Bose SoundSport Free 小小的測試
Bose SoundSport Free小小的感受:
音色: 我係有少少失望, 高音位係幾刺耳, 當背景音樂好複雜ge時候會更明顯.
低音算係佢比較強ge地方 (Bose一向都係低音向ge XD), 但對比bose自家ge耳機, 佢ge低音係明顯比下去. 甘當然啦, 用真無線耳機比有線耳機係有D唔公平, 非戰之罪.
但有一樣野係令我喜出望外,就係佢空間感做得幾好{:6_157:}. 無諗過會係真無線耳機出現到
如果同 Onkyo W800BT比的話, Onkyo會自然D. 高音位甚少 “拆” . Cover ge音域都比BOSE多.
穩定性: 我試左5分鐘左右都無斷開過. 我係BOSE門市試的, 幾乎企係門口, 右邊就係人來人往ge走廊, 所以我相信穩定性方面 我對佢有信心.
但好可惜ge係, 佢現時只可以連接返Bose’ iPad, iPad只有歌 而沒有影片, 試唔到聲畫同唔同步….
充電位: Charging case充電位係我用左 The Dash Pro之後 就知道真係好重要….. The Dash Pro係成日 成日 成日對唔準個充電位, 我試,過放左3分鐘都未放好 (可能係我自己問題啦{:6_122:})….. 而Bose就好輕鬆, 一放就對準. 準繩度僅次於/幾乎 AirPod.
配帶方面: 受惠於Bose ge “鯊魚耳膠”, 配帶得相當穩陣亦都好舒服. 我個人認為佢始終都未完全係 “in-ear”, 隔音方面就比較一般. 當我聽慢歌的時候, 我會聽到行人ge聲音 而不自覺地增加聲量, 長遠地對耳朵聽力有點隱憂. 不過相返地, 因為你可以聽到環境聲, 跑步ge時候都會相對安全.
我個人近排係對BOSE和B&O真無線耳機有興趣. 不過B&O就仲未有時間試. 而BOSE今次我都未有機會測試睇片方面. 雖然音色比我想像中有點落差, 不過如果只係專for運動用的話,的確不錯. 配帶相當穩陣.
如果有師兄試過B&O的話 可以分享下呀!
係咪即係呢隻???
小瑟 發表於 2018-1-18 12:29
係咪即係呢隻???
係呀! 橙色好特別{:6_122:}
頁:
[1]