6_128:}
fishbone8822 發表於 2018-5-7 22:46
我都覺..好明顯係有利益輸送...
放題..放題..放題
我冇買但都有得食，{:6_134:}
Ep-71 發表於 2018-5-8 02:09
我冇買但都有得食，
酒肉事小, 誤信網上吹噓事大, 只怪本人沒有去聽清楚誤信網友之言
speaker大食, 先會用Crown, 要低失真power amp, 唔會諗佢.
