一假三響.....J J 小評 (含內容)
本帖最後由 lkljason 於 2009-12-27 14:25 編輯http://www.moviesuper.com/big5/Graphics/DATA/Information/IN-4630.jpg
呢套打響頭炮，之前講過因為買唔到Imax版，唯有退而求其次o係又一城AMC睇，無野投訴完全值回票價，睇前都知道成套戲要帶住眼鏡黎睇3D效果，開頭都擔心會唔會睇到好"支力"，不過睇完成套戲我完全唔覺有負累，睇左拾幾分鐘已經習慣晒，但建議帶眼鏡既朋友如果有con最好帶con去睇，因為老細講帶住兩副眼鏡真係有d唔舒服勒。
故事就唔多講勒，當中CG特技真係無得彈，外星人d樣幾可亂真，選角亦都無可挑剔，不過千其唔好諗住d 3D效果成日會有野凸出黎嚇你果隻，呢個新既3D 技術只係令套戲既立體感 (人物同背景更有層次)更加突出。
總結：呢套戲唔睇呢期邊有話題呀，未睇既朋友快d買飛睇啦！
http://www.moviesuper.com/big5/Graphics/DATA/Information/IN-4591.jpg
第二響既幸運兒就係呢套吸血新世紀2，點解叫幸運兒？因為從頭到尾都無考慮過睇呢套戲，不過老細同個囡極度想睇，咁無計啦，唯有捨命陪老細！
故事順住上集咁去，男主角因為為左女主角好所以選擇自己離開，人狼第三者就比女主角zip o下時間，但當男主角一有消息就馬上食回頭草，呢d女仔勁唔要得啦，聽到呢度係咪都覺得勁婆媽呢？好在第一集岩岩至睇完碟，所以完全無斷片咁 Continue，睇完感覺好電視劇feel，呢集連老細都覺得有d悶，男女主角感情拖拖拉拉，真係裸戲黎做，人狼大show肌肉都係裸翻些小女fans既尖叫，不過故事實在沉悶真係點救都救唔翻，不過散場果時問老細下集仲睇唔睇，點知佢諗都無使諗就話~~~~梗係睇啦！問你死未~~XDDDDD
總結：睇左d介紹，聽講第三集有機會會一分為二，不過我個人就唔多想勒，好好醜醜快d上埋第三集啦，有d野無謂拖得太久嘛！
http://www.moviesuper.com/big5/Graphics/DATA/Information/IN-4701.jpg
最後一炮就係新鮮熱辣今朝睇早場既o者，男主角仍然保持鐵甲奇俠果種幽默表情，飾演華生既祖迪羅我就反而有d驚喜，幾鬼搶鏡兼出場率多，女主角唔使講，真係花瓶到不得了。
呢d偵探戲基本上都係睇個故仔，如果故仔唔掂真係會睇到打晒喊路，好彩呢套故事都算唔錯，加上呢套有打鬥兼笑料，娛樂性都幾豐富，預就預左幾個主角點都會逢凶化吉架啦，不過睇時有幾幕都會"鄧"個主角緊張，最後結局亦都預左留伏線，始終福爾摩斯系列絕對有能力拍續篇嘛！(收得既話~~~^^) 多謝分享~~阿凡達一定睇imax版,但又o係訂唔到飛...{:6_168:} 阿凡達我都會去 iSQUARE 睇，不過要排到1月9日 {:6_187:} 吸血新世紀2 真係好Q 悶.. 有點後悔入場睇..
見阿凡達成幾粒鐘..真係好驚下.. 不過依家阿JJ 推介得, 我信你! 會入場睇! 都係大約兩個半鐘，比一般既西片長小小！ 其實我想知道imax除左畫面大d震撼d外，話時話仲有無其他大分別呢？(價錢唔計~~~XDDD)
頁:
[1]