貪得意一入-"天域4D全感音"版 <天與地 II>(實物圖)
本帖最後由 Hugo Fok 於 2018-1-14 12:34 編輯今個禮拜見到除左 <IT> 外,就好似無咩心水碟想入... 咁岩見到碟舖 DEMO 緊之前想買好耐個套 <天與地 II> (重點係有中字同粵配), 最終都出手支持下。之前其實都有諗過等隻中字版 4K ,不過見到呢套片全地球既 4K 都無中字 (包括香港行版),所以最終都係入返 BD 版算。之前我比較少儲 BBC 既紀錄片, 所以唔太知頭知路....但聽碟舖講話 BBC 對上一套 "特輯" 已經係咸豐年前既事,所以呢套野其實都有幾多人期待緊... 雖然無 4K 版始終都係有 D 遺憾, 但聲音部分港版呢次自己 "加料" 搭載左條用「天域4D 全感音 X-Spatial 4D Psychoacoustics」技術做混音 (編碼同為 Dolby TrueHD 5.1) 既聲軌做小試牛刀... 即使實際輸出喇叭聲道只係 5.1, 但反覆比較後都覺得「天域4D 全感音 」條 Track 係聲場方面的確寬闊好多, 配樂以至自然環境的細碎聲都變得更離箱... 成個廳都好似闊落左咁。{:6_139:} 比較可惜係粵語旁白條 Track 得非常弱雞既 DD 2.0... {:6_136:}
{:1_351:} 香港行版未出4k 港版有4 K 嗎？ 港行淨係得藍光版, 再出 4K 既機會應該好微了 ... {:6_136:} 呢類BBC, 睇完4K真係返唔到轉頭睇BD.............
頁:
[1]