唔洗1皮野的10M鐘有幾好聲呀...? - TEAC CG-10M（開箱文）
本帖最後由 MDee 於 2018-1-22 13:22 編輯事隔一段日子，好耐無系76出過文， 自己D機都有左好大變化，加上最近放假，所以開始整理一下自己系76 D文。{:8_394:}
今次講買鐘，（點解買鐘？因為我由N851 跳左去 ESO N-01囖，遲D出返個Post 講下前因後果。）其實我自己本來打算買MUTEC鐘既， 不過成日都覺得好似鐘呢家野要貴D先夠玩， 所以一直買左N-01之後都無出手，系度心大心細念住買ESO G-02X. 不過最後星期6 無聊行下HiFi鋪之下都系受唔住誘惑，一句“唔洗一皮野有日本仔10M鐘玩，邊有得輸呀”，再加上放埋公司D假有個Long Weekend，就係咁...敗左家啦...
講真，我真係唔系好大期望， 只不過真係就係個句“唔洗一皮野”唔算貴，所以先買來試下， 念住輸極有個譜........
但係事情并唔系我念甘簡單......{:8_385:}我首先插左部機大概10分鐘先， 因為聽代理講部機個Clock要加熱先，甘樣先會最穩定。所以先煲一陣。10分鐘後接機開聲. 都係聽開自己熟個1-2首歌去先比較下. 哇......好明顯， 個改變真係明顯到呢..... 人聲定位準左好多， 定位好清晰，嘴型細左，音場立體左.唔知道咩原因以前聽都會覺得Diana Krall把聲有時會有D蒙，但接Clock之後， 刻意去搵返個段比較下，但發覺搵唔翻個種Blur既感受. 這個改變好明顯， 好聽左好多.而下一個我發現的神奇點系個音場都闊左好多，以前感覺唔到既弱音都出曬。 聽久石讓的live的時候特別感受到個種提升，真係堅正......!
真心講， 以前因為D 器材唔夠班，所以一直無玩過鐘， 亦好奇怪點解D人甘傻要買多一部甘貴既鐘去玩，值得咩？ 但因為想買ESO之後，自己就多左留意鐘的玩法， 所以一直心思思. 最終其實想買G-02X的，不過呢次有幸買到TEAC呢部10M，自己都由心覺得代理真係無坤我，自己真係幫部N-01升左級。而同時覺得，如果自己以後買機都會偏向可以玩Clock的器材，因為加鐘之後的改變真係好好. 感覺如果可以好似ESO，馬仔...個D機有鐘玩，但唔玩鐘的話，真係只可以說只是發揮了器材的60%功力！ 我部N-01就係最好既sample.
自從上次出文之後，好多ching PM 我問問題， 感覺幾有成功感，希望以後可以一買機就出文，雖然這些都可能只是我個人觀感， 但等多D人可以有個參考都好，自己都覺得滿足！多謝支持！{:8_376:}
其實聽digial 野, 包括CD, 鐘係好緊要的一環.
只是鐘不便宜, 而又身邊有很多"看似很便宜又有效"的東西. Ching, 可否pm價錢？thank you
頁:
[1]