Sukie S加盟新公司”從新出發”首張大碟【The HAT TRICK】
更新 : 影音展內搵了 SUKIE 同大家做了一個訪問, 係度同大家分享一下呢.wzJWuXjgyNM
Sukie S加盟新唱片公司星娛樂第一擊頭炮作品【The HAT TRICK】, 睇得出無輪在包裝上或錄音上都投資咗唔少錢, 明顯比以前野心多咗. 有野心都係一件好事, 證明 石詠莉 畀外界認為係音樂道路上可以去得更濶更遠～包裝上歌詞書起用膠質紙, 歌迷就算睇好多次都好似新嘅一樣, 依點真係好貼地, 一定令好多收藏者讚不絕口, 而且音質上亦有所提昇, 大家不妨留意一下
當然我地聽音樂唔係只靠錄音好, 紙質有手感就夠, 最現實亦最基本就係好唔好聽. 坦白咁講, 2015 年出第一隻聽聽 Sukie S 可以話一嗚驚人, 到第二隻 Welcome 2 my Destination 整體上係冇之前個隻咁精彩. 咁橋我都好似冇寫到依篇碟評, 到今次依隻我亦忍唔住要出嚟唔專業咁講下先得. 佢今次大碟唱歌部份比以前進步咗係真嘅, 難度亦比之前2隻相信製作更辛苦. 依個 Credit 真係要畀番佢地嘅團隊至得!!!
今次依隻碟由《以前》一首全新創作歌曲打開序幕, 由 林家謙 作曲(之前幫 JW 矛盾一生作曲) 同埋 陳詠謙 填詞 (一個多產又 Keep 到 Quality 嘅填詞人,佢嘅作品近排有我好 Like 嘅穿花蝴蝶) 講述男女之間感情, 曲同詞可以話好 Match 到個標題, 聽起嚟好順耳, 我相信依首派上台之後可以去到一個較高嘅位置
新歌除左《以前》之外，仲有搵嚟 Ironman Eric Kwok 監製同 林若寧 填詞嘅《再見一面》同佢未婚夫曲詞包辦度身訂做《完全》, 刻意安排在 Song List 嘅第 3, 7, 10 首間段出現, 令聽眾覺得 10 首歌同樣重要. 完全滿足鐘意有新創作嘅樂迷又討好一班鐘意 Cover 歌個種情懷嘅知音人.
講到翻唱部份, 我特别想講 Sukie 第一次翻唱女歌手嘅歌就係梅姐嘅《壞女孩》依隻歌同其餘 9 首個 Tone 完全唔同, 而且唱腔亦係大家少聽到嘅, 留意嘅係《壞女孩》要唱個種感覺唔好過份妖豔, 一定要平衡到先得 一旦過咗火就變成不堪入耳. 難得嘅係 Sukie 可以不温不火演譯到出嚟. 不過聽歌好主觀, 依首歌我相信日後好多人會評論好定唔好. 我自己而言, 一隻大碟有 1 至 2 首歌可以特别 D 試下新野我自己就覺得無咁悶羅!
另外重唱Eason《傷信》比原曲編得更慢, 但出黎效果竟然又唔沉悶仲好好聽, 真係比我想像中驚喜. 所以整體上Sukie無論係新歌或翻唱部份平均有7.5分, 如果日後出一隻全新創作大碟同一隻翻唱大碟一樣有得做, 正如我一開始就講Sukie S係音樂道路上可以有更大既作為.
6EMZmOHS1ZQ
01. 不願一個人
02. 愛變了世界襯衣
03. 再見一面
04. 傷信
05. 誰令你心痴
06. 壞女孩
07. 以前
08. 别了秋天
09. 燈火闌珊處
10. 完全 好正既review呀，我今日都撞到Sukie,即時排隊買碟囉簽名呀。{:1_328:} 小瑟 發表於 2017-8-13 17:44
好正既review呀，我今日都撞到Sukie,即時排隊買碟囉簽名呀。
排隊時仲撞到Patrick呀，同佢live左一排,好鬼好笑呀。{:1_338:} 小瑟 發表於 2017-8-13 17:44
好正既review呀，我今日都撞到Sukie,即時排隊買碟囉簽名呀。
甘都撞到,好有緣{:1_351:} Patrick 好難同他合照 我都係鍾意第一隻CD，第二同新呢隻都係覺得麻麻 昨晚聽完新專輯,都覺得比第ㄧ有落差! 尋日捕獲 SUKIE 的現場, 4分鐘之後有 PATRICK的!!{:6_128:}
bymp4jo6beQ Ken兄小瑟兄我想買隻sukie新碟加埋簽名,兩位大哥幫吾幫到我{:6_140:} 買咗，聽了數次，和以上師兄有相同感覺。。。總結是音質和錄音的確有所提升（有大公司Backup?)，但唔及笫一或第二隻耐聽。。。應該唔係新鮮感問問題。。。。另外新歌方面，不算搶耳，尤其未婚夫包辦曲詞嗰隻，真係唔識欣賞。{:6_136:}