分享升級Atmos及老秦用後感(前傳)
加入76多年第一次出post寫感受,希望各位師兄師姐高抬貴手,不喜勿插!言歸正轉,小弟家中影音多年來一直源用中下级器材,雜牌軍喇叭冇Subwoofer.....雖然係一塌糊塗,但自我感覺良好!
直到近期,同公司老世傾開影音佢話要upgrade屋企 AV amp,之後嘅升级之路亦由此而起!
經過一輪分析及走訪各大影音鋪,最後大家各自入左不同品牌AV amp!
老世之前用P記而家轉會用Y記,而我就剛好調轉!
轉左P記(701)Ｄ刀劍槍炮好sharp,但包圍感就的確係Y記佔優!
開頭一心只係想换amp,因為舊amp唔support HDR,又唔想浪費左個盒子同電視!
但係新amp有atmos玩咁又冇理由唔搞搞佢啫!
於是乎一口氣入手左4對control X做atmos及surround,中置就LC1!
心諗今次齊料玩盡7.1.4啦,點知裝插好哂後一開MCACC cal機,佢話我冇裝surround back
開頭以為自己駁錯野啦!睇下manual原來係自己柒左,701要行7.1.4係要pre對surround back而唔係pre對前置
經過一輪折騰终於開聲一嘗atmos嘅氣勢, 雖然首輪嘅升级已經十分之滿意
但係冇subwoofer始終係一個缺憾,再者之前走訪影音鋪啲subwoofer確實係好震撼好吸引
而其中試過XTEQ 12及 E110都係小弟比較啱心水及價錢上可負擔
響考慮呢兩個十仔嘅同時,見好多人都提及老秦呢個牌子,於是就做下功課喇....................待續
追睇報告！ 從相片中看見各下的
客聽非常寛濶 可赏試用大尺寸的十仔 例如12寸或15寸 最好两边各ㄧ隻 如果玩过两隻十仔 不會回头玩ㄧ隻的 因完全两个世界 各下的Atmos天花喇叭装得非常好 空間距离好够
分享升級Atmos及老秦用後感（續集）
本帖最後由 michael23x 於 2017-11-29 19:15 編輯開始入正題喇！之前問師兄攞左老秦代理個contact，膽粗粗就whatsapp代理問下價啦！
十仔同後級價錢加埋都係射程範圍內喎！但點都要試下聲先扑鎚啦!
同代理傾完，原來佢地試音室嗰期upgrade緊，要試就要上其他秦友度試喇！
經過一輪安排之下，終於上左一位秦友屋企做左人生中首次嘅家訪！
一見呢位秦友隻中置array 880真係流哂口水，佢用老秦3115加5400A後級!
例牌試atmos demo碟，老實講，當時對方一開機，嗰種感覺真係不得了!
心諗仲勁_過人地影音舖喎，我響屋企都未試過聽到D風雪聲咁出咁細致，個舊黑雲嗰幾下行雷原來可以咁震撼！
最後佢播左一段隔山打牛（唔知戲名），嗰種壓迫感真係難以忙懷！呢隻十仔俾我嘅感覺係乾淨爽快唔肥有戲院感!
之後師兄解釋俾我聽，D嘢咁出而surround可以咁連貫，功勞都係屬於部後級，佢同我講之前用過邊D後級呀比較之後點點呀！
我當時梗係扮哂識啦！哦⋯⋯⋯⋯嗰隻丫嘛聽過聽過（男人樽鹽死症）！
之後返到屋企展轉反側前思後想，再開自己套嘢聽下，差咁遠嘅！
冇比較好地地，一比科水落訂啦⋯⋯⋯待續 komkom 發表於 2017-11-29 18:28
從相片中看見各下的
客聽非常寛濶 可赏試用大尺寸的十仔 例如12寸或15寸 最好两边各ㄧ隻 如果玩过两隻十仔 ...
嗰邊係老婆個飾櫃，唔可以有野擋住呀！ komkom 發表於 2017-11-29 18:32
各下的Atmos天花喇叭装得非常好 空間距离好够
之後會再講下其實我天花同surround個位置裝得後左 Ching十仔高度有限不用担心 擋不了幾多的 但两夫妻可共同享受看電影的樂趣 師兄爭咗咗一樣好重要嘅嘢,投影機 matt88p 發表於 2017-11-29 19:28
師兄爭咗咗一樣好重要嘅嘢,投影機
老世入左部optoma uhz 65下星期到貨, 會下放佢部馬仔1080俾我玩下!