MrSpearkers 耳機試玩平台：Aeon Flow 封閉式平板 (第一季)
真心一句要係店舖仔細試自己心儀既耳機，的確有點難度，尤其是大耳牛，總唔能夠將自己屋企成套架生帶哂去，試完呢樣再試個樣，都應該係人家收鋪既時候……。如果品牌願意借機俾我地會員玩，只要會員有興趣，不管是新的又或者是舊的產品，都可以帶回家慢慢試清楚。然後大家可以分享心得，不論係鍾唔鍾意部機，夾機過程，深入玩一部機聽住佢變化等等⋯各大版友交流之餘，廠家又可以透過分享收集意見，對現有產品配套作出可行的調整；同時有利於發展新產品，務求達至雙贏的局面。
以往類似長期借機既玩法雖然係外國頗流行，但係香港卻好少有。如今我們終於不用再「外國月光特別圓了」！
今次有幸得到 MrSpearkers 代理 SoundWave 全力支持，長期借出耳機比我地版友試玩，於是 Post76 耳機版膽粗粗提意，不如由 MrSpearkers Aeon Flow 作為開始，沒想到這麼快就答允。幾時都話借返屋企慢慢試就最好架啦，小弟率先用盡家中既架生試下佢有咩咁特別！？以下係 MrSpearkers Aeon Flow 既簡單介紹，大家如果都有興趣的話，只需要係呢個帖回覆留名話比我地知，順便又講下你想點試玩法咁啦，如是者一位接一位咁試落去，讓平台慢慢咁發展落去，Sure Win！
∇ MrSpearkers Aeon Flow 是繼 MrSpeakers Ether C 後的新產品
∇ 留意一下其品牌名稱為 MrSpearkers，沒有逗點及分隔位，就好似麥當當咁，個人估計是一個字典都無既專有名稱
∇ 自家的第二代封閉式平板耳機，跟第一代的外型上有很大的分別，Aeon Flow 睇落係有D似人耳
∇ 跟上一代一樣，同樣提供調音用的耳棉，加了是可以增加「低音」既力量
∇ 耳機接線設計得非常好，單一方向才可插固的設計，拔除又十分便易
∇ 附件就有一塊高質量抹布、一對調音耳棉及人手簽發的證明書
∇ 收納盒跟上一代，使用了最少的空間，就可以存放耳機、接線及耳棉
重點規格：
Efficiency: 95dB/mW
Weight (without cable): 340g
Cable: Dual entry
Impedance: 13 ohms
Frequency Response: Yes*
官網：https://www.mrspeakers.com/aeon.html
更多試玩分享：
#02：上手試玩分享
#27：調音棉進一步聽感
#28：又一入門 DAP 小試
#29：新舊器材竟擦出了火花
#30：Aeon Flow 遇上 HA-1
上手試玩分享
本帖最後由 alleelarry 於 2017-10-12 21:09 編輯今次係個人第二次接觸平板耳機，只知道以往的出品都比較重，相比之前試玩過既開放式平板耳機，還要輕一成左右，淨重 340g（不連接線），戴上頭聽歌自不然可以聽耐D，尤其對我呢D老餅十分重要，聽歌 MODE 係由頭到尾咁聽一只碟，之後再接另一只！
MrSpearkes Aeon Flow 到手時，身邊剛好有一部 Onkyo CM-X1，出力比 DP-X1 雖然大了不少，平日聽開的音量大概是 33-40 之間，但接上了 MrSpearkes Aeon Flow 時，好有必要開到 45或以上，亦啟動了 CM-X1 本身的音量分貝保護機制！
先後聽了三首歌，由自家 RIP 的 44.1KHz 到 DSD11.2MHz，由 CD格式到高解釋，感覺又會係點呢？呢三首曲目已經包括了：男聲、女聲 及 純音樂，快與慢也有，成為了近日試機首選。
