冇心機
Sigh,同女友有問題，佢話要冷靜吓。sigh,唔見佢幾日，好掛住佢。依家對住system冇曬心機，咩碟都唔想睇，升幾多級都冇用。 不如你講下前因,咩野問題,等呢到d兄弟幫下手. 講出同大家分享{:6_122:} 你唔講出嚟,點樣同你急救呢......{:6_175:} 咪又得佢冷靜下先lor~ ching, 有好多野自己控制唔到, 比d時間比佢冷靜下, 同時亦比自己冷靜下。
遇到諗唔通的問題, 我通常都會落街跑下步, 等自己出番身汗, 又可以比自己自自由由咁諗下野, 冷靜下。當然, 呢個方法唔係人人都啱用啦。
或者講多少少details出黎, 睇下post76 chings點樣幫到你? 真係多謝大家關心。我衰脾氣大，同俾佢壓力。
宜家個心好實。不過都真係想冷靜吓，等個人可以relax啲 放心，好快無嘢，我同我老婆有時都會甘{:6_136:} 感情野只有自己幫到自己 搵唔到個問題就永遠都有問題做旁人唔方便比意見 加油 8# nigo12
喂, 自己友喎, 我唔知我係咪叫脾氣大, 但我好多時唔多順超就會唔出聲黑面, 不過都知自己衰架啦, 改都應該既, 但無可能話改就改架麻, 所以咪成日同我老婆數返自己D衰野, 等佢知道我其實知自己衰乜囉, 其實有時講就容易做就難, 鬼唔知女人唔講道理咩, 但相反男人就係鍾意講道理呀麻, 鬼唔知女人要氹咩, 但有時又火遮眼呀麻, ching, 呢段時間, 唔好完全無哂反應, 耐唔時間唔中就發個短訊過佢, 但唔好密喎, 話過佢知佢對你有幾重要, 認下衰仔, 有乜就日後再調教啦, 女人真係唔洗道理架, 講佢地都唔會明既, 更何況而家風頭火勢就更加唔駛講!