一至五萬 Dolby Atmos 組合建議
各位Ching, 請教下Dolby Atmos 點組合,個預算大約一萬至五萬, 因為第一次玩影音野,所以預算唔多, 如果一萬蚊soundbar可以搞掂CP 值都唔錯,咁一條過Soundbar 都得, 但如果三至五萬玩組合到有CP值唔錯都可以接受. 唯一要求就係要Wireless Rear Surround Speaker(唔想拉線)
個廳大約350呎, 樓底有5米高,
方案一 : SoundBar
我有睇過Soundbar,有Sony HT-ST5000 ,Philips Fidelio Soundbar B8 , Yamaha YSP5600 or Samsung Atmos HW-K950 ??? , 我想問下效果如何, 個樓底會唔會太高令佢反射效果變得好差? 同埋夠力嗎?
方案二: 3.1.2
因為主要考慮係唔想鑽牆, 拉線太大工程, 所以有睇過Pioneer VSX-832 我想問下, 3.1.2 果效果如何, 係咪前置中置SUB 加多兩隻Atmos Enabled Speaker 就可以.
Klipsch RP 3.12 set+ Onkyo TX-NR676E 如何?
方案三: 5.1.2
我想問下, 後置果兩隻係技術上可唔可以用Transmitter 同Receiver 令佢後置Surround 果2隻Speakers 用wireless 輸出, 我唔介意係後邊有電源, 最主要唔想拉Speaker線. 如果可以做到, 請各位推介一些AMP, Speakers 同Transmitter, 因為小弟真係入門一D 頭緒都無.
如果有更好方案請大家多多俾意見, 我知道自己好多要求, 預算又唔算多, 但係都希望Ching 們可以幫幫細佬. Thanks! 你有呢個玩影音嘅地方好多人夢寐以求 但你諗幾個方案都唔實際 好老實講咗浪費咗個場 小小Pat 發表於 2018-4-3 07:45
你有呢個玩影音嘅地方好多人夢寐以求 但你諗幾個方案都唔實際 好老實講咗浪費咗個場 ...
就係因為唔係好識先上黎問下各位專業玩家意見, 我寫果幾個so call方案, 都係想係自己有限知識下諗出黎, 我唔想好似俾人覺我有咩都無睇過姐. 可以唔洗跟任何一個. 五萬內唔係問題， 要無線就真係難搞， 唔會搞唔倒，搞出黎音質要犧牲，又好似。。。
其實樓主係偏向一定要方便好睇定要好效果？
如果比我選迫不得意就唯有方案三， 您空間咁大，唔好soundbar,3.1.2 都未必cover得哂， 無surround 包圍感會差好多， 空nelnel咁。
樓主有無相或者平面圖多d資料可以參考下？ adhdwonderkid 發表於 2018-4-3 08:09
就係因為唔係好識先上黎問下各位專業玩家意見, 我寫果幾個so call方案, 都係想係自己有限知識下諗出黎,...
有做功課係好，但係350呎嘅清真係唔係玩你講呢啲㗎。同埋唔拉線鑽牆，好難玩得好。 個廳大約350呎, 樓底有5米高{:6_200:} {:6_200:} {:6_200:} .....................投資好似少咗D SonSon 發表於 2018-4-3 09:55
個廳大約350呎, 樓底有5米高 .....................投資好似少咗D ...
五萬我有信心搞到套見得下人，反而唔拉線唔鑽牆先有難度…{:1_333:} 小小Pat 發表於 2018-4-3 10:04
五萬我有信心搞到套見得下人，反而唔拉線唔鑽牆先有難度…
其實要睇吓樓主要求有幾高一話只求有聲出?? 重有係唔係會用盡350呎範圍?? 其實樓主岩岩玩影音, 冇可能一來就大投資的, 大家幫手照顧一下新朋友仔, 比多D意見係佢可以投資得到的範圍內, 佢同佢家人玩過覺得好玩之後, 又點會唔升級呢????{:6_143:}
其實玩咩都係, 大家岩岩開始, 都一定係會小試牛刀, 正如玩車, 大家都係玩日本車先, 好小可一來就積架, 法拉你呢~{:6_128:} 方案一 : SoundBar
我有睇過Soundbar,有Sony HT-ST5000 ,Philips Fidelio Soundbar B8 , Yamaha YSP5600 or Samsung Atmos HW-K950 ??? , 我想問下效果如何, 個樓底會唔會太高令佢反射效果變得好差? 同埋夠力嗎?
樓底5米即係都有成 15尺, 好高下, 玩SOUNDBAR一來天花太高, 二來350尺地方都大, 玩 ATMOS的SOUNDBAR唔係唔得, 其實都可以, 不過天花果PART就可能唔會好覺有好大效果呢~
方案二: 3.1.2
因為主要考慮係唔想鑽牆, 拉線太大工程, 所以有睇過Pioneer VSX-832 我想問下, 3.1.2 果效果如何, 係咪前置中置SUB 加多兩隻Atmos Enabled Speaker 就可以.
Klipsch RP 3.12 set+ Onkyo TX-NR676E 如何?
又係天花問題, 因為太高, ENABLED 喇叭都有佢既高度限制, 以下圖片就係我地之前做二集ATMOS專題時的影片, 可以比你參考一下呢!!!
sujPEnqAEwQ
方案三: 5.1.2
我想問下, 後置果兩隻係技術上可唔可以用Transmitter 同Receiver 令佢後置Surround 果2隻Speakers 用wireless 輸出, 我唔介意係後邊有電源, 最主要唔想拉Speaker線. 如果可以做到, 請各位推介一些AMP, Speakers 同Transmitter, 因為小弟真係入門一D 頭緒都無.
無線後置喇叭好似KEF出過, 不過真係唔係好記得, 另外依家天龍都出左一個系列叫 HEOS , 就係FOR呢D唔洗拉線的AV友玩的, 不過詳情我都未知應該點玩, 黎緊可能月中會有個活動會有玩呢個系統, 如果唔急的話, 可以等一等, 如果成事, 應該今個星期會有活動報名帖出現的!!!