GT2000 發表於 2018-5-8 18:35
請問 "地庫" 是否旺角電腦中心附近呢?
應該係徳發 M.A.
SubaruBRZ 發表於 2018-5-8 19:06
應該係徳發 M.A.
Thx Bro.
新手初燒，睇左幾頁， 唔該幾位CHING 分享，唔洗再焗行友誠果幾層了
幾十年前啲影音鋪仲喺西洋菜街地舖嘅時候已經係咁，幾十年都冇變過! 話說小弟80年代，十三、四嘅時候，死慳死抵儲蓄咗一千蚊諗住買個唱盤, 開曬單畀曬錢佢先至同我講個唱盤要另外買個火牛， 嗰陣時真係得一千蚊多哟啲喺身，冇錢再買個火牛，跟住就係出最興嗰招，錢就冇得退換過第二隻貨，第二隻貨就梗係嗰啲正常價賣
WaiManChung@FB 發表於 2018-5-9 18:43
幾十年前啲影音鋪仲喺西洋菜街地舖嘅時候已經係咁，幾十年都冇變過! 話說小弟80年代，十三、四嘅時候，死慳 ...
幾十年前啲影音鋪仲喺西洋菜街地舖嘅時候已經係咁，幾十年都冇變過! 話說小弟80年代，十三、四歲嘅時候，死慳死抵儲蓄咗一千蚊諗住買個唱盤, 開曬單畀曬錢佢先至同我講個唱盤要另外買個火牛， 嗰陣時真係得一千蚊多哟啲喺身，冇錢再買個火牛，跟住就係出最興嗰招，錢就冇得退換過第二隻貨，第二隻貨就梗係嗰啲正常價賣五、六佰蚊，就話高啲仟一二蚊，折實$998俾你啦……，靚仔唔識嘢咁就比人昆咗嘞!
本帖最後由 maxyeung 於 2018-5-10 18:24 編輯
我都中過招，大約89, 90年左右，又係慳過X 剩成千蛟誌住買部SONY WALKMAN 有得收TV UHF 果隻，佢要我先俾錢後試貨。收左我錢之後俾部MEGA BASS 磚頭我，仲落閘響朵，同我講一係就要, 一係就出唔到個門口，雖然當年本身我都有"背景" ，不過無奈之下順下佢意收左磚頭就走人。從此，我學識左D野，買咩都唔會俾錢先見貨，同埋問野要有動機唔好太廣泛，到而家去邊買野都好順利，未遇過任何黑對待，我明白果D SALES 最憎唔係你窮，係憎你有幾個臭錢就阿之阿佐，道明來意講明，我預算幾舊水想買個7.14 AMP，你有咩心水呢? 對方通常受落，再講句: 我未決定就唔想試機喇, 怕麻煩你啦，個SALE 見你咁有同情心就會心頭一曖駁一兩部你FEEL 下。不過 "有冇得再平D" 呢句野我極少講，唔0岩價自然唔揀，人地做生意賺下錢好正常。我唔會介意佢地態度唔太好，我又唔係佢地老細，不過唔0岩咀型就各行各路，互不相欠~
十年如一日，話人會個sales還健在，就知去有料、有背景喇！
早十日上去阿二, 試聽兩部麥仔, 都幾好招呼!
