MISSION LX-1試玩報告之小小分享
本帖最後由 kyleckl 於 2018-3-27 11:12 編輯首先，一定要多謝輝煌東哥借出及POST76各位的師兄/姊們的幫忙，先有試玩活動發生既{:6_162:}
最初收到電話通知可試玩，都有諗咗一陣，因為要保留原裝PACKING喺我窩居屋企{:6_156:} ，真係有D頭痕。
而且我每天可開機既真係好少(有小朋友既師兄應該好明白{:6_136:} )，
但難得被選中有咁既機會，即管同老婆傾一傾，又通過到。咁就梗係試佢一試啦！{:6_139:}
簡單開箱圖
個面網用磁石，裝拆都好方便
開呢個箱PACKING時，比到一種似曾相識既感覺我(之前開既Cyrus One)
先說明一下，小弟天生木耳，經過幾年經驗都係無咩進步，所以以下都係小弟既親身感受盡量咁表達出來，其實談不上什麼報告
經師兄提醒，要補充一句，以下對比係不公平、不平等、不同價錢級別的！(請自行判斷)
轉喇叭前，我再攞咗2,3套戲、演唱會、CD出來用JBL Studio 530 先聽一次先，
先講講小弟新手級器材(小弟既530到手大約都係2個月左右，其餘都喇叭超過1年了)
睇Bluray
OPPO 203 > Marantz SR5010 > (5.1.2) JBL Studio 530 ,520 ,Control X(4隻) , Velodyne CHT8Q
聽CD
OPPO 203 > Cayin iDac6 > Cyrus One >JBL Studio 530
先試Bluray，再聽歌，之後把JBL Studio 530換上MISSION LX-1(其餘沒有變動) ，然後CAL一次機再聽一轉
呢次先聽歌，再試Bluray，一聽無耐，心裡一個粗口字 跳出來，點解好似無咩分別咁既(唔那係呀！)
橫睇點睇都無理由無分別架！ 我好細心聽都好似無咩大分別(其實我深信係有分別，只係我木耳聽唔出，木耳一大證據)
我都有諗過Cyrus + Mission 係咪夾過 Cyrus + JBL 呢？話晒佢地之前好似同廠！所以令佢地既差距收窄咗。
到試Bluray，終於覺得有分別啦，我覺得連貫性無之前咁好(好似欠咗少少野咁)，同無咗一浸戲院既聲咁。
但唔代表LX-1唔好，佢音場、音樂感各方面絕對交到功課，同我在試聽會聽LX-2既感覺一樣，咁既價錢，比到咁既水準，真係抵用！
不過唔理咁多啦，無再換返530去聽，如是者，我就一直用LX-1 睇Netflix, Bluray, 聽Spotify ，盡量每日煲佢2小時(可惜係唔可以開大聲D D，因會比老虎{:6_124:} )
煲到3月中，先至換返我既 JBL530 再聽，咦....咁既....未完待續
下星期加埋LX-1總結再講！
本帖最後由 kyleckl 於 2018-3-28 11:15 編輯
繼續之前
聽咗LX1大約1個月後，再次換返JBL 530去聽時，分別明顯較大了，
聽歌時 音牆闊返，人聲亦比較清晰。
睇戲除了之前講過既連貫性，最主要係氣勢及氣氛營造力，係明顯唔同的！(咁係咪升級會容易聽到分別呢？{:6_141:} )
當然其他既喇叭都係JBL時，所以LX1夾入去明顯係無夾得咁好係明白既，但如果無A/B比較，咁應該唔明顯的。
或者係1套LX系列咁比較，就會公平一點！
講返LX1，試咗一輪後，雖然細細隻，但係我廳細細(不夠100呎)來講係表現係收貨有餘既。
佢比我感覺係，我會想介紹比自己身邊未買喇叭既朋友仔，讓他們知道玩AV/聽歌都唔一定要好貴用好多錢，而都可以有不錯既效果。
不過我覺得LX1細細做後置/天花應該會較好(Size只大過而家用緊既Control X少少)，前面都係返大隻D既Model啦！{:6_138:}
當然唔係講一定要買Mission啦，全世界咁多喇叭品牌，可以試多D、聽多D，唔同人有不同預算及空間，揀到啱自己既就得啦！
最後梗係要再次多謝 - 輝煌既東哥及其員工和POST76網各位手足啦！幫手發生咁令人愉快既賽果！{:6_174:}
謝謝收看！{:6_162:}
恭喜晒！ C hing 琴日上左去試qx_2,感覺好好，同LX又另一個世界，原本諗住jbl 530 520,而家十分挣扎 Congratulations 唔同size 同取向其實好難公平比較。。。 恭喜Ching
期待Ching mark1 發表於 2018-3-24 17:26
唔同size 同取向其實好難公平比較。。。
其實都明，不過小弟得一對喇叭
只可咁比{:6_136:} 請問這隻喇叭在amp 分頻應該set幾多好？ carreyjim 發表於 2018-4-1 17:57
請問這隻喇叭在amp 分頻應該set幾多好？
如無記錯 我用Auto-Cal後, 無手動調整過分頻點,
而實際數已忘記了,Sorry 師兄
頁:
[1]