小弟正正就係用緊pionner901+ JBL,其實以下呢一篇曾share過出嚟, 不過再分享一次!!
小弟自己覺得天龍/ pioneer嘅分別係:
兩部機先唔好講音色,我淨係睇個處理喇叭嘅能力,天龍auto cal 嘅時候, 唔知點解處理好多大喇叭低音部分,應該+佢就- ,應該- 但係就會變咗+, 天龍本身處理大喇叭低音同埋相位方面,可能因為Audyssey,佢根據類似thx計算,根本冇預你其他喇叭行低過80hz, 所以一般佢嘅EQ係會將你全部低音撥曬畀十仔, 所以喺低音EQ部分,相對處理能力會比較弱小小, 同埋小弟發覺天龍amp如果要做到主喇叭相位同十仔好match嘅話,需要花嘅心機同功夫真係多個pioneer mcacc pro好多.
講返粒晶片處理器,如果講睇戲分析力,小弟睇番好多外國網站資訊, 都有講到ES9016s晶片比AKM晶片強,ES晶片分析力較高,咁當然公平講一句,AKM晶片喺音樂分析上應該會高班過ES小小,但係大前提係,天龍本身又唔係著重還原音樂感.....
同埋非常關鍵嘅一點係, 先講返jbl喇叭, 其實好多牌子嘅AUTO CAL EQ係會將本身JBL 聲音扭曲咗,但係Pioneer 裏面嘅F. ALIGN會因應番你前置主喇叭嘅特性,令到其他輔助喇叭曲線相位同特性追翻貼主前置喇叭聲效,令到成個音場聲音特質一至, 呢一點喺家庭影院呢講真係非常重要, 我相信呢點亦都係之前有一啲高手所謂如果用JBL唔用PIONEER會好冇癮嘅意思!!
仲有就係pionner auto cal 之後可以手動改eq, 但係本身天龍只要你一手動更改EQ,基本就會喪失咗本身Audyssey功能, 至於好似新款嘅6300可以改,但係就要畀錢買一個app先可以.
而且Mcacc pro 可以做到唔同EQ唔同channel level, 而呢樣講真其他牌子真係做唔到.
當然講真我識嘅嘢有限,仲有大把嘢要學/研究,淨係要玩曬pioneer嘅功能已經有排玩,不過講到尾,以上都只係自己個人小小意見,不喜勿插,請各位高手大師高抬貴手!!!!!!! 如果denon出新宇宙盤，我會揀denon行denon link,因為試過真係零舍不同！
頁:
1
[2]