遲咗轉車總好過冇轉車
話說小弟從8802A換了部Pioneer 89已經兩年多，係呢兩年時間，89一直用得超開心，有個老友年前已同我講佢由89換了901點好點勁，我最初諗住兩部機嘅制式差唔多完全一樣，去老友佢屋家訪又聽唔出有好大分別，心諗下兩部機只係裡面d chips小改唔同咗，無謂又要洗錢去換部901啦......直到一個月前，呢位老友再打電話我，佢話聽返我屋企部89真系有d厭悶感覺，佢重誓神劈願話部901今次真係好大進步，叫我如果中意Pioneer機就一定要在自己屋企試先知道有幾堅抽，好！又信佢一次咁多....
兩日後，901送到屋企即時cal好開聲，頂佢個肺，衰聲到暈，低頻又肥又腫，d聲亂七八遭兼且呱呱叫，心諗點都冇理由仲衰聲過89掛，不過老友話明要煲200個鐘先好下結論，ok又信埋你呢次，就咁由佢play file煲咗6-70個鐘，睇返d耳熟能詳嘅舊片，我頂！第一個感覺，動態比89大咗好多，音壓由以前開到-10db，現在開到-12-13db已足夠了。到寫呢個開箱文嘅時候，901相信已經煲了超過100個鐘，試左隻A MusiCares tribute To Carol King 同ERIC CLAPTON Live in Royal Albert Hall，用901最大分別係人聲厚潤了不少，播Lady Gaga唔會好似89咁，人聲稍薄兼且有少少利口感覺，舞臺的鋼琴聲與及播Eric Clapton Layla支結他弦聲都高聳入雲，88+901播Live BD嘅樂器質感比我兩聲道系統播cd更為優勝，像真度亦更高，音塲闊度同高度比89撐得更開，901睇戲至為誇張，同89真系兩碼子嘅分別，分別之大，唔怪得老友誓神劈願咁叫我換901玩，問我有咩咁誇張？我祗可以講901好似幫你換左主喇叭同超低咁囉！真係要自己感受過才知道有幾堅，有幾開心。
{:1_348:}{:8_390:} (人聲厚潤了不少/901睇戲至為誇張)
我就係想要呢D野.....{:6_193:} 本帖最後由 小寶老豆 於 2018-1-2 15:07 編輯
{:6_128:}... 巧正嘅報告呀...
好彩禾已經退燒 multi channels 又提升，文字都感受到好正{:6_143:} 就如我之前所講, 人聲密度的確比之前89好好多, 我試過聽過其他牌子前級加一部重火力ab class後級推array 880中置, 推出嚟啲聲冇活生感,唔通透,對白矇查查,真心反而我之前直推880所有嘢仲清清楚楚, 當然la,揀啱後級就梗係有勁好多啦!! matt88p 發表於 2018-1-2 18:51
就如我之前所講, 人聲密度的確比之前89好好多, 我試過聽過其他牌子前級加一部重火力ab class後級推array 88 ...
俾你講到我地d 89 用家心郁郁
901真係甘堅 matt88p 發表於 2018-1-2 18:51
就如我之前所講, 人聲密度的確比之前89好好多, 我試過聽過其他牌子前級加一部重火力ab class後級推array 88 ...
我都係攞901推前面嗰三隻 秦朝後級 推中間 天空 後置
頁:
[1]