《打死不離歌星夢》 阿米爾汗... 估你唔到既好創意...
本帖最後由 alleelarry 於 2018-4-4 20:19 編輯印度首席巨星阿米爾汗(Aamir Khan)再創Bollywood年度NO.1票房，笑中帶淚感動全球！繼《打死不離3父女》再夥拍新生代女星薩伊拉華森，攜手打造全球3大最賣座印度電影，榮獲印度電影大獎4項大獎包括最佳新進導演及女配角。生於小鎮的14歲印度少女欣兒 (薩伊拉華森 飾)，天生一副好嗓子，夢想成為歌手。雖然專橫殘暴的父親反對，幸得母親暗中賣掉唯一的金鏈，為欣兒買了一台電腦，讓她發現網路上更廣闊的舞臺。欣兒以「神秘巨星」之名上載幪面自彈自唱的原創歌曲到YouTube，豈料瞬即爆紅，惹來音樂巨星沙塵(阿米爾汗 飾)力捧。當欣兒逐步邁向夢想，卻醒覺最想得到的並不是一尊新人獎……
下午睇完優先場, 真係好值得一睇再睇..
由打死不離3兄弟睇到呢套戲為止, 無可厚非阿米爾汗真係好勁, 亦睇得出佢為印度真係好出力, 希望真係改變到呢個國家傳統無謂思想啦...
電影內容跟戲名一樣以唱歌為主題, 當中有好多印度國家, 甚至做人既問題都一一道出
基於真係一套好戲既關係, 相信講到呢度就夠LA, 因為一講就會戲透晒, 希望大家入場多多支持呢類買小見小既好戲.
呢套真係唔錯, 值得推薦 睇咗，估你唔到原來個大橋係粵語殘片格局，趕上國際女權主義電影風潮⋯⋯
不過都ok好睇，Aamir Khan的確係有料到{:6_193:} 本帖最後由 正宗球迷 於 2018-4-14 23:31 編輯
印度劉華有份出場既位就係笑位, 呢部戲好欣賞佢唔係做骨幹, 係做男配同製作人, 戲份佔好少.
故事橋幾老舊,但係有溫情位, 阿婆講出真相教訓insia個段, 連阿婆自己都自白左印度文化, 女權可以幾低, 完全同開場擺款要女主角奉茶係兩回事.
反而最尾, 女歌手點解會咁做?? 我諗唔通. 又唔係有惺惺相惜, 又唔係劉華曾經唔比佢發圍. 如果我冇睇漏而係專登咁做, 太刻意要有完夢.
同樓主睇法一樣,都係由三傻(即係三兄弟)開始睇khan, 佢拍既戲係有想打破傳統印度文化既意識, 同時睇到佢用電影想將世界文化差異拉近,
已經係唔係佢咁既年紀,外貌唔似咁簡單.
有套叫地球上的星星 (Taare Zameen Par). 07年既戲, khan在港紅左後好似有上過, 當時未有睇, 好似都係唔錯既片
正宗球迷 發表於 2018-4-14 23:18
印度劉華有份出場既位就係笑位, 呢部戲好欣賞佢唔係做骨幹, 係做男配同製作人, 戲份佔好少.
故事橋幾老舊, ...
最尾嗰度就做戲咁做LA, 其實無所謂.
不過如果諗真D, 今時今日都網絡化晒, 要走紅得黎又受歡迎, 真係自彈自唱POST上網, 得到既真正支持點都真實過傳統既唱手...
Hon 發表於 2018-4-15 08:29
最尾嗰度就做戲咁做LA, 其實無所謂.
不過如果諗真D, 今時今日都網絡化晒, 要走紅得黎又受歡迎, 真係自彈 ...
既然要完夢, 個尾不如用老套方法,直接比佢, 好過咁樣唔太合邏輯黎比佢.
今日khan同warsim都黎左香港去太古城做宣傳,仲刻意搵劉華同khan同場,幾過癮.
幾部khan既戲,香港上映時間都比台灣慢近4個月, 發行安樂唔知點解安排要咁後, 有時台灣都出左碟.
香港有上個幾部Khan既戲, 係PK有UA發行, 其餘幾部都係安樂做, 江生班人買呢類片係有一手. 正宗球迷 發表於 2018-4-16 02:08
既然要完夢, 個尾不如用老套方法,直接比佢, 好過咁樣唔太合邏輯黎比佢.
今日khan同warsim都黎左香港去太 ...
某程度上電影係可以不合邏輯地去表達, 所以無咩所謂LA....
香港人要佢地入場睇戲已經好難, 係近年至好返D...D..., 再加上咁多英雄片出現, 就算買左套戲黎上畫都唔係即時做到. 本帖最後由 radhk 於 2018-4-24 22:28 編輯
0岩0岩睇0左, 唔錯, 都幾感人.
故事都係大路, 自己覺得三兄弟好睇D.
P.S. 都係由三兄弟套戲開始, 先開始認識Aamir Khan. 睇左x2，呢套算係呢年睇咁多套戲比較深刻既一套 呢個男角係咪打死不離兩父女果個？？？
頁:
[1]
2