∇ 君の歌 （Cobra Song Collection），雖然只是自家 RIP檔，但男聲雄厚有力，松崎しげる既演歌味十分濃郁，伴奏音樂也算上仔細，近尾段既小提琴拉奏到位，只是空間感比較窄一點
∇ 燒（都市觸覺 Part II 之 逃離鋼筋森林），女聲甜美，伴奏音樂十分豐富，低頻有心有力，空間感亦稍大了一點
∇ 金田（Symphonic Suite AKIRA 2016），由 2002年的 DVD-Audio 24bit/96kHz 音源再提煉而成，熟悉既音樂以「組曲」表達，本來已經十分悅耳，經重新混音下，空間感相當之闊，兩聲道上有「環繞」既感覺
初結：輕身可調音、分析力高、性價比高的平板耳機
初玩 MrSpearkes Aeon Flow 時，一試就試了好幾個鐘，勝在夠輕身，未有侷促感覺；以上曲目反覆聽了好幾遍，加入調音耳棉後，討好耐聽，或許有此設定，是迎合不同用家的口味，值得大家留意一下；平板耳機造價相對高，但定價算得上進取，至少不會一看到價錢就跑掉，連試一下的機會也沒有！明顯大食的耳機，係器材不足推盡的狀態下，仍有不錯表現，相信只要配搭得宜，它可以給你更好的「聲音」！ 請問要什麼手續？
有興趣試，但本身木耳一名，怕說不出什麼好分享。
現在只有AEON flow closed back 板？
本身本來想試試 ether flow 搭 Sony TA-ZH1ES 本帖最後由 hiyori 於 2017-10-4 23:43 編輯
bye2 發表於 2017-10-4 11:51
請問要什麼手續？
有興趣試，但本身木耳一名，怕說不出什麼好分享。
只要留名排隊就可以，稍後就會PM你。
至於分享方面，不用擔心啊，無論你想寫什麼，寫多少也沒問題，只要是關於這台耳機的感受就可以。基本上收到機後和還機時出帖告訴大家，中間隨喜分享你的感受就okay。 請問可以試玩幾耐呢？
自從BB出世後在家都很少時間可以靜靜地聽歌，不過慶幸在公司都可以好自由咁聽歌。而家在office都是用Element做解碼耳擴再接上K702﹐我想這隻MrSpeakers Aeon Flow都會是很好的配搭。 留名, 跟隊試耳機，thx! 留名, 排隊試耳機，thx!
小弟 HD800S 用家，算是動圈耳機而價錢並未離地的表表者，但由於屬開放式設計，竟然對家人的睡眠仍有影響，也被追劇時間減少了我聽歌的時機，一直想找closed back的方案，雖然前端非常弱雞，也希望能借這次機會，比較動圈跟平板耳機的聽感分別。 大力支持,
請問會有 AEon flow open 試嗎? 聽聞 sound stage 更大, 底音又加了 3db 。好想試下....
我本身已有 AEon flow closed, 香港一出已入, 有用 i5, 300r, s1, mojo, 及Hugo2 配來玩.
DAP 出效果不錯。
現時 Hugo2 -> Jotunheim -> 4 pin xlr balance -> AEon fow
感覺是像聽 OPEN 大耳牛一样, 隔音一流, 合辨公室用, 不會打攪其他人。
推介所有兄弟參加試聽。 JimmyNgai 發表於 2017-10-4 23:31
請問可以試玩幾耐呢？
自從BB出世後在家都很少時間可以靜靜地聽歌，不過慶幸在公司都可以好自由咁聽歌。而 ...
暫時未有明確時間表，個人來說真心試的話，至少有一星期以上才可，架生多既朋友仔就需要更多既時間{:6_142:} hifidclover 發表於 2017-10-5 07:48
留名, 跟隊試耳機，thx!
好奇一問，師兄用開咩耳機同器材聽歌咁呢？{:6_141:}