酷威 COOV SH500 Switch 底座 簡評
Nintendo Switch 流動性非常高，但有時去人地到玩，又想用大電視，帶原裝底座未免太大舊，再加上一定要用原裝火牛，非常唔方便，呢幾個月都有唔少第三方底座推出，但只有 酷威 COOV SH500 提供三個USB口 及 使用任何充電器，所以又買了回來試用了
左手邊是SH500，右手邊是早前我用原裝機座換上淘寶買回來的外殼，可以見到SH500比DIY改裝底座更細
長度高度全方位都更細件
層層疊就更見細件，比其他Switch Adapter大，但仍然屬輕巧
先來試試接上電視，大家要注意SH500的連接順序應該是 1: 插hdmi線 2: 連接充電線 3: 連接switch ，測試了多個非原裝火牛或尿袋都可以直推TV Mode，最細5V1A都可以推得到，圖中右上角亦見到駁了USB網絡器用有線上網，不過因為唔係原裝PD2.0快叉，一路玩會一路消耗電力，以我5V1A外置電計，大約一小時會用去15%電
另外，廠方亦提供了一個魔屏模式，平時不用電視時，除了可以當一個底坐用外，其實也是一個OTG USB分線器，只要插上電源，一樣可以用到USB功能，例如接有線手掣，有線上網等，接駁方法會同TV Mode不同， 1: 插上Switch 2: 連接充電線，不過實測這個模式比較挑電池，試了好多火牛和尿袋外，只有兩個尿袋能成功推得動魔屏模式，如果有需要使用魔屏模式的朋友，可能要留意番有機會手上的充電器或尿袋會用不到
如果想再細點，同唔需要用魔屏模式的話，可以考慮右邊的SH350，一樣可以用普通火牛或尿袋
最後，提醒大家，第三方底座始終唔係原裝產品，買唔買，用唔用，都係你自己的決定，如果抱著懷疑，還是用回原裝的好，始終會用到電的電子產品，風險唔可以話完全無，我自己就會照用，但唔會插過夜，百幾蚊貨仔，叫買個方便
頁:
[1